ಯೋಹಾನ 8:43 - ಕೊಡವ ಬೈಬಲ್

⁴³ ನಾನ್ ಎಣ್ಣುವಾನ ನಿಂಗ ಎನ್ನಂಗ್ ಅರ್ಥ ಮಾಡಿಯಂಡಿಲ್ಲೆ? ಎನ್ನಂಗೆಣ್ಣ್‌ಚೇಂಗಿ, ನಾಡ ಬೋದನೆನ ಕ್‍ೕಪಕ್ ಸಹ ನಿಂಗಕ್ ಕುಶಿಯಿಲ್ಲೆ.

ಯೋಹಾನ 8:43 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:5

ದುಷ್ಟ ಜನ ನ್ಯಾಯತ್‌ನ ಅರ್ಥ ಮಾಡಿಯೊಲೆ. ಆಚೇಂಗಿ ಯೆಹೋವನ ತ್‍ೕಡ್‌ವಯಿಂಗ ಎಲ್ಲಾನ ಅರ್ಥ ಮಾಡಿಯೊವ.

ಮತ್ತಾಯ 13:15

ಈ ಜನ ಕಣ್ಣಿಂಜ ಕಾಂಗತೆಯು, ಕೆಮಿಯಿಂಜ ಕ್‍ೕಕತೆಯು, ಹೃದಯತ್ಂಜ ಅರ್ಥ ಆಕತೆ ಅಯಿಂಗಡ ಮನಸ್ಸ್ ಬದ್‍ಲಾಕತೆ, ನಾನ್ ಅಯಿಂಗಳ ವಾಸಿ ಮಾಡತೆ ಇಪ್ಪನೆಕೆ ಅಯಿಂಗಡ ಹೃದಯ ಕಠಿಣವಾಯಿತು, ಕೆಮಿ ಕ್‍ೕಪಾನ ನಿಪ್ಪ್‌ಚಿಟ್ಟಿತು, ಕಣ್ಣ್‌ನ ಮುಚ್ಚಿತ್ ಉಂಡ್.

ಯೋಹಾನ 5:25

ಚತ್ತಯಿಂಗ ದೇವಡ ಮೋಂವೊಂಡ ಸ್ವರ ಕ್‍ೕಪ ಕಾಲ ಬಪ್ಪ, ಆ ಸಮಯ ಇಕ್ಕಲೆ ಬಂದಿತುಂಡ್. ಸ್ವರತ್‍ನ ಕ್‍ೕಪಯಿಂಗ ಜೀವವಾಯಿತ್ ಬಪ್ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 5:43

ನಾನ್ ನಾಡ ಅಪ್ಪನಾನ ದೇವಡ ಪೆದತ್‍ಲ್ ಬಂದಿತ್ಂಜತೇಂಗಿಯು, ನಿಂಗ ನನ್ನ ಸ್ವೀಕಾರ ಮಾಡಿತ್‌ಲ್ಲೆ, ಬೋರೆ ಒಬ್ಬ ಅಂವೊಂಡ ಇಷ್ಟ ಪ್ರಕಾರ ಬಪ್ಪಕ ಅಂವೊನ ಸ್ವೀಕಾರ ಮಾಡ್‌ವಿರ.

ಯೋಹಾನ 6:60

ಅಂವೊಂಡ ಶಿಷ್ಯಂಗಡಲ್ಲಿ ದುಂಬ ಜನ ಈ ಬೋದನೆನ ಕ್‍ೕಟಿತ್: ಈ ಬೋದನೆ ದುಂಬ ಕಠಿಣವಾಯಿತುಂಡ್, ದಾರ್ ಇದ್‍ನ ಸ್ವೀಕಾರ ಮಾಡ್‌ವಾಂದ್ ಎಣ್ಣ್‌ಚಿ.

ಯೋಹಾನ 7:17

ದೇವಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿ ಉಳ್ಳಂವೊಂಗ್, ನಾನ್ ಮಾಡ್‌ವ ಬೋದನೆ ದೇವಡಯಿಂಜ ಬಪ್ಪ ಬೋದನೆಯಾ, ಅಥವ ನಾಡ ಸ್ವಂತ ಬೋದನೆಯಾಂದ್ ಗೊತ್ತಾಪಾಂದ್ ಜವಾಬ್ ಕೊಡ್‍ತತ್.

ಯೋಹಾನ 8:27

ಯೇಸು ಅಂವೊಂಡ ಅಪ್ಪನಾನ ದೇವಡ ವಿಷಯತ್‍ನ ಎಣ್ಣ್‌ಚೀಂದ್ ಜನಕ್ ಗೊತ್ತಾಯಿತ್‌ಲ್ಲೆ.

ಯೋಹಾನ 8:33

ಅದ್ಂಗ್ ಅಯಿಂಗ: ನಂಗ ಅಬ್ರಹಾಮಂಡ ಸಂತಾನಕಾರಂಗ, ನಂಗ ಏದ್ ಸಮಯತ್‍ಲು ದಾರ್‌ಕು ಅಡಿಯಾಳಾಯಿತ್ ಇಂಜಿತ್‌ಲ್ಲೆ; ಅನ್ನನೆ ಇಪ್ಪಕ, ನಿಂಗ ಬುಡ್‍ಗಡೆ ಆಪಿರಾಂದ್ ಎನ್ನನೆ ಎಣ್ಣುವಿಯಾಂದ್ ಕ್‍ೕಟತ್.

ಯೋಹಾನ 8:39

ಅದ್ಂಗ್ ಅಯಿಂಗ: ಅಬ್ರಹಾಮನೇ ನಂಗಡ ಮುತ್ತಜ್ಜಾಂದ್ ಎಣ್ಣ್‌ಚಿ. ಯೇಸು ಅಯಿಂಗಕ್: ನಿಂಗ ಅಬ್ರಹಾಮಂಡ ಮಕ್ಕಳಾಯಿತ್ಂಜತೇಂಗಿ, ಅಂವೊ ಎಣ್ಣ್‌ನನೆಕೆ ಮಾಡ್‍ವಿರಲ್ಲಾ?

ಅಪೊಸ್ತಲ 7:51

ಹಟಮಾರಿ ಜನಳೇ, ನಿಂಗಡ ಹೃದಯ ಎಚ್ಚಕ್ ಕಲ್ಲಾಯಿತಿಕ್ಕು! ದೇವಡ ತಕ್ಕ್‌ಕ್ ನಿಂಗ ಎಚ್ಚಕ್ ಕಿವ್‌ಡಂಗಳಾಯಿತ್ ಉಳ್ಳಿರ! ನಿಂಗಳು ನಿಂಗಡ ಅಜ್ಜಂಗಡನೆಕೆ ಪವಿತ್ರಾತ್ಮಂಗ್ ವಿರೋದವಾಯಿತ್ ಜಗಳ ಮಾಡಿಯಂಡುಳ್ಳಿರ.

ರೋಮ್ 3:11

ಅರ್ಥ ಮಾಡ್‌ವಂವೊ ಇಲ್ಲೆ, ದೇವನ ತ್‍ೕಡ್‌ವಂವೊನು ಇಲ್ಲೆ.