ಯೋಹಾನ 8:28 - ಕೊಡವ ಬೈಬಲ್

²⁸ ಆನಗುಂಡ್, ಯೇಸು ಪುನಃ ಅಯಿಂಗಕ್: ನಿಂಗ ಮನುಷ್ಯಕುಮಾರನ ಕೊಡಿಕ್ ನೇತ್‍ವಕ, ನಾನೇ ಅಂವೋಂದ್ ನಿಂಗಕ್ ಗೊತ್ತಾಪ. ನಾನ್ ನಾಡ ಇಷ್ಟ ಪ್ರಕಾರ ಏದು ಮಾಡತೆ, ನಾಡ ಅಪ್ಪನಾನ ದೇವ ನಾಕ್ ಎಂತದ್‍ನ ಬೋದನೆ ಮಾಡ್‍ಚೋ ಅದ್‍ನೇ ನಾನ್ ಎಣ್ಣಿಯೇಂದ್ ಅಕ್ಕ ನಿಂಗಕ್ ಗೊತ್ತಾಪ.

ಯೋಹಾನ 8:28 ပူးပေါင်းရင်းမြစ်များ

ಮತ್ತಾಯ 24:5

ಎನ್ನಂಗೆಣ್ಣ್‌ಚೇಂಗಿ ನಾಡ ಪೆದ ಎಣ್ಣಿಯಂಡ್, ನಾನೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ದುಂಬ ಜನ ಬಂತ್ ಜನಳ ವಂಚನೆ ಮಾಡ್‌ವ.

ಮಾರ್ಕ 13:6

ಎನ್ನಂಗೆಣ್ಣ್‌ಚೇಂಗಿ ನಾಡ ಪೆದ ಎಣ್ಣಿಯಂಡ್, ನಾನೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ದುಂಬ ಜನ ಬಂತ್ ಜನಳ ವಂಚನೆ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:8

ಯೇಸು ಅಯಿಂಗಕ್: ನಿಂಗಳ ದಾರೂ ವಂಚನೆ ಮಾಡತನೆಕೆ ಕಾಪಾಡಿಯೊಳಿ, ಎನ್ನಂಗೆಣ್ಣ್‌ಚೇಂಗಿ ದುಂಬ ಜನ ನಾಡ ಪೆದತ್‍ಲ್ ಬಂದಿತ್, ನಾನೇ ಕ್ರಿಸ್ತ, ಕಡೆ ಕಾಲ ಬಾತ್‍ೕಂದ್ ಎಣ್ಣುವ, ಅಯಿಂಗಡ ಬಯ್ಯ ಪೋಕತಿ.

ಯೋಹಾನ 11:42

ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಿಯಾಂದ್ ನಾಕ್ ಗೊತ್ತುಂಡ್; ಆಚೇಂಗಿಯು, ನೀನ್ ನನ್ನ ಈ ಲೋಕಕ್ ಅಯಿಚದ್‍ನ ಇಲ್ಲಿ ಕೂಡಿ ಬಂದಿತುಳ್ಳ ಜನ ನಂಬುವಕಾಯಿತ್ ಇನ್ನನೆ ನಾನ್ ಎಣ್ಣಿಯೇಂದ್ ಎಣ್ಣ್‌ಚಿ.

ಯೋಹಾನ 13:19

ಅದ್ ಅನ್ನನೆ ನಡ್‌ಪಕಾಪಕ, ನಾಡ ಮೇಲೆ ಉಳ್ಳ ನಂಬಿಕೇಲ್ ನಿಂಗ ನಿಂದಿತ್, ನಾನೇ ಅಂವೋಂದ್ ನಿಂಗಕ್ ಗೊತ್ತಾಪನೆಕೆ, ಇಕ್ಕಲೆ ನಿಂಗಕ್ ಎಣ್ಣ್‌ವಿ.

ಯೋಹಾನ 16:10

ನಾನ್ ಅಪ್ಪಂಡ ಪಕ್ಕ ಪೋಪಗುಂಡ್ ನನ್ನ ಇಂಞು ಮಿಂಞಕ್ ನಿಂಗ ಕಾಂಬುಲೆ. ಆನಗುಂಡ್ ನೀತಿರ ವಿಷಯತ್ ಅಂವೊ ಎಣ್ಣಿ ತಪ್ಪ.

