ಯೋಹಾನ 8:12 - ಕೊಡವ ಬೈಬಲ್

¹² ಯೇಸು ಜನಳ ನೋಟಿತ್: ನಾನ್ ಲೋಕಕ್ ಬೊಳಿಯಾಯಿತ್ ಉಂಡ್, ದಾರ್ ನಾಡ ಬಯ್ಯಕ್ ಬಪ್ಪ, ಅಯಿಂಗ ಇರ್‌ಟ್‌ಲ್ ನಡ್‍ಪ್‍ಲೆ, ಆಚೇಂಗಿ ಜೀವ ತಪ್ಪ ಬೊಳಿಲ್ ನಡ್‌ಪಾಂದ್ ಎಣ್ಣ್‌ಚಿ.

ಯೋಹಾನ 8:12 ပူးပေါင်းရင်းမြစ်များ

ಮಲಾಕಿ 4:2

ಆಚೇಂಗಿ, ನಾಡ ಪೆದಕ್‌ ಬೊತ್ತುವ ನಿಂಗಡ ಮೇಲೆ ನೀತಿರ ಸೂರ್ಯ ಉದಿಪ. ಅದ್‌ಂಡ ರೆಕ್ಕೆರ ಅಡಿಲ್‌ ಆರೋಗ್ಯ ಇಪ್ಪ. ನಿಂಗ ಕೊಟ್ಟ್‌ಯಿಂಜ ಪೊರ್ಮೆ ಪೋನ ಕಡಚಿಯರನೆಕೆ ಕುಶೀಲ್‌ ತುಳ್ಳಿಯಂಡಿಪ್ಪಿರ

ಮತ್ತಾಯ 5:14

ನಿಂಗ ಈ ಲೋಕತ್‍ರ ಜನಕ್ ಬೊಳಿ ಆಯಿತುಳ್ಳಿರ. ಕುಂದ್‌ರ ಕೊಡಿಲ್ ಉಳ್ಳ ಪಟ್ಟಣತ್‍ನ ಒಳ್‌ಪ್‍ಚಿಡುವಕಯ್ಯುಲೆ.

ಯೋಹಾನ 12:35

ಯೇಸು ಅಯಿಂಗಕ್: ಈ ಬೊಳಿ ಇಂಞು ಚೆನ್ನ ನೇರ ಮಾತ್ರ ನಿಂಗಡ ಕೂಡೆ ಇಪ್ಪ, ಇರ್‌ಟ್‌ಲ್ ಚಿಕ್ಕತನೆಕೆ, ಈ ಬೊಳಿಲ್ ಎಕ್ಕಾಲು ನಿಂಗ ಇರಿ, ಇರ್‌ಟ್‌ಲ್ ಇಪ್ಪಂವೊ ಅಂವೊ ಎಲ್ಲಿಕ್ ಪೋಯಂಡುಂಡ್‍ೕಂದ್ ಅಂವೊಂಗ್ ಗೊತ್ತಾಪುಲೆ.

ಯೋಹಾನ 12:36

ಬೊಳಿ ನಿಂಗಡ ಕೂಡೆ ಇಪ್ಪಕಾಪಲೆ ಬೊಳಿನ ನಂಬಿ. ಅಕ್ಕ ನಿಂಗ ಬೊಳಿರ ಮಕ್ಕಳಾಯಿತ್‌ಪ್ಪಿರಾಂದ್ ಎಣ್ಣ್‌ಚಿ. ಯೇಸು ಇದ್‍ನೆಲ್ಲಾ ಎಣ್ಣ್‌ನ ಪಿಂಞ ಅಯಿಂಗಕ್ ಕಾಂಗತನೆಕೆ ಒಳ್‌ಚಂಡತ್.

