ಯೋಹಾನ 8:48 - ಕೊಡವ ಬೈಬಲ್

⁴⁸ ಅಕ್ಕ ಯೆಹೂದ್ಯಂಗಡ ಅದಿಕಾರಿಯಂಗ ಯೇಸುಕ್: ನೀನ್ ಸಮಾರ್ಯ ಊರ್‌ಕ್ ಕೂಡ್‍ನಂವೋಂದು, ಕೂಳಿ ಪುಡ್‌ಚಂವೋಂದು ನಂಗ ಎಣ್ಣ್‌ನದ್ ಸರಿಯಾಚಲ್ಲಾಂದ್ ಎಣ್ಣ್‌ಚಿ.

ಯೋಹಾನ 8:48 ပူးပေါင်းရင်းမြစ်များ

ಮತ್ತಾಯ 10:25

ಒರ್ ಶಿಷ್ಯ ಉಪಾದ್ಯಂಡನೆಕೆ ಇಂಜತೇಂಗಿ ಮದಿ, ಅನ್ನನೆ ಒರ್ ಆಳ್ ಅಂವೊಂಡ ಎಜಮಾನಂಡನೆಕೆ ಇಂಜತೇಂಗಿ ಮದಿ. ಮನೆರ ಎಜಮಾನನೇ ಬೆಲ್ಜೆಬೂಲ್ ಎಂದ್ ಕಾಕ್‍ಚೇಂಗಿ, ಅಂವೊಂಡ ಮನೆಕಾರಳ ಇಂಞು ಎಚ್ಚಕ್ ಎಣ್ಣುವ?

ಮತ್ತಾಯ 10:5

ಈ ಪನ್ನೆರಂಡ್ ಶಿಷ್ಯಂಗಳ ಯೇಸು ಅಯಿಪಕ, ಇನ್ನನೆ ಎಚ್ಚರಿಕೆ ಮಾಡಿತ್ ಅಯಿಚತ್: ಯೆಹೂದ್ಯಂಗ ಇಲ್ಲತ ಜಾಗಕ್ ಪೋಕತಿ ಪಿಂಞ ಸಮಾರ್ಯ ಪಟ್ಟಣತ್‍ಲ್ ಕಾಲಿಡತಿ.

ಮತ್ತಾಯ 11:18

ಎನ್ನನೆ ಎಣ್ಣ್‌ಚೇಂಗಿ ಯೋಹಾನ ತಿಂಗತಂವೊನಾಯಿತ್ ಕುಡಿಕತಂವೊನಾಯಿತ್ ಬಾತ್, ಅದ್ಂಗ್ ಅಯಿಂಗ, ಅಂವೊಂಗ್ ಕೂಳಿ ಪುಡ್‌ಚಿತುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 12:24

ಫರಿಸಾಯಂಗ ಇದ್‍ನ ಕ್‍ೕಪಕ: ಇಂವೊ, ಕೂಳಿಯಡ ಮುಕ್ಯಸ್ತ ಬೆಲ್ಜೆಬೂಲನಗುಂಡ್ ಅಲ್ಲತೆ ಬೋರೆ ಏದ್ ಶಕ್ತಿಯಿಂಜಲು ಕೂಳಿನ ಬುಡ್‍ತಿಯಂಡಿಲ್ಲೇಂದ್ ಎಣ್ಣ್‌ಚಿ.

ಮತ್ತಾಯ 12:31

ಆನಗುಂಡ್, ನಾನ್ ನಿಂಗಕ್ ಎಣ್ಣ್‌ವಿ: ಮನುಷ್ಯ ಮಾಡ್‌ವ ಎಲ್ಲಾ ಪಾಪಕು, ದೂಷಣೆಕು ಮನ್ನಿಪ್ಪ್ ಉಂಡ್, ಆಚೇಂಗಿ ಪವಿತ್ರಾತ್ಮಕ್ ವಿರೋದವಾಯಿತ್ ಮಾಡ್‌ವ ದೂಷಣೆಕ್ ಮನ್ನಿಪ್ ಕ್‍ಟ್ಟುಲೆ.

ಮತ್ತಾಯ 15:7

ಕಪಟಿಯಳೇ, ನಿಂಗಡ ವಿಷಯತ್ ಯೆಶಾಯ ಪ್ರವಾದಿ:

ಯೋಹಾನ 1:19

ಯೆರೂಸಲೇಮ್ ಪಟ್ಟಣತ್ಂಜ ಯೆಹೂದ್ಯಂಗಡ ಅದಿಕಾರಿಯಂಗ, ಚೆನ್ನ ಯಾಜಕಂಗಳ ಪಿಂಞ ಲೇವಿಯ ಜನಳ ಯೋಹಾನಂಡ ಪಕ್ಕ ಅಯಿಚಿತ್, ನೀನ್ ದಾರ್‍ೕಂದ್ ಕ್‍ೕಪಕ,

ಯೋಹಾನ 10:20

ಸುಮಾರ್ ಜನ: ಇಂವೊಂಗ್ ಕೂಳಿ ಪುಡ್‌ಚಿತುಂಡ್, ಪುಚ್ಚ್ ಪುಡ್‌ಚಂವೊ, ನಿಂಗ ಎನ್ನಂಗ್ ಅಂವೊಂಡ ತಕ್ಕ್‌ನ ಕ್‍ೕಪಿರಾಂದ್ ಎಣ್ಣ್‌ಚಿ.

