ಯೋಹಾನ 8:15 - ಕೊಡವ ಬೈಬಲ್

¹⁵ ನಿಂಗ ಮನುಷ್ಯಂಗಡ ಜ್ಞಾನಕ್ ತಕ್ಕಂತ ತೀರ್ಪ್ ಮಾಡ್‌ವಿರ, ಆಚೇಂಗಿ ನಾನ್ ದಾರ್‌ನು ತೀರ್ಪ್ ಮಾಡುಲೆ.

ಯೋಹಾನ 8:15 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:14

ನಾಡ ಸ್ನೇಹಿತನೇ: ನಿಂಗಡ ಆಸ್ತಿನ ದಂಡಾಳ್‌ಕ್ ಪಾಲ್ ಮಾಡ್‌ವಕು, ನ್ಯಾಯಾದಿಪತಿಯಾಯಿತ್ ದಾರ್ ನನ್ನ ನೇಮಿಚಿಟ್ಟತ್‍ೕಂದ್ ಯೇಸು ಕ್‍ೕಟತ್.

ಯೋಹಾನ 12:47

ಒಬ್ಬ ನಾಡ ತಕ್ಕ್‌ನ ಕ್‍ೕಟಿತ್ ಅದ್‍ನ ನಂಬತೆ ಪೋನಕ, ಅಂವೊನ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಈ ಲೋಕಕ್ ನ್ಯಾಯತೀರ್ಪ್ ಕೊಡ್‍ಪಕಾಯಿತ್ ಬಂದಿತ್‌ಲ್ಲೆ, ಅದ್‍ನ ಕಾಪಾಡ್‌ವಕಾಯಿತೇ ಬಂದಿಯೆ.

ಯೋಹಾನ 18:36

ಯೇಸು ಅಂವೊಂಗ್: ನಾಡ ರಾಜ್ಯ ಈ ಲೋಕತ್‍ರದಲ್ಲ, ನಾಡ ರಾಜ್ಯ ಈ ಲೋಕತ್‍ರದಾಯಿತ್ ಇಂಜತೇಂಗಿ, ನಾಡ ಶಿಷ್ಯಂಗ ನನ್ನ ಯೆಹೂದ್ಯ ಅದಿಕಾರಿಯಂಗಕ್ ಪುಡ್‍ಚಿ ಕೊಡ್‍ಕತನೆಕೆ ತಡ್‍ಪಕ್ ಇಂಜತ್; ಆನಗುಂಡ್ ನಾಡ ರಾಜ್ಯ ಈ ಲೋಕತ್‍ರದಲ್ಲಾಂದ್ ಎಣ್ಣ್‌ಚಿ.

ಯೋಹಾನ 3:17

ಈ ಲೋಕತ್‍ಲ್ ಉಳ್ಳ ಜನಳ ತೀರ್ಪ್ ಮಾಡ್‌ವಕಾಯಿತ್ ದೇವ ತಾಂಡ ಮೋಂವೊನ ಅಯಿಚಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಮೂಲಕ ಲೋಕತ್‍ಲ್ ಉಳ್ಳ ಜನಳ ರಕ್ಷಣೆ ಮಾಡ್‌ವಕಾಯಿತೇ ಅಯಿಚತ್.

ಯೋಹಾನ 7:24

ಪೊರಮೆ ಉಳ್ಳದ್‍ನ ಕಂಡಿತ್ ನ್ಯಾಯತೀರ್ಪ್ ಮಾಡತಿ. ನೀತಿಯಾಯಿತ್ ನ್ಯಾಯತೀರ್ಪ್ ಮಾಡೀಂದ್ ಎಣ್ಣ್‌ಚಿ.

ಯೋಹಾನ 8:11

ಅದ್ಂಗ್ ಆ ಪೊಣ್ಣಾಳ್: ಇಲ್ಲೆ ಒಡೆಯಾಂದ್ ಎಣ್ಣ್‌ಚಿ. ಯೇಸು ಅವಕ್: ನಾನ್ ಕೂಡೆ ನೀಕ್ ಶಿಕ್ಷೆ ತಪ್ಪ್‌ಲೇಂದ್ ಎಣ್ಣ್‌ಚಿ. ನೀನ್ ಪೋ ಇಂಞು ಮಿಂಞಕ್ ನೀನ್ ಪಾಪ ಮಾಡತೇಂದ್ ಯೇಸು ಎಣ್ಣ್‌ಚಿ.

ರೋಮ್ 2:1

ಆನಗುಂಡ್, ಬೋರೆಯಿಂಗಳ ತೀರ್ಪ್ ಮಾಡ್‌ವ ನಿಂಗ ದಾರಾಯಿತ್ ಇಂಜತೇಂಗಿಯು, ನಿಂಗ ಮಾಡ್‍ನದ್ ಸರೀಂದ್ ಎಣ್ಣ್‌ವಕ್ ಕಯ್ಯುಲೆ; ನಿಂಗ ಪಾಪಾಂದ್ ತೀರ್ಪ್ ಮಾಡ್‌ವ ವಿಷಯತ್‍ನ ನಿಂಗಳೇ ಮಾಡ್‌ವಗುಂಡ್, ನಿಂಗ ಮಾಡ್‌ವ ತೀರ್‌ಪಿಂಜ, ನಿಂಗಳ ನಿಂಗಳೇ ಪಾಪ ಮಾಡ್‌ನಯಿಂಗಾಂದ್ ತೀರ್ಪ್ ಮಾಡ್‌ವಿರ.

1 ಕೊರಿಂಥ 2:15

ಪವಿತ್ರಾತ್ಮ ಉಳ್ಳ ಮನುಷ್ಯ ಎಲ್ಲಾ ವಿಷಯತ್‍ನ ಅರ್ಥ ಮಾಡಿತ್ ನೋಟ್‍ವಕಯ್ಯು. ಆಚೇಂಗಿ ಅಂವೊನ ಬೋರೆ ದಾರ್‌ಕು ಅರ್ಥ ಮಾಡಿತ್ ನೋಟ್‌ವಕಯ್ಯುಲೆ.

2 ಕೊರಿಂಥ 5:16

ಆನಗುಂಡ್, ಇಂಞು ಮಿಂಞಕ್, ಒಬ್ಬನ ಸಹ ಮನುಷ್ಯಂಡ ರೀತಿಲ್ ನೋಟಿಯಂಡಿಲ್ಲೆ. ಒರ್ ಸಮಯತ್‍ಲ್ ಕ್ರಿಸ್ತನ ನಂಗ ಮನುಷ್ಯಂಗಡನೆಕೆ ಗೇನ ಮಾಡಿತ್ಂಜತೇಂಗಿಯು, ಇಂಞು ಮಿಂಞಕ್ ಅನ್ನನೆ ಗೇನ ಮಾಡುಲೆ.

ಯಾಕೋಬ 2:4

ನಿಂಗ ಇನ್ನನೆ ಮಾಡ್‍ಚೇಂಗಿ ನಿಂಗ ನಿಂಗಡೊಳ್‌ಲ್ ಪಕ್ಷಪಾತ ಮಾಡಿತ್, ಕೆಟ್ಟ ಬುದ್ದಿಲ್ ತೀರ್ಪ್ ಮಾಡ್‌ವಯಿಂಗಳಾಯಿತ್‌ಪ್ಪಿರಲ್ಲ?