ಯೋಹಾನ 8:37 - ಕೊಡವ ಬೈಬಲ್

³⁷ ನಿಂಗ ಅಬ್ರಹಾಮಂಡ ಸಂತಾನಕಾರಂಗಾಂದ್ ನಾಕ್ ಗೊತ್ತುಂಡ್; ಆಚೇಂಗಿಯು, ನಾಡ ಬೋದನೆ ನಿಂಗಡ ಹೃದಯತ್‍ಲ್ ನಿಕ್ಕತೆಗುಂಡ್, ನನ್ನ ಕೊಲ್ಲ್‌ವಕ್ ಪೇಚಾಡ್‌ವಿರ.

ಯೋಹಾನ 8:37 ပူးပေါင်းရင်းမြစ်များ

ಮತ್ತಾಯ 13:15

ಈ ಜನ ಕಣ್ಣಿಂಜ ಕಾಂಗತೆಯು, ಕೆಮಿಯಿಂಜ ಕ್‍ೕಕತೆಯು, ಹೃದಯತ್ಂಜ ಅರ್ಥ ಆಕತೆ ಅಯಿಂಗಡ ಮನಸ್ಸ್ ಬದ್‍ಲಾಕತೆ, ನಾನ್ ಅಯಿಂಗಳ ವಾಸಿ ಮಾಡತೆ ಇಪ್ಪನೆಕೆ ಅಯಿಂಗಡ ಹೃದಯ ಕಠಿಣವಾಯಿತು, ಕೆಮಿ ಕ್‍ೕಪಾನ ನಿಪ್ಪ್‌ಚಿಟ್ಟಿತು, ಕಣ್ಣ್‌ನ ಮುಚ್ಚಿತ್ ಉಂಡ್.

ಮತ್ತಾಯ 3:9

ಅಬ್ರಹಾಮ ನಂಗಡ ಅಪ್ಪಾಂದ್ ಎಣ್ಣುವಕ್ ಗೇನ ಮಾಡತಿ. ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 10:31

ಜನ ಎಲ್ಲಾ ಇದ್‍ನ ಕ್‍ೕಪಕ: ಪುನಃ ಕಲ್ಲ್ ಕನಿಪಕ್ ನೋಟ್‌ಚಿ.

ಯೋಹಾನ 11:53

ಆ ದಿವಸತ್ಂಜ ಅಯಿಂಗ ಯೇಸುನ ಕೊಲ್ಲ್‌ವಕ್ ಆಲೋಚನೆ ಮಾಡಿಯಂಡ್ ಇಂಜತ್.

ಯೋಹಾನ 5:44

ದೇವಡಯಿಂಜ ಮಾತ್ರ ಬಪ್ಪ ಮರ್ಯಾದೆನ ನಿಂಗ ತ್‍ೕಡತೆ, ಒಬ್ಬಂಗೊಬ್ಬ ಕೊಡ್‍ಪ ಮರ್ಯಾದೆನ ಸ್ವೀಕಾರ ಮಾಡ್‌ವ ನಿಂಗ, ನನ್ನ ಎನ್ನನೆ ನಂಬುವಕಯ್ಯು?

ಯೋಹಾನ 7:1

ಇದೆಲ್ಲಾ ಆನ ಪಿಂಞ, ಯೆಹೂದ್ಯಂಗ ಯೇಸುನ ಕೊಲ್ಲ್‌ವಕ್ ಬಟ್ಟೆ ನೋಟಿಯಂಡ್ ಇಂಜಗುಂಡ್, ಅಂವೊ ಯೆಹೂದ್ಯ ಪ್ರಾಂತ್ಯತ್‍ಲ್ ಇಕ್ಕತೆ ಗಲಿಲಾಯ ಪ್ರಾಂತ್ಯಾತ್‍ಲ್ ಒಳಿಂಜತ್.

