ಯೋಹಾನ 8:11 - ಕೊಡವ ಬೈಬಲ್

¹¹ ಅದ್ಂಗ್ ಆ ಪೊಣ್ಣಾಳ್: ಇಲ್ಲೆ ಒಡೆಯಾಂದ್ ಎಣ್ಣ್‌ಚಿ. ಯೇಸು ಅವಕ್: ನಾನ್ ಕೂಡೆ ನೀಕ್ ಶಿಕ್ಷೆ ತಪ್ಪ್‌ಲೇಂದ್ ಎಣ್ಣ್‌ಚಿ. ನೀನ್ ಪೋ ಇಂಞು ಮಿಂಞಕ್ ನೀನ್ ಪಾಪ ಮಾಡತೇಂದ್ ಯೇಸು ಎಣ್ಣ್‌ಚಿ.

ಯೋಹಾನ 8:11 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:13

ತಾಂಡ ಪಾಪತ್‌ನ ಮುಚ್ಚ್‌ವಂವೊ ಚಾಯಾಪುಲೆ. ಆಚೇಂಗಿ ತಾಂಡ ಪಾಪತ್‌ನ ಅರಿಕೆ ಮಾಡಿತ್‌ ಅದ್‌ನ ಬುಡುವಂವೊಂಗ್‌ ಕರುಣೆ ಕ್‌ಟ್ಟುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:3

ಅನ್ನೆನೆ ಅಲ್ಲ! ನಿಂಗ ಪಾಪ ಮಾಡ್‌ವಾನ ಬುಟ್ಟಿತ್, ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್ ಬಂದಿತ್‌ಲ್ಲೇಂಗಿ ನಿಂಗೆಲ್ಲಾರು ಇನ್ನನೆ ಪಾಳಾಯಿ ಪೋಪಿರಾಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:5

ಇಲ್ಲೆ, ಆಚೇಂಗಿ ನಿಂಗಡ ಪಾಪಕಾಯಿತ್ ನಿಂಗ ಪಶ್ಚಾತಾಪ ಪಟ್ಟಿತ್‌ಲ್ಲೇಂಗಿ, ನಿಂಗಳು ಪಾಳಾಯಿ ಪೋಪಿರಾಂದ್ ನಾನ್ ಪುನಃ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:10

ಅನ್ನನೆ ಒರೇ ಒರ್ ಪಾಪ ಮಾಡ್‍ನ ಮನುಷ್ಯ ದೇವಡ ಕಡೇಕ್ ತಿರ್‌ಗ್‍ಚೇಂಗಿ ಪರಲೋಕತ್‍ಲ್ ಉಳ್ಳ ದೇವದೂತಂಗಡ ಮಿಂಞತ್‍ಲ್ ಸಂತೋಷ ಉಂಟಾಪಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:32

ಆಚೇಂಗಿ ಇಕ್ಕ ಕುಶಿಪಡ್‍ವದ್ ನ್ಯಾಯ, ಎನ್ನಂಗೆಣ್ಣ್‌ಚೇಂಗಿ ನೀಡ ತಮ್ಮಣ ಚತ್ತ್ ಪೋಯಿತ್ಂಜತ್, ಪುನಃ ಎದ್ದಿತ್ ಬಾತ್, ಅಂವೊ ಕಾಂಗತೆ ಪೋಯಿತ್