ಯೋಹಾನ 18:32

ನಾಕ್ ಏದ್ ತರತ್‍ರ ಚಾವ್ ಕ್‍ಟ್ಟ್‌ವಾಂದ್ ಯೇಸು ಮಿಂಞಲೇ ಎಣ್ಣಿತ್ಂಜ ತಕ್ಕ್ ನೆರವೇರುವನೆಕೆ, ಅಯಿಂಗ ಇನ್ನನೆ ಎಣ್ಣ್‌ಚಿ.

ಯೋಹಾನ 19:18

ಅಲ್ಲಿ ಅಂವೊನ ಶಿಲುಬೇಕ್ ಆಣಿ ಅಡಿಚಿತ್ ಇಟ್ಟತ್; ಅಂವೊಂಡ ಕೂಡೆ ಇಂಞು ದಂಡಾಳ್‌ನ ಯೇಸುರ ಅಪ್ಪರ ಇಪ್ಪರ ಶಿಲುಬೇಕ್ ಇಟ್ಟತ್. ಯೇಸು ಅಯಿಂಗಡ ಮದ್ಯತ್‍ಲ್ ಶಿಲುಬೇಲ್ ಇಂಜತ್.

ಯೋಹಾನ 3:11

ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣ್‌ವಿ, ನಂಗಕ್ ಎಂತ ಗೊತ್ತುಂಡೋ ಅದ್‍ನ ಎಣ್ಣುವ, ನಂಗ ಕಂಡದ್‍ನ ಎಣ್ಣಿ ಕೊಡ್‍ಪ; ಆಚೇಂಗಿ ನಂಗಡ ಸಾಕ್ಷಿನ ನಿಂಗ ಅಂಗಿಕಾರ ಮಾಡಿತ್‌ಲ್ಲೆ.

ಯೋಹಾನ 3:14

ಮೋಶೆ ಮಣಬೂಮಿಲ್ ಎನ್ನನೆ ಒರ್ ಕಚ್ಚಿ ಪಾಂಬ್‍ನ ನೇತ್‍ಚೋ ಅನ್ನನೆ ಮನುಷ್ಯಕುಮಾರನ ಸಹ ಕೊಡಿಕ್ ನೇತಂಡು.

ಯೋಹಾನ 4:26

ಅವಕ್ ಯೇಸು: ನೀಡ ಕೂಡೆ ತಕ್ಕ್ ಪರ್ಂದಂಡುಳ್ಳ ನಾನೇ ಅಂವೋಂದ್ ಎಣ್ಣ್‌ಚಿ.

ಯೋಹಾನ 5:19

ಅಕ್ಕ ಯೇಸು ಅಯಿಂಗಕ್ ಇನ್ನನೆ ವಿವರಿಚಿಟ್ಟತ್: ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ, ಅಪ್ಪನಾನ ದೇವ ಮಾಡ್‌ವಾನ ಕಾಂಬದ್‍ನ ಬುಟ್ಟಿತ್, ಮೋಂವೊ ಬೋರೆ ಏದು ತಾಂಡ ಸ್ವಂತವಾಯಿತ್ ಮಾಡುಲೆ. ಎನ್ನಂಗೆಣ್ಣ್‌ಚೇಂಗಿ, ಅಪ್ಪನಾನ ದೇವ ಎಂತ ಮಾಡ್‌ವೋ, ಅದ್‍ನ ಮೋಂವೊನು ಅನ್ನನೆ ಮಾಡ್‌ವ.

ಯೋಹಾನ 5:30

ನಾನ್ ನಾನಾಯಿತೇ ಒಂದು ಮಾಡುಲೆ. ದೇವ ಎಣ್ಣುವನೆಕೆ ನಾನ್ ತೀರ್ಪ್ ಮಾಡ್‌ವಿ. ನಾನ್ ನಾಡ ಇಷ್ಟತ್‍ರ ಪ್ರಕಾರ ಮಾಡ್‌ವಕ್ ಕುಶಿ ಪಡತೆ, ನನ್ನ ಅಯಿಚಂವೊಂಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿಪಟ್ಟಿತ್ ಮಾಡ್‌ವಗುಂಡ್ ನಾಡ ತೀರ್ಪ್ ನೀತಿವಂತದಾಯಿತುಂಡ್.