ಯೋಹಾನ 7:19

ಮೋಶೆ ನಿಂಗಕ್ ನ್ಯಾಯಪ್ರಮಾಣತ್‍ನ ತಂದಿತ್‌ಲ್ಲೆಯಾ? ಆಚೇಂಗಿಯು, ದಾರೂ ಅಂವೊಂಡ ನ್ಯಾಯಪ್ರಮಾಣ ಎಣ್ಣುವನೆಕೆ ಮಾಡುಲೆ; ಪಿಂಞ, ನಿಂಗ ಎನ್ನಂಗಾಯಿತ್ ನನ್ನ ಕೊಲ್ಲ್‌ವಕ್ ಪೇಚಾಡ್‌ವಿರಾಂದ್ ಕ್‍ೕಟತ್.

ಯೋಹಾನ 7:25

ಅಕ್ಕ ಯೆರೂಸಲೇಮ್ ಪಟ್ಟಣತ್‍ರ ಚೆನ್ನ ಜನ: ಇಂವೊನತಾನೇ ಅಯಿಂಗ ಕೊಲ್ಲ್‌ವಕ್ ನೋಟಿಯಂಡ್ ಉಂಡ್?

ಯೋಹಾನ 8:33

ಅದ್ಂಗ್ ಅಯಿಂಗ: ನಂಗ ಅಬ್ರಹಾಮಂಡ ಸಂತಾನಕಾರಂಗ, ನಂಗ ಏದ್ ಸಮಯತ್‍ಲು ದಾರ್‌ಕು ಅಡಿಯಾಳಾಯಿತ್ ಇಂಜಿತ್‌ಲ್ಲೆ; ಅನ್ನನೆ ಇಪ್ಪಕ, ನಿಂಗ ಬುಡ್‍ಗಡೆ ಆಪಿರಾಂದ್ ಎನ್ನನೆ ಎಣ್ಣುವಿಯಾಂದ್ ಕ್‍ೕಟತ್.

ಯೋಹಾನ 8:43

ನಾನ್ ಎಣ್ಣುವಾನ ನಿಂಗ ಎನ್ನಂಗ್ ಅರ್ಥ ಮಾಡಿಯಂಡಿಲ್ಲೆ? ಎನ್ನಂಗೆಣ್ಣ್‌ಚೇಂಗಿ, ನಾಡ ಬೋದನೆನ ಕ್‍ೕಪಕ್ ಸಹ ನಿಂಗಕ್ ಕುಶಿಯಿಲ್ಲೆ.

ಯೋಹಾನ 8:56

ನಿಂಗಡ ಮುತ್ತಜ್ಜನಾನ ಅಬ್ರಹಾಮ ನಾನ್ ಬಪ್ಪ ದಿವಸತ್‍ನ ಕಾಂಬಕ್ ಕುಶೀಲ್ ಇಂಜತ್, ಅದ್‍ನ ಕಂಡಿತ್ ಅಂವೊಂಗ್ ಕುಶಿ ಆಚೀಂದ್ ಎಣ್ಣ್‌ಚಿ.

ಯೋಹಾನ 8:59

ಅಕ್ಕ, ಅಯಿಂಗ ಯೇಸುರ ಮೇಲೆ ಕಲ್ಲ್ ಕನಿಪಕ್, ಕಲ್ಲ್‌ನ ಎಡ್‍ತಿತ್ ನೋಟಿಯಂಡ್ ಇಂಜತ್. ಆಚೇಂಗಿ ಯೇಸು ಅಯಿಂಗಡ ಕಣ್ಣ್‌ಕ್ ಕಾಂಗತನೆಕೆ ದೇವಾಲಯತ್‍ನ ಬುಟ್ಟಿತ್ ಪೊರಮೆ ಪೋಯಿರ್‌ತ್.

