ಯೋಹಾನ 8:49 - ಕೊಡವ ಬೈಬಲ್

⁴⁹ ಯೇಸು ಅಯಿಂಗಳ ನೋಟಿತ್: ನಾನ್ ಕೂಳಿ ಪುಡ್‌ಚಂವೊ ಅಲ್ಲ, ನಾನ್ ನಾಡ ಅಪ್ಪಂಗ್ ಮಹಿಮೆ ಕೊಡ್‍ಪಿ, ನಿಂಗ ನಾಕ್ ಮಹಿಮೆ ತಪ್ಪ್‌ಲೆ.

ಯೋಹಾನ 8:49 ပူးပေါင်းရင်းမြစ်များ

ಯೋಹಾನ 11:4

ಯೇಸು ಇದ್‍ನ ಕ್‍ೕಟದು: ಇದ್ ಲಾಜರ ಚತ್ತ್ ಪೋಪಕುಳ್ಳ ಕಾಯಿಲೆ ಅಲ್ಲ, ಇದ್ಂಡ ಮೂಲಕ ದೇವಡ ಪೆದಕ್ ಮಹಿಮೆ ಕ್‍ಟ್ಟುವ, ಅದ್ಂಡ ಮೂಲಕ ದೇವಡ ಮೋಂವೊನಾನ ನಾಕ್ ಮಹಿಮೆ ಕ್‌ಟ್ಟುವಾಂದ್ ಎಣ್ಣ್‌ಚಿ.

ಯೋಹಾನ 12:28

ಅಪ್ಪ, ನೀಡ ಪೆದಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‍ೕಂದ್ ಎಣ್ಣ್‌ಚಿ. ಇನ್ನನೆ ಯೇಸು ಎಣ್ಣ್‌ವಕ, ಪರಲೋಕತ್ಂಜ ಒರ್ ವಾಣಿ: ನಾಕ್ ಮಹಿಮೆ ಕ್‍ಟ್ಟ್‌ಚಿ, ಇಂಞು ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವೀಂದ್ ಎಣ್ಣ್‌ಚಿ.

ಯೋಹಾನ 14:13

ನಿಂಗ ನಾಡ ಪೆದತ್‍ಲ್ ಏದೆಲ್ಲಾ ಕ್‍ೕಪಿರೋ, ಅದ್‍ನ ನಾನ್ ಮಾಡ್‌ವಿ. ಅನ್ನನೆ ನಾಡ ಮೂಲಕ ಅಪ್ಪಂಗ್ ಮಹಿಮೆ ಕ್‍ಟ್ಟುವ.

ಯೋಹಾನ 17:4

ನೀನ್ ನಾಕ್ ಕೊಡ್‍ತ ಕ್ರಿಯೇನ ಪೂರ್ತಿಮಾಡಿಯೆ, ನಾನ್ ಈ ಲೋಕತ್‍ಲ್ ನೀಕ್ ಮಹಿಮೆ ಕ್‍ಟ್ಟುವನೆಕೆ ಮಾಡಿಯೆ.

ಯೋಹಾನ 7:20

ಅಕ್ಕ, ಜನ ಯೇಸುನ ನೋಟಿತ್: ನೀಕ್ ಕೂಳಿ ಪುಡ್‌ಚಿತ್ ಉಂಡ್, ದಾರ್ ನಿನ್ನ ಕೊಲ್ಲ್‌ವಕ್ ತ್‍ೕಡಿಯಂಡ್ ಉಂಡ್‍ೕಂದ್ ಕ್‍ೕಟತ್.

ಯೋಹಾನ 8:29

ನನ್ನ ಅಯಿಚಂವೊ ನಾಡ ಕೂಡೆ ಉಂಡ್, ಅಂವೊಂಗ್ ಕುಶಿ ಆಪದ್‍ನ ನಾನ್ ಎಕ್ಕಾಲು ಮಾಡ್‌ವಗುಂಡ್ ಅಂವೊ ನನ್ನ ಎಕ್ಕಾಲು ಒಂಟಿಯಾಯಿತ್ ಬುಟ್ಟಿತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

1 ಕೊರಿಂಥ 11:14

ಒರ್ ಆಣಾಳ್ ಅಂವೊಂಡ ತೆಲ್‍ಮಿನ ಉದ್ದವಾಯಿತ್ ಬೊಳ್‍ತ್‍ವದ್ ಅಂವೊಂಗ್ ಅವಮಾನವಾಯಿತುಂಡ್‍ೕಂದು,

1 ಕೊರಿಂಥ 15:43

ನಂಗಡ ಚತ್ತ್‌ಪೋನ ತಡೀನ ಪೂಪಕಾಪಕ ಅದ್ಂಗ್ ಒರ್ ಬೆಲೆಯು ಇಲ್ಲೆ. ಆಚೇಂಗಿ ಏವಕ ದೇವಡ ಮಹಿಮೆ ದುಂಬ್‍ನದಾಯಿತ್ ಇಪ್ಪ. ಬಲಯಿಲ್ಲತ ತಡಿಯಾಯಿತ್ ಮಣ್ಣ್‌ಲ್ ಪೂಪ, ಆಚೇಂಗಿ ಬಲವುಳ್ಳದಾಯಿತ್ ಏವ.

1 ಪೇತ್ರ 2:23

ಅಂವೊನ ಅಯಿಂಗ ಅವಮಾನಮಾಡ್‌ವಕ, ಬದ್‍ಲ್ ಬಜ್ಜಿತ್‌ಲ್ಲೆ, ಹಿಂಸೆ ಮಾಡ್‌ವಕ, ಅಯಿಂಗಕ್ ಪೋಡಿ ಬಪ್ಪನೆಕೆ ಮಾಡಿತ್‌ಲ್ಲೆ. ಅದ್ಂಡ ಬದ್‍ಲ್, ನೀತಿಯಾಯಿತ್ ತೀರ್ಪ್ ಮಾಡ್‌ವಂವೊಂಡ ಪಕ್ಕ ಅಂವೊನ ಒಪ್ಪ್‌ಚಿಟ್ಟತ್.