ಯೋಹಾನ 8:22 - ಕೊಡವ ಬೈಬಲ್

²² ಅಕ್ಕ, ಅಲ್ಲಿ ಇಂಜ ಯೆಹೂದ್ಯ ಅದಿಕಾರಿಯಂಗ: ಅಂವೊ ಪೋಪಲ್ಲಿಕ್ ನಂಗ ಪೋಪಕ್ ಕಯ್ಯುಲೇಂದ್ ಎಣ್ಣುವಲ್ಲ, ಇದ್ಂಡ ಅರ್ಥ ಎಂತ? ಅಂವೊನ ಅಂವೊನೇ ಕೊಂದ್‍ರ್‍ಂವೊನೋ ಎಣ್ಣಿಯಂಡ್ ಅಯಿಂಗಯಿಂಗಳೇ ತಕ್ಕ್ ಪರ್ಂದಂಡಿಂಜತ್.

ಯೋಹಾನ 8:22 ပူးပေါင်းရင်းမြစ်များ

ಯೋಹಾನ 1:19

ಯೆರೂಸಲೇಮ್ ಪಟ್ಟಣತ್ಂಜ ಯೆಹೂದ್ಯಂಗಡ ಅದಿಕಾರಿಯಂಗ, ಚೆನ್ನ ಯಾಜಕಂಗಳ ಪಿಂಞ ಲೇವಿಯ ಜನಳ ಯೋಹಾನಂಡ ಪಕ್ಕ ಅಯಿಚಿತ್, ನೀನ್ ದಾರ್‍ೕಂದ್ ಕ್‍ೕಪಕ,

ಯೋಹಾನ 10:20

ಸುಮಾರ್ ಜನ: ಇಂವೊಂಗ್ ಕೂಳಿ ಪುಡ್‌ಚಿತುಂಡ್, ಪುಚ್ಚ್ ಪುಡ್‌ಚಂವೊ, ನಿಂಗ ಎನ್ನಂಗ್ ಅಂವೊಂಡ ತಕ್ಕ್‌ನ ಕ್‍ೕಪಿರಾಂದ್ ಎಣ್ಣ್‌ಚಿ.

ಯೋಹಾನ 7:20

ಅಕ್ಕ, ಜನ ಯೇಸುನ ನೋಟಿತ್: ನೀಕ್ ಕೂಳಿ ಪುಡ್‌ಚಿತ್ ಉಂಡ್, ದಾರ್ ನಿನ್ನ ಕೊಲ್ಲ್‌ವಕ್ ತ್‍ೕಡಿಯಂಡ್ ಉಂಡ್‍ೕಂದ್ ಕ್‍ೕಟತ್.

ಯೋಹಾನ 7:35

ಯೆಹೂದ್ಯ ಅದಿಕಾರಿಯಂಗ ಇದ್‍ನ ಕ್‍ೕಪಕ: ಇಂವೊ ನಂಗ ಕಾಂಗತನೆಕೆ ಎಲ್ಲಿಕ್ ಪೋಪ? ಗ್ರೀಕ್ ರಾಜ್ಯತ್‍ಲ್ ಚದ್‌ರಿ ಪೋಯಿತುಳ್ಳ ನಂಗಡ ಜನತ್‍ರ ಪಕ್ಕ ಪೋಯಿತ್ ಅಲ್ಲಿ ಉಳ್ಳ ಯೆಹೂದ್ಯ ಅಲ್ಲತಯಿಂಗಕ್ ಬೋದನೆ ಮಾಡ್‌ವೋ?

ಯೋಹಾನ 8:48

ಅಕ್ಕ ಯೆಹೂದ್ಯಂಗಡ ಅದಿಕಾರಿಯಂಗ ಯೇಸುಕ್: ನೀನ್ ಸಮಾರ್ಯ ಊರ್‌ಕ್ ಕೂಡ್‍ನಂವೋಂದು, ಕೂಳಿ ಪುಡ್‌ಚಂವೋಂದು ನಂಗ ಎಣ್ಣ್‌ನದ್ ಸರಿಯಾಚಲ್ಲಾಂದ್ ಎಣ್ಣ್‌ಚಿ.

ಯೋಹಾನ 8:52

ನೀಕ್ ಕೂಳಿ ಪುಡ್‌ಚಿತ್ ಉಂಡ್‍ೕಂದ್ ನಂಗಕ್ ಇಕ್ಕ ಗೊತ್ತಾಚಿ. ಅಬ್ರಹಾಮನು, ಪ್ರವಾದಿಯಂಗಳು ಚತ್ತ್ ಪೋಚಿ. ಆಚೇಂಗಿ, ನೀನ್: ನೀಡ ಬೋದನೆರ ಪ್ರಕಾರ ನಡ್‍ಪಯಿಂಗ ಎಕ್ಕಾಲು ಚಾವ್‍ಲೇಂದ್ ಎಣ್ಣುವಿಯಲ್ಲಾಂದ್ ಎಣ್ಣ್‌ಚಿ.

ಇಬ್ರಿಯ 12:3

ಆನಗುಂಡ್, ನಿಂಗ ಮನಸ್ಸ್ ಬುಟ್ಟಿತ್ ತಳ್ಂದ್ ಪೋಕತನೆಕೆ, ಪಾಪಿಯಂಗ ಯೇಸುಕ್ ಮಾಡ್‍ನ ಎಲ್ಲಾ ತರ ವಿರೋದತ್‍ನ ಅಂವೊ ಸಹಿಯಂಡ್ ಇಂಜದ್‍ನ ಗೇನ ಮಾಡಿಯೊಳಿ.

ಇಬ್ರಿಯ 13:13

ಆನಗುಂಡ್, ನಂಗ ಅಂವೊಂಡ ಅವಮಾನತ್‍ನ ಎಡ್‍ತಂಡ್, ಗುಡಾರತ್‍ರ ಪೊರಮೆ ಅಂವೊಂಡ ಪಕ್ಕ ಪೋಕನ.