ಯೋಹಾನ 8:55 - ಕೊಡವ ಬೈಬಲ್

⁵⁵ ಆಚೇಂಗಿಯು ಅಂವೊನ ನಿಂಗಕ್ ಗೊತ್ತ್‌ಲ್ಲೆ, ನಾಕ್ ಅಂವೊನ ಗೊತ್ತುಂಡ್; ಅಂವೊನ ನಾಕ್ ಗೊತ್ತ್‌ಲ್ಲೇಂದ್ ನಾನ್ ಎಣ್ಣ್‌ಚೇಂಗಿ, ನಾನ್ ನಿಂಗಡನೆಕೆ ಪೊಟ್ಟ್‌ಮಾರಿಯಾಯಿತ್‌ಪ್ಪಿ. ನಾಕ್ ಅಂವೊನ ಗೊತ್ತುಂಡ್, ಅಂವೊಂಡ ತಕ್ಕ್‌ಕ್ ನಾನ್ ಬಗ್ಗಿತ್ ನಡ್‍ಂದಿಯೆ.

ಯೋಹಾನ 8:55 ပူးပေါင်းရင်းမြစ်များ

ಮತ್ತಾಯ 11:27

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:22

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೇಂದ್ ಎಣ್ಣ್‌ಚಿ.

ಯೋಹಾನ 1:18

ದಾರೂ ದೇವನ ಒರ್‌ಕಾಲು ಕಂಡಿತ್‌ಲ್ಲೆ, ಅಪ್ಪಂಡ ಎದೇಲ್ ಉಳ್ಳ ದೇವಡ ಪ್ರೀತಿರ ಒರೇ ಮೋಂವೊ ಮಾತ್ರ ನಂಗಕ್ ಅಂವೊನ ಗೊತ್ತ್ ಮಾಡಿ ಕೊಡ್‍ತತ್.

ಯೋಹಾನ 10:15

ಅನ್ನನೆ, ನಾನ್ ನಾಡ ಕೊರಿಯಂಗಕಾಯಿತ್ ನಾಡ ಜೀವತ್‍ನ ಕೊಡ್‌ಪಕು ತಯಾರಾಯಿತ್ ಉಳ್ಳ.

ಯೋಹಾನ 15:10

ನಾನ್ ನಾಡ ಅಪ್ಪಂಡ ಆಜ್ಞೆರ ಪ್ರಕಾರ ನಡ್ಂದಂಡ್ ಅಂವೊಂಡ ಪ್ರೀತಿಲ್ ಸ್ತಿರವಾಯಿತ್ ಇಪ್ಪನೆಕೆ ನಿಂಗಳು ನಾಡ ಆಜ್ಞೆರ ಪ್ರಕಾರ ನಡ್‌ದಂಡ್ ಇಂಜತೇಂಗಿ ನಾಡ ಪ್ರೀತಿಲ್ ನಿಂಗ ಸ್ತಿರವಾಯಿತ್ ಇಪ್ಪಿರ.

ಯೋಹಾನ 15:21

ಆಚೇಂಗಿ ನನ್ನ ದಾರ್ ಅಯಿಚತೋ ಅಂವೊನ ಗೊತ್ತಿಲ್ಲತಗುಂಡ್, ನಾಡಗುಂಡ್ ನಿಂಗಕ್ ಇನ್ನನೆ ಮಾಡ್‌ವ.

ಯೋಹಾನ 16:3

ಅಯಿಂಗಕ್ ನನ್ನ, ನಾಡ ಅಪ್ಪನ ಗೊತ್ತಿಲ್ಲತಗುಂಡ್ ಇದ್‍ನೆಲ್ಲಾ ನಿಂಗಕ್ ಮಾಡ್‌ವ.

ಯೋಹಾನ 17:25

ನೀತಿವಂತ ಅಪ್ಪನೇ! ಈ ಲೋಕತ್‍ರ ಜನಕ್ ನೀನ್ ದಾರ್‍ೕಂದ್ ಗೊತ್ತ್‌ಲ್ಲೆ, ಆಚೇಂಗಿ ನಾಕ್ ನಿನ್ನ ಗೊತ್ತುಂಡ್; ನೀನ್ ನನ್ನ ಅಯಿಚದ್ ಈಂಗಕೂ ಗೊತ್ತುಂಡ್.

ಯೋಹಾನ 6:46

ದೇವಡಯಿಂಜ ಬಂದಂವೊನಲ್ಲತೆ ಬೋರೆ ದಾರೂ ಅಪ್ಪನಾನ ದೇವನ ಕಂಡಿತ್‌ಲ್ಲೆ, ಇಂವೊನೇ ದೇವನ ಕಂಡಂವೊ.

