ಯೋಹಾನ 8:2 - ಕೊಡವ ಬೈಬಲ್

² ಪಿತ್ಯಾಂದ್ ಪೊಲಾಕ ಯೇಸು ದೇವಾಲಯಕ್ ಪೋಚಿ. ಅಕ್ಕ ಜನಯೆಲ್ಲ ಅಂವೊಂಡ ಸುತ್ತ್‌ಲೂ ಕೂಡ್‍ಚಿ. ಯೇಸು ಅಲ್ಲಿ ಅಳ್‌ತಂಡ್ ಅಯಿಂಗಕ್ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ.

ಯೋಹಾನ 8:2 ပူးပေါင်းရင်းမြစ်များ

ಮತ್ತಾಯ 26:55

ಅದೇ ಸಮಯತ್‍ಲ್ ಯೇಸು ಜನಡ ಗುಂಪ್‌ಕ್: ಕಳ್ಳನ ಪುಡಿಪಕ್ ಬಂದನೆಕೆ ಕತ್ತಿ ಪಿಂಞ ದೊಣ್ಣೆನೆಲ್ಲ ಎಡ್‌ತ ಬಂದಿತುಳ್ಳಿರಲ್ಲಾ? ನಾನ್ ದಿನಾಲು ನಿಂಗಡ ಕೂಡೆ ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಂಜ್, ಅಕ್ಕ ನಿಂಗ ಪುಡ್‌ಚಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:37

ಯೇಸು ಎಕ್ಕಾಲು ದೇವಾಲಯತ್‍ಲ್ ಬೋದನೆ ಕೊಡ್‌ತಂಡ್, ಬೈಟಾಪಕ ಆಲಿವ್ ಕುಂದ್‌ಕ್ ಪೋಯಿತ್ ದಿನ ಕಯಿಪಯಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:38

ಪೊಲಾಕಾಪಕಲೆ ದುಂಬ ಜನ ದೇವಾಲಯಕ್ ಪೋಯಿತ್ ಯೇಸುರ ಬೋದನೆನ ಕ್‍ೕಪಕ್ ಬಪ್ಪಯಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:20

ಯೇಸು ಆ ಪುಸ್ತಕತ್‍ನ ಸುತ್ತಿತ್, ಅಲ್ಲಿ ಸೇವೆ ಮಾಡ್‌ವಂವೊಂಡ ಪಕ್ಕ ಕೊಡ್‍ತ ಪಿಂಞ ಅಳ್‌ತತ್. ಸಬಾಮಂದಿರತ್‍ಲ್ ಉಳ್ಳಯಿಂಗ ಎಲ್ಲಾರು ಅಂವೊನ ನೋಟಿಯಂಡೇ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:3

ಅಲ್ಲಿ ಇಂಜ ದಂಡ್ ದೋಣಿಲ್, ಒರ್ ದೋಣಿ ಸೀಮೋನಂಡದಾಯಿತ್ಂಜತ್. ಆ ದೋಣಿಲ್ ಯೇಸು ಪತ್ತಿತ್, ಅದ್‍ನ ಕರೆಯಿಂಜ ಚೆನ್ನ ದೂರ ಉಂದ್‍ೕಂದ್ ಎಣ್ಣ್‌ಚಿ. ಯೇಸು ದೋಣಿಲ್ ಅಳ್‌ಪಂಜಿ ಜನಕ್ ಬೋದನೆ ಮಾಡ್‍ಚಿ.

ಯೋಹಾನ 4:34

ಅಯಿಂಗಕ್ ಯೇಸು: ನನ್ನ ಅಯಿಚಂವೊಂಡ ಚಿತ್ತತ್‍ರನೆಕೆ ಮಾಡಿತ್, ಅಂವೊಂಡ ಕ್ರಿಯೇನ ನೆರೆವೇರಿಚಿಡುವದೇ ನಾಡ ಆಹಾರಾಂದ್ ಎಣ್ಣ್‌ಚಿ.

ಯೋಹಾನ 8:20

ಯೇಸು ದೇವಾಲಯತ್‍ಲ್ ಬಂಡಾರ ಇಡ್‌ವ ಪೊಟ್ಟಿ ಬೆಪ್ಪ ಜಾಗತ್‍ಲ್ ಉಪದೇಶ ಮಾಡಿಯಂಡಿಪ್ಪಕ ಇದ್‍ನೆಲ್ಲಾ ಎಣ್ಣ್‌ಚಿ. ಅಂವೊಂಡ ಸಮಯ ಇಂಞು ಬಂದಿತ್‌ಲ್ಲೆ, ಆನಗುಂಡ್ ದಾರೂ ಅಂವೊನ ಪುಡ್‌ಚಿತ್‌ಲ್ಲೆ.

ಯೋಹಾನ 8:3

ಆ ಸಮಯತ್‍ಲ್ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು, ಫರಿಸಾಯಂಗಳು ವ್ಯಬಿಚಾರತ್‍ಲ್ ಚಿಕ್ಕಿತ್ಂಜ ಒರ್ ಪೊಣ್ಣಾಳ್‍ನ ಕಾಕಿಯಂಡ್ ಬಂತ್, ಎಲ್ಲಾಡ ಮದ್ಯತ್ ಅವಳ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 5:21

ಅಪೊಸ್ತಲಂಗ ಅದ್‍ನ ಕ್‍ೕಟಿತ್, ದೇವದೂತ ಎಣ್ಣ್‌ನನೆಕೆ, ಪೊಲಾಕ ನೇರತೆ ದೇವಾಲಯತ್‍ರ ಒಳ್‍ಕ್ ಪೋಯಿತ್ ಜನಕ್ ಬೋದನೆ ಕೊಡ್‍ಪಕ್ ಸುರು ಮಾಡ್‍ಚಿ. ಅಕ್ಕಣೆಕ್, ಮಹಾ ಯಾಜಕನು ಪಿಂಞ ಅಂವೊಂಡ ಕೂಡೆ ಇಂಜಯಿಂಗಳು, ಯೆಹೂದ್ಯಂಗಡ ಆಲೋಚನೆ ಸಬೆರ ಅದಿಕಾರಿಯಂಗಳ ಪಿಂಞ ಇಸ್ರಾಯೇಲ್‍ರ ಪೆರಿಯಯಿಂಗಳ ಕಾಕಿತ್, ಅಪೊಸ್ತಲಂಗಳ ಸೆರೆಮನೆಯಿಂಜ ಕಾಕಿಯಂಡ್ ಬಪ್ಪಕ್ ಎಣ್ಣ್‌ಚಿ.