ಯೋಹಾನ 13:13

ನಿಂಗ ನನ್ನ ಉಪಾದ್ಯಾಂದ್, ಒಡೆಯನೇಂದ್ ಕಾಕ್‍ವಿರ, ಅಕ್ಕು ನಿಂಗ ಕಾಕ್‌ವದ್ ನೇರ್. ನಾನ್ ನೇರಾಯಿತ್ ಒಡೆಯನಾಯಿತು ಉಪಾದ್ಯನಾಯಿತು ಉಳ್ಳ.

ಯೋಹಾನ 4:9

ನಾನ್ ಸಮಾರ್ಯ ಪೊಣ್ಣಾಳ್, ನೀನ್ ಯೆಹೂದ್ಯ ಮನುಷ್ಯ, ಅನ್ನನೆ ಇಪ್ಪಕ, ನೀನ್ ಎನ್ನನೆ ನಾಡ ಪಕ್ಕ ನೀರ್ ತಾಂದ್ ಕ್‍ೕಪಿಯಾಂದ್ ಅವ ಕ್‍ೕಟತ್. ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯಂಗ ಸಮಾರ್ಯಂಗಡ ಕೂಡೆ ಏದ್ ವಿಷಯತ್‍ಲು ಸಂಬಂದ ಬೆಪ್ಪುಲೆ.

ಯೋಹಾನ 7:20

ಅಕ್ಕ, ಜನ ಯೇಸುನ ನೋಟಿತ್: ನೀಕ್ ಕೂಳಿ ಪುಡ್‌ಚಿತ್ ಉಂಡ್, ದಾರ್ ನಿನ್ನ ಕೊಲ್ಲ್‌ವಕ್ ತ್‍ೕಡಿಯಂಡ್ ಉಂಡ್‍ೕಂದ್ ಕ್‍ೕಟತ್.

ಯೋಹಾನ 8:22

ಅಕ್ಕ, ಅಲ್ಲಿ ಇಂಜ ಯೆಹೂದ್ಯ ಅದಿಕಾರಿಯಂಗ: ಅಂವೊ ಪೋಪಲ್ಲಿಕ್ ನಂಗ ಪೋಪಕ್ ಕಯ್ಯುಲೇಂದ್ ಎಣ್ಣುವಲ್ಲ, ಇದ್ಂಡ ಅರ್ಥ ಎಂತ? ಅಂವೊನ ಅಂವೊನೇ ಕೊಂದ್‍ರ್‍ಂವೊನೋ ಎಣ್ಣಿಯಂಡ್ ಅಯಿಂಗಯಿಂಗಳೇ ತಕ್ಕ್ ಪರ್ಂದಂಡಿಂಜತ್.

ಯೋಹಾನ 8:52

ನೀಕ್ ಕೂಳಿ ಪುಡ್‌ಚಿತ್ ಉಂಡ್‍ೕಂದ್ ನಂಗಕ್ ಇಕ್ಕ ಗೊತ್ತಾಚಿ. ಅಬ್ರಹಾಮನು, ಪ್ರವಾದಿಯಂಗಳು ಚತ್ತ್ ಪೋಚಿ. ಆಚೇಂಗಿ, ನೀನ್: ನೀಡ ಬೋದನೆರ ಪ್ರಕಾರ ನಡ್‍ಪಯಿಂಗ ಎಕ್ಕಾಲು ಚಾವ್‍ಲೇಂದ್ ಎಣ್ಣುವಿಯಲ್ಲಾಂದ್ ಎಣ್ಣ್‌ಚಿ.

ರೋಮ್ 15:3

ಕ್ರಿಸ್ತ ಸಹ ಅಂವೊಂಡ ಕುಶಿಕಾಯಿತ್ ನಡ್‍ಕತೆ, ನಿಂಗಳ ದೂಷಣೆ ಮಾಡ್‌ವಯಿಂಗಡ ದೂಷಣೆ ನಾಡ ಮೇಲೆ ಬುದ್ದತ್‍ೕಂದ್ ಒಳ್‍ದಿತುಳ್ಳನೆಕೆ ಬದ್‍ಕ್‍ಚಿ.

ಇಬ್ರಿಯ 13:13

ಆನಗುಂಡ್, ನಂಗ ಅಂವೊಂಡ ಅವಮಾನತ್‍ನ ಎಡ್‍ತಂಡ್, ಗುಡಾರತ್‍ರ ಪೊರಮೆ ಅಂವೊಂಡ ಪಕ್ಕ ಪೋಕನ.

ಯಾಕೋಬ 2:19

ನಿಂಗ ಒರೇ ದೇವ ಉಂಡ್‍ೕಂದ್ ನಂಬುವಿರ. ಅದ್ ನಲ್ಲದ್. ಆಚೇಂಗಿ, ಕೂಳಿಯಳು ಸಹ ಅನ್ನನೆ ನಂಬುವ, ಅಯಿಂಗ ಬೊತ್ತಿತ್ ನಡ್‌ಗುವ.