ಯೋಹಾನ 8:19

ಅಕ್ಕ ಫರಿಸಾಯಂಗ ಅಂವೊಂಗ್: ನೀಡ ಅಪ್ಪ ಎಲ್ಲಿಯಾಂದ್ ಕ್‍ೕಟತ್. ಅದ್ಂಗ್ ಯೇಸು ಅಯಿಂಗಕ್: ನಾನ್ ದಾರ್‍ೕಂದೂ ಗೊತ್ತ್‌ಲ್ಲೆ, ನಾಡ ಅಪ್ಪ ದಾರ್‍ೕಂದೂ ನಿಂಗಕ್ ಗೊತ್ತ್‌ಲ್ಲೆ; ನಿಂಗಕ್ ನಾನ್ ದಾರ್‍ೕಂದ್ ಗೊತ್ತ್‌ಂಜತೇಂಗಿ, ನಾಡ ಅಪ್ಪನ ಸಹ ಗೊತ್ತ್ಂಜತಿಪ್ಪ.

ಯೋಹಾನ 8:29

ನನ್ನ ಅಯಿಚಂವೊ ನಾಡ ಕೂಡೆ ಉಂಡ್, ಅಂವೊಂಗ್ ಕುಶಿ ಆಪದ್‍ನ ನಾನ್ ಎಕ್ಕಾಲು ಮಾಡ್‌ವಗುಂಡ್ ಅಂವೊ ನನ್ನ ಎಕ್ಕಾಲು ಒಂಟಿಯಾಯಿತ್ ಬುಟ್ಟಿತ್‌ಲ್ಲೇಂದ್ ಎಣ್ಣ್‌ಚಿ.

ಯೋಹಾನ 8:44

ನಿಂಗ ನಿಂಗಡ ಅಪ್ಪನಾನ ಸೈತಾನಂಡ ಮಕ್ಕಳಾಯಿತುಳ್ಳಿರ; ನಿಂಗಡ ಅಪ್ಪಂಡ ಇಚ್ಛೆರ ಪ್ರಕಾರ ನಿಂಗ ಮಾಡ್‌ವಿರ; ನಿಂಗಡ ಅಪ್ಪನಾನ ಸೈತಾನ ಪಂಡಿಂಜೇ ಕೊಲ್ಲ್‌ವಂವೊನಾಯಿತುಂಡ್; ಅಂವೊಂಡ ಪಕ್ಕ ಸತ್ಯ ಇಲ್ಲತಗುಂಡ್, ಅಂವೊ ಸತ್ಯತ್‍ಲ್ ನಿಂದಿತ್‌ಲ್ಲೆ. ಅಂವೊ ಪೊಟ್ಟ್ ಪರಿಯುವಂವೊನು, ಎಲ್ಲಾ ಪೊಟ್ಟ್‌ಕ್ ಅಪ್ಪನಾಯಿತು ಉಂಡ್. ಅಂವೊ ಪೊಟ್ಟ್ ಪರಿಯುವಕ, ತಾಂಡ ಸ್ವಂತ ಗುಣತ್ಂಜ ಪೊಟ್ಟ್ ಪರ್ಂದಂಡುಂಡ್.

ಯೋಹಾನ 8:51

ದಾರ್ ಒಬ್ಬ ನಾಡ ಬೋದನೆನ ಕ್‍ೕಟಿತ್, ಅದ್ಂಗ್ ಬಗ್ಗಿತ್ ನಡ್‍ಪೋ ಅಂವೊಂಗ್ ಚಾವ್ ಎಣ್ಣುವದ್ ಎಕ್ಕಾಲು ಇಲ್ಲೇಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ಯೋಹಾನ 8:52

ನೀಕ್ ಕೂಳಿ ಪುಡ್‌ಚಿತ್ ಉಂಡ್‍ೕಂದ್ ನಂಗಕ್ ಇಕ್ಕ ಗೊತ್ತಾಚಿ. ಅಬ್ರಹಾಮನು, ಪ್ರವಾದಿಯಂಗಳು ಚತ್ತ್ ಪೋಚಿ. ಆಚೇಂಗಿ, ನೀನ್: ನೀಡ ಬೋದನೆರ ಪ್ರಕಾರ ನಡ್‍ಪಯಿಂಗ ಎಕ್ಕಾಲು ಚಾವ್‍ಲೇಂದ್ ಎಣ್ಣುವಿಯಲ್ಲಾಂದ್ ಎಣ್ಣ್‌ಚಿ.

ಅಪೊಸ್ತಲ 17:23

ನಾನ್ ನಿಂಗಡ ಪಟ್ಟಣತ್‍ಲ್ ನಡ್ಂದ್ ಪೋಯಂಡಿಪ್ಪಕ, ನಿಂಗ ಪೂಜೆ ಮಾಡ್‌ವ ಬೋರೆ ಬೋರೆ ವಸ್ತುನ ಚಾಯಿತೆ ನೋಟಿಯಂಡಿಪ್ಪಕ, ಅರಿಯತ ದೇವಕ್‍ೕಂದ್ ಒಳ್‍ದಿತ್ಂಜ ಒರ್ ಬಲಿಪೀಠತ್‍ನ ಕಂಡಿಯೆ. ನಿಂಗ ಅರಿಯತೆ ಪೂಜೆಮಾಡಿಯಂಡುಳ್ಳಂವೊಂಡ ವಿಷಯತ್‍ನೇ ನಾನ್ ಎಣ್ಣಿಯಂಡುಳ್ಳ.