ಯೋಹಾನ 8:6

ಇನ್ನನೆ ಪ್ರಶ್ನೆ ಕ್‍ೕಟಿತ್, ಯೇಸು ತಪ್ಪ ಉತ್ತರತ್ಂಜ ಅಂವೊನ ಕೆಣಿಪಕಾಯಿತ್ ಅಯಿಂಗ ಪ್ರಯತ್ನಪಟ್ಟತ್. ಆಚೇಂಗಿ ಯೇಸು ಬಗ್ಗಿಯಂಡ್ ಕೈ ಬೆರತ್ಂಜ ನೆಲತ್‌ಲ್ ಒಳ್‍ದಿಯಂಡ್ ಇಂಜತ್

ಅಪೊಸ್ತಲ 13:26

ಅಣ್ಣತಮ್ಮಣಂಗಳೇ, ಅಬ್ರಹಾಮಂಡ ಸಂತಾನಕಾರಳೇ, ದೇವನ ಆರಾದನೆ ಮಾಡ್‌ವ ಯೆಹೂದ್ಯ ಅಲ್ಲತ ಜನಳೇ, ಈ ರಕ್ಷಣೆರ ಬೋದನೆನ ನಂಗಕಾಯಿತೇ ಅಯಿಚತ್.

ರೋಮ್ 9:7

ಅಯಿಂಗ ಅಬ್ರಹಾಮಂಡ ಸಂತಾನಕಾರಂಗಳಾಯಿತ್ ಇಂಜತೇಂಗಿಯು, ಅಯಿಂಗ ಎಲ್ಲಾರು ಅಂವೊಂಡ ಮಕ್ಕ ಅಲ್ಲ; ಅಂವೊಂಡ ಮೋಂವೊನಾನ ಇಸಾಕಂಡಲ್ಲಿ, ಇಂವೊಂಡ ಮೂಲಕವೇ ನೀಡ ಸಂತಾನ ಆಪಾಂದ್ ಅಬ್ರಹಾಮಂಗ್ ಎಣ್ಣಿತುಂಡಲ್ಲ?

1 ಕೊರಿಂಥ 2:14

ದೇವಡ ಆತ್ಮ ಇಲ್ಲತ ಮನುಷ್ಯ, ದೇವಡ ಆತ್ಮತ್‍ರ ವಿಷಯತ್‍ನ ಸ್ವೀಕಾರ ಮಾಡುಲೆ. ದೇವಡ ವಿಷಯವೆಲ್ಲ ಅಂವೊಂಗ್ ಪುಚ್ಚಿ ತಕ್ಕ್‌ರನೆಕೆ ಇಪ್ಪ. ಅಂವೊಂಗ್ ಅದ್‍ನ ಅರ್ಥ ಮಾಡ್‌ವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ ಆತ್ಮೀಯವಾಯಿತ್ ಉಳ್ಳಯಿಂಗಕ್ ಮಾತ್ರ ಪವಿತ್ರಾತ್ಮ ಎಣ್ಣ್‌ವದ್ ಅರ್ಥ ಆಪ.

1 ಯೋಹಾನ 2:14

ಅಪ್ಪಂಗಳೇ, ಆದಿಯಿಂಜಲೆ ಯೇಸು ಕ್ರಿಸ್ತನ ನಿಂಗಕ್ ಗೊತ್ತಾನಗುಂಡ್ ನಾನ್ ಇದ್‍ನ ನಿಂಗಕ್ ಒಳ್‍ದಿಯೆ. ಬಾಲೆಕಾರಂಗಳೇ ನಿಂಗ ಬಲಶಾಲಿಯಾಯಿತ್ ಉಳ್ಳಿರ, ದೇವಡ ವಾಕ್ಯ ನಿಂಗಡಲ್ಲಿ ಉಳ್ಳಗುಂಡ್ ಪಿಂಞ ನಿಂಗ ಸೈತಾನನ ಗೆದ್ದಗುಂಡ್ ನಾನ್ ಇದ್‍ನ ನಿಂಗಕ್ ಒಳ್‍ದಿಯೆ.