ಯೋಹಾನ 12:46

ನಾಡ ಮೇಲೆ ನಂಬಿಕೇಲ್ ಉಳ್ಳಯಿಂಗ ದಾರೂ ಇರ್‌ಟ್‌ಲ್ ಇಕ್ಕತನೆಕೆ, ನಾನ್ ಈ ಲೋಕಕ್ ಬೊಳಿಯಾಯಿತ್ ಬಂದಿಯೆ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 3:19

ಅಯಿಂಗಕ್ ಶಿಕ್ಷೇರ ತೀರ್ಪ್ ಕ್‍ಟ್ಟುವಕ್ ಕಾರಣ ಎಂತ ಎಣ್ಣ್‌ಚೇಂಗಿ: ಅಂವೊ ಈ ಲೋಕಕ್ ಬೊಳಿಯಾಯಿತ್ ಬಾತ್, ಆಚೇಂಗಿ ಜನಡ ಕ್ರಿಯೆ ಕೆಟ್ಟದಾಯಿತ್ಂಜಗುಂಡ್, ಅಯಿಂಗ ಆ ಬೊಳಿಕಿಂಜ ಇರ್‌ಟ್‌ನ ಪ್ರೀತಿ ಮಾಡ್‍ಚಿ.

ಯೋಹಾನ 7:17

ದೇವಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿ ಉಳ್ಳಂವೊಂಗ್, ನಾನ್ ಮಾಡ್‌ವ ಬೋದನೆ ದೇವಡಯಿಂಜ ಬಪ್ಪ ಬೋದನೆಯಾ, ಅಥವ ನಾಡ ಸ್ವಂತ ಬೋದನೆಯಾಂದ್ ಗೊತ್ತಾಪಾಂದ್ ಜವಾಬ್ ಕೊಡ್‍ತತ್.

ಯೋಹಾನ 9:5

ನಾನ್ ಈ ಲೋಕತ್‍ಲ್ ಇಪ್ಪಕತ್ತನೆ, ನಾನ್ ಲೋಕಕ್ ಬೊಳಿಯಾಯಿತುಳ್ಳ್.

ಅಪೊಸ್ತಲ 13:47

ನೀನ್ ಲೋಕತ್‍ರ ಕಡೇಕತ್ತನೆ ರಕ್ಷಕನಾಯಿತ್ ಇಪ್ಪಕ್ ನಿನ್ನ ನಾನ್ ಯೆಹೂದ್ಯ ಅಲ್ಲತಯಿಂಗಕ್ ಬೊಳಿಯಾಯಿತ್ ನೇಮಿಚಿಟ್ಟಿಯೇಂದ್ ಒಡೆಯ ನಂಗಕ್ ಅಪ್ಪಣೆ ಕೊಡ್‍ತಿತುಳ್ಳಗುಂಡ್ ನಂಗ ಇನ್ನನೆ ಮಾಡ್‌ವಾಂದ್ ಎಣ್ಣ್‌ಚಿ.

ಅಪೊಸ್ತಲ 26:23

ಪ್ರವಾದಿಯಂಗಳು ಮೋಶೇಯು ಮಿಂಞಲೇ ಎಣ್ಣ್‌ನನೆಕೆ, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಕಷ್ಟಪಟ್ಟಿತ್ ಚಾವಾಂದು, ಚತ್ತಯಿಂಗ ಪುನಃ ಜೀವವಾಯಿತ್ ಎದ್ದಿತ್ ಬಪ್ಪಯಿಂಗಡಡೆಲ್ ಇಂವೊನೇ ಆದ್ಯವಾಯಿತ್ ಇಪ್ಪಾಂದು, ಅಂವೊ ಎದ್ದಿತ್ ಅಂವೊಂಡ ಜನಕು, ಯೆಹೂದ್ಯಂಗಲ್ಲತ ಬೋರೆ ಜನಾಂಗಕು, ಬೊಳಿನ ಅರಿಚಿಡುವಾಂದು ಉಳ್ಳದ್‍ನ ಬುಟ್ಟಿತ್ ಬೋರೆ ಒಂದು ನಾನ್ ಎಣ್ಣಿಯಂಡಿಲ್ಲೇಂದ್ ಎಣ್ಣ್‌ಚಿ.

2 ಪೇತ್ರ 2:17

ಈಂಗ ನೀರ್ ಇಲ್ಲತ ಕಣತೆರನೆಕೆ, ಪಿಂಞ ಬಿರ್‌ಗಾಳಿಲ್ ಅಲ್ಲಿ ಇಲ್ಲಿ ಓಡುವ ಮೋಡತ್‍ರನೆಕೆ ಉಂಡ್; ಬಲ್ಯ ಇರ್‌ಟ್‌ನ ಮಾತ್ರ ಈಂಗಕ್ ನ್ಯಾಯತೀರ್ಪಾಯಿತ್ ಬೆಚ್ಚಿತುಂಡ್.

