ಯೋಹಾನ 8:46 - ಕೊಡವ ಬೈಬಲ್

⁴⁶ ನಾಡಲ್ಲಿ ಪಾಪ ಉಂಡ್‍ೕಂದ್ ನಿಂಗಡಲ್ಲಿ ದಾರ್ ನನ್ನ ಕುತ್ತ ಪರಿಯುವಕ್ ಕಯ್ಯು? ನಾನ್ ಸತ್ಯ ಎಣ್ಣ್‌ವಕ, ನಿಂಗ ಎನ್ನಂಗ್ ನನ್ನ ನಂಬುಲೆ?

ಯೋಹಾನ 8:46 ပူးပေါင်းရင်းမြစ်များ

ಮತ್ತಾಯ 21:25

ಯೋಹಾನ ದೀಕ್ಷಾಸ್ನಾನ ಕೊಡ್‍ಪಕ್ ದಾರ್ ಅದಿಕಾರ ಕೊಡ್‍ತತ್? ಪರಲೋಕತ್ಂಜ ಕ್‍ಟ್ಟ್‌ನದಾ? ಅಥವ ಮನುಷ್ಯಡಿಂಜ ಕ್‍ಟ್ಟನದಾಂದ್ ಕ್‍ೕಟತ್.

ಮಾರ್ಕ 11:31

ಅಕ್ಕ ಅಯಿಂಗಯಿಂಗಳೇ ಚರ್ಚೆ ಮಾಡ್‌ವಕ್ ಸುರು ಮಾಡ್‍ಚಿ: ನಂಗ ಎಂತ ಎಣ್ಣುವ? ನಂಗ ಇಕ್ಕ ಪರಲೋಕತ್ಂಜ ಬಾತ್‍ೕಂದ್ ಎಣ್ಣ್‌ಚೇಂಗಿ ನಿಂಗ ಎನ್ನಂಗ್ ಯೋಹಾನನ ನಂಬುಲೇಂದ್ ಕ್‍ೕಪ.

ಯೋಹಾನ 14:30

ಇಂಞು ಮಿಂಞಕ್ ನಾನ್ ನಿಂಗಡ ಕೂಡೆ ದುಂಬ ತಕ್ಕ್ ಪರಿಯುವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ರ ಅದಿಪತಿ ಬಂದಂಡುಂಡ್. ನಾಡ ಮೇಲೆ ಅಂವೊಂಗ್ ಏದ್ ಶಕ್ತಿಯು ಇಲ್ಲೆ.

ಯೋಹಾನ 15:10

ನಾನ್ ನಾಡ ಅಪ್ಪಂಡ ಆಜ್ಞೆರ ಪ್ರಕಾರ ನಡ್ಂದಂಡ್ ಅಂವೊಂಡ ಪ್ರೀತಿಲ್ ಸ್ತಿರವಾಯಿತ್ ಇಪ್ಪನೆಕೆ ನಿಂಗಳು ನಾಡ ಆಜ್ಞೆರ ಪ್ರಕಾರ ನಡ್‌ದಂಡ್ ಇಂಜತೇಂಗಿ ನಾಡ ಪ್ರೀತಿಲ್ ನಿಂಗ ಸ್ತಿರವಾಯಿತ್ ಇಪ್ಪಿರ.

ಯೋಹಾನ 16:8

ಅಂವೊ ಬಂತ್, ಜನಕ್ ಅಯಿಂಗ ಪಾಪ ಮಾಡ್‍ನಯಿಂಗಾಂದು, ನೀತಿ ಪಿಂಞ ದೇವಡ ನ್ಯಾಯತೀರ್ಪ್ ಕಂಡಿತವಾಯಿತ್ ಬಪ್ಪಾಂದು ಅರ್ಥ ಮಾಡಿತ್ ತಪ್ಪ.

ಯೋಹಾನ 18:37

ಅಕ್ಕ ಪಿಲಾತ: ಅಕ್ಕ ನೀನ್ ರಾಜನಾಂದ್ ಕ್‍ೕಟತ್. ನಾನ್ ರಾಜನೇಂದ್ ನೀನ್ ಸರಿಯಾಯಿತ್ ಎಣ್ಣಿಯ. ಸತ್ಯತ್‍ರ ವಿಷಯತ್‍ನ ಜನಕ್ ಸಾಕ್ಷಿ ಕೊಡ್‍ಪಕಾಯಿತ್ ನಾನ್ ಈ ಲೋಕತ್‍ಲ್ ಪುಟ್ಟಿಯೆ, ಅದ್ಂಗಾಯಿತೇ ಈ ಬೂಲೋಕಕ್ ಬಂದಿಯೆ, ಸತ್ಯತ್‍ನ ಕ್‍ೕಪಕ್ ಕುಶಿ ಉಳ್ಳಯಿಂಗ ನಾಡ ಬೋದನೆನ ಕ್‍ೕಪಾಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

ಯೋಹಾನ 8:47

ದೇವಡಗುಂಡ್ ಪುಟ್ಟ್‌ನಯಿಂಗ ದೇವಡ ತಕ್ಕ್ ಕ್‍ೕಪ; ನಿಂಗ ದೇವಡಗುಂಡ್ ಪುಟ್ಟತಗುಂಡ್ ನಾಡ ತಕ್ಕ್‌ಕ್ ಕೆಮಿ ಕೊಡ್‍ಪ್‍ಲೇಂದ್ ಯೇಸು ಎಣ್ಣ್‌ಚಿ.

ಯೋಹಾನ 8:7

ಅಯಿಂಗ ಈ ವಿಷಯತ್‍ಲ್ ಅಂವೊನ ಪುನಃ ಪುನಃ ಪ್ರಶ್ನೆ ಕ್‍ೕಟಂಡಿಂಜಗುಂಡ್, ಅಂವೊ ನೇರೆ ಅಳ್‌ತಿತ್: ನಿಂಗಡಲ್ಲಿ ಪಾಪ ಇಲ್ಲತಂವೊ ಇವಡ ಮೇಲೆ ಮಿಂಞ ಕಲ್ಲ್ ಕನಿರೀಂದ್ ಎಣ್ಣ್‌ಚಿ.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.

ಇಬ್ರಿಯ 7:26

ಇನ್ನನೆ ಉಳ್ಳ ಮಹಾ ಯಾಜಕನೇ ನಂಗಕ್ ಬೋಂಡಿಯತ್. ಇಂವೊ, ಪವಿತ್ರವಾನಂವೊನು, ಕುತ್ತ ಇಲ್ಲತಂವೊನು, ಒರ್ ತಪ್ಪ್ ಇಲ್ಲತಂವೊನಾಯಿತು ಉಂಡ್. ಅಂವೊ ಪಾಪಿಯಂಗಡ ಕೂಡೆ ಕೂಡತೆ, ಪರಲೋಕತ್‍ಲ್ ಎಲ್ಲಾಕಿಂಜ ಬಲ್ಯ ಸ್ತಾನತ್‍ನ ಪಡ್ಂದಂವೊನಾಯಿತುಂಡ್.

1 ಪೇತ್ರ 2:22

ಅಂವೊ ಪಾಪ ಮಾಡಿತ್‌ಲ್ಲೆ, ಅಂವೊಂಡ ತಕ್ಕ್‌ಲ್ ಒರ್ ವಂಚನೇಯು ಕಂಡಿತ್‌ಲ್ಲೆ;