2 ಕೊರಿಂಥ 4:6

ಇರ್‌ಟ್‌ಂಜ ಬೊಳಿನ ಮಿನ್ನ್‌ವಕ್ ಎಣ್ಣ್‌ನ ದೇವ, ಯೇಸು ಕ್ರಿಸ್ತಂಡ ಮೂಡ್‍ಲ್ ಉಳ್ಳ ತಾಂಡ ಮಹಿಮೇರ ಜ್ಞಾನತ್‍ರ ಬೊಳಿನ ತಪ್ಪಕಾಯಿತ್, ನಂಗಡ ಹೃದಯತ್‍ಲ್ ಮಿನ್ನ್‌ಚಿ.

1 ಯೋಹಾನ 1:6

ನಂಗ ದೇವಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ಚೇಂಗಿಯು, ಇರ್‌ಟ್‌ಲ್ ನಡ್‍ಪಯಿಂಗಳಾಯಿತುಂಡೇಂಗಿ ನಂಗ ಸತ್ಯತ್‍ಲ್ ನಡ್‍ಕತೆ ಪೊಟ್ಟ್ ಪರಿಯುವಂಗಳಾಯಿತುಂಡ್.

1 ಯೋಹಾನ 2:22

ಯೇಸುನ, ದೇವ ಗೊತ್ತ್ ಮಾಡ್‍ನ ರಾಜನಾನ ಕ್ರಿಸ್ತ ಅಲ್ಲಾಂದ್ ಎಣ್ಣ್‌ವಂವೊನಲ್ಲತೆ ಬೋರೆ ದಾರ್ ಪೊಟ್ಟ್ ಪರಿಯುವಂವೊ? ಅನ್ನನೆ ಪೊಟ್ಟ್ ಪರಿಯುವಂವೊನೇ ಕಳ್ಳ ಕ್ರಿಸ್ತ. ಅಂವೊನೇ ಅಪ್ಪನಾನ ದೇವ ಪಿಂಞ ಮೋಂವೊನಾನ ಯೇಸು ಕ್ರಿಸ್ತನ ಗೊತ್ತಿಲ್ಲೇಂದ್ ಎಣ್ಣ್‌ವಂವೊ.

1 ಯೋಹಾನ 2:4

ಒಬ್ಬ, ನಾಕ್ ದೇವನ ಗೊತ್ತುಂಡ್‍ೕಂದ್ ಎಣ್ಣ್‌ಚೇಂಗಿಯು, ಅಂವೊಂಡ ಆಜ್ಞೆರ ಪ್ರಕಾರ ನಡ್‍ಕತೆ ಪೋಚೇಂಗಿ, ಅಂವೊ ಪೊಟ್ಟ್ ಪರಿಯುಂವೊನಾಯಿತುಂಡ್, ಅಂವೊಂಡ ಪಕ್ಕ ಸತ್ಯ ಇಲ್ಲೆ.

1 ಯೋಹಾನ 5:10

ಆನಗುಂಡ್ ದೇವಡ ಮೋಂವೊಂಡಲ್ಲಿ ನಂಬಿಕೆ ಇಟ್ಟಿತುಳ್ಳಯಿಂಗಡ ಹೃದಯತ್‍ಲ್ ಈ ಸಾಕ್ಷಿ ಉಂಡ್. ಆಚೇಂಗಿ ದಾರೆಲ್ಲಾ ದೇವನ ನಂಬುಲೆಯೋ ಅಯಿಂಗ ಅಂವೊನ ಪೊಟ್ಟ್‌ಮಾರಿಯಾಯಿತ್ ಮಾಡಿಯಂಡುಂಡ್. ಎನ್ನನೆ ಎಣ್ಣ್‌ಚೇಂಗಿ ದೇವ ತಾಂಡ ಮೋಂವೊಂಡ ವಿಷಯತ್‍ಲ್ ಎಣ್ಣ್‌ನ ಸಾಕ್ಷಿನ ಅಯಿಂಗ ನಂಬಿತ್‌ಲ್ಲೆ.

ಪ್ರಕಟನೆ 3:9

ಇದಾ, ಯೆಹೂದ್ಯ ಅಲ್ಲತಯಿಂಗಳಾಯಿತ್ ಇಂಜತೇಂಗಿಯು ಯೆಹೂದ್ಯಂಗಾಂದ್ ಪೊಟ್ಟ್ ಪರ್ಂದಂಡುಳ್ಳ ಸೈತಾನಂಡ ಸಬಾಮಂದಿರಕ್ ಕೂಡ್‍ನ ಚೆನ್ನ ಜನಳ ನೀಕ್ ತಪ್ಪಿ; ಇದಾ, ಅಯಿಂಗ ನೀಡ ಕಾಲ್‌ಕ್ ಬೂವನೆಕೆ ನಾನ್ ಮಾಡ್‌ವಿ. ನಾನ್ ನಿನ್ನ ಪ್ರೀತಿ ಮಾಡಿಯಂಡುಳ್ಳ್‍ೕಂದ್ ಗೊತ್ತಾಪನೆಕೆ ಇನ್ನನೆ ಮಾಡ್‌ವಿ.