2 ಪೇತ್ರ 2:4

ಪಾಪ ಮಾಡ್‍ನ ಪರಲೋಕತ್‍ಲ್ ಇಂಜ ದೂತಂಗಳ ಸಹ ದೇವ ಬುಟ್ಟಿತ್‌ಲ್ಲೆ, ಅಯಿಂಗಳ ನರಕಕ್ ಅಯಿಚಿತ್, ಇರ್‌ಟಾನ ಕುಂಡ್‍ಲ್ ತಳ್ಳಿತ್ ನ್ಯಾಯತೀರ್ಪ್ ಕೊಡ್‍ಪಕಾಯಿತ್ ಬೆಚ್ಚಿತುಂಡ್.

1 ಯೋಹಾನ 1:6

ನಂಗ ದೇವಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ಚೇಂಗಿಯು, ಇರ್‌ಟ್‌ಲ್ ನಡ್‍ಪಯಿಂಗಳಾಯಿತುಂಡೇಂಗಿ ನಂಗ ಸತ್ಯತ್‍ಲ್ ನಡ್‍ಕತೆ ಪೊಟ್ಟ್ ಪರಿಯುವಂಗಳಾಯಿತುಂಡ್.

ಯೂದ ಒಳ್‍ದ್‍ನ ಕಾಗದ 1:13

ಞಾಣ ಆಪನೆಕೆ ಕೆಟ್ಟ ಕಾರ್ಯ ಮಾಡ್‌ವ ಅಯಿಂಗ, ಕಡಲ್‍ರ ಅಲೆ, ಆಲೆ ಈಲೆ ಪೋಯಿತ್ ನೊರೆನ ತಳ್ಳ್‌ವನೆಕೆ ಪಿಂಞ ಎಲ್ಲಿ ಪೋಕಂಡೂಂದ್ ಗೊತ್ತಿಲ್ಲತೆ ಬಟ್ಟೆ ತಪ್ಪಿ ಪೋಯಂಡುಳ್ಳ ನಕ್ಷತ್ರನೆಕೆ ಉಂಡ್. ಈಂಗಕಾಯಿತ್ ಸದಾ ಇರ್‌ಟೇ ನಿತ್ಯವಾಯಿತ್ ಬೆಚ್ಚಿತುಂಡ್.

ಯೂದ ಒಳ್‍ದ್‍ನ ಕಾಗದ 1:6

ಅಯಿಂಗಯಿಂಗಡ ಅದಿಕಾರತ್‍ರ ಸ್ತಾನತ್‍ನ ಕಾಪಾಡತೆ, ಅಯಿಂಗಕ್ ದೇವ ತಂದ ಜಾಗತ್‍ನ ಬುಟ್ಟಿತ್ ಪೋನ ಪರಲೋಕತ್‍ಲ್ ಇಂಜ ಚೆನ್ನ ದೂತಂಗಳ, ಅಂವೊ ಮಹಾ ದಿವಸತ್‍ರ ತೀರ್ಪ್‌ಕಾಯಿತ್ ಅಯಿಂಗಳ ನಿತ್ಯ ಸರ್ಪಣಿಲ್ ಕೆಟ್ಟಿತ್ ಇರ್‌ಟ್‌ಲ್ ಬೆಚ್ಚಿತ್ ಉಂಡ್.

ಪ್ರಕಟನೆ 21:24

ರಕ್ಷಣೆ ಕ್‍ಟ್ಟ್‌ನ ಜನ ಅದ್ಂಡ ಬೊಳಿಲ್ ನಡ್‍ಪಕಿಂಜತ್. ಬೂಮಿಲ್ ಉಳ್ಳ ರಾಜಂಗ ಅಯಿಂಗಡ ಮಹಿಮೆನ, ಗನತ್‍ನ ಅದ್ಂಡ ಒಳ್‍ಕ್ ಎಡ್‌ತ ಬಪ್ಪಕಿಂಜತ್.