ಯೋಹಾನ 6:38

ಎನ್ನಂಗೆಣ್ಣ್‌ಚೇಂಗಿ, ನಾನ್ ಪರಲೋಕತ್ಂಜ ಬಂದದ್ ನಾಡ ಇಷ್ಟ ಪ್ರಕಾರ ಕ್ರಿಯೆ ಮಾಡ್‌ವಕ್ ಅಲ್ಲ, ದಾರ್ ನನ್ನ ಅಯಿಚತೋ ಅಂವೊಂಡ ಚಿತ್ತತ್‍ರ ಪ್ರಕಾರ ಕ್ರಿಯೆ ಮಾಡ್‌ವಕ್ ಬಂದಿಯೆ.

ಯೋಹಾನ 8:24

ಅದ್ಂಗಾಯಿತೇ, ನಿಂಗ ನಿಂಗಡ ಪಾಪತ್‍ಲ್ ಚಾವೀರಾಂದ್ ಎಣ್ಣಿಯೆ; ನಾನೇ ಅಂವೋಂದ್ ನಿಂಗ ನಂಬತೆ ಪೋಚೇಂಗಿ, ಕಂಡಿತವಾಯಿತ್ ನಿಂಗಕ್ ಮನ್ನಿಪ್ ಕ್‍ಟ್ಟತೆ ಚತ್ತ್ ಪೋಪಿರಾಂದ್ ಎಣ್ಣ್‌ಚಿ.

ಯೋಹಾನ 8:27

ಯೇಸು ಅಂವೊಂಡ ಅಪ್ಪನಾನ ದೇವಡ ವಿಷಯತ್‍ನ ಎಣ್ಣ್‌ಚೀಂದ್ ಜನಕ್ ಗೊತ್ತಾಯಿತ್‌ಲ್ಲೆ.

ಯೋಹಾನ 8:58

ಅದ್ಂಗ್ ಯೇಸು: ಅಬ್ರಹಾಮ ಪುಟ್ಟ್‌ವಕ್ ಮಿಂಞಲೇ ನಾನ್ ಉಳ್ಳ್‌ಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 2:41

ಅಂವೊಂಡ ತಕ್ಕ್‌ನ ಒತ್ತಂಡಯಿಂಗ ದೀಕ್ಷಾಸ್ನಾನ ಎಡ್‍ತಂಡತ್. ಆ ದಿವಸ ಸುಮಾರ್ ಮೂಂದಾಯಿರ ಜನ ಅಯಿಂಗಡ ಕೂಡೆ ಕೂಡಿಯಂಡತ್.

ಅಪೊಸ್ತಲ 4:4

ಆಚೇಂಗಿ, ಪೇತ್ರ ಪಿಂಞ ಯೋಹಾನಂಡ ವಾಕ್ಯತ್‍ನ ಕ್‍ೕಟ ದುಂಬ ಜನ ಅದ್‍ನ ನಂಬ್‍ಚಿ. ಆಣಾಳ್‍ವ ಮಾತ್ರ ಸುಮಾರ್ ಅಂಜಾಯಿರಚ್ಚಕ್ ಇಲ್ಲಿಕತ್ತನೆ ಆಚಿ.

ರೋಮ್ 1:4

ಅಂವೊನ ದೇವ ಚತ್ತಯಿಂಗಡ ಮದ್ಯತ್ಂಜ ಪವಿತ್ರಾತ್ಮಂಡ ಶಕ್ತಿಲ್ ಜೀವವಾಯಿತ್ ಎಪ್ಪ್‌ಚಿಟ್ಟಗುಂಡ್, ಅಂವೊ ದೇವಡ ಮೋಂವೋಂದ್ ದೃಡವಾಯಿತ್ ಅರಿಚಿಟ್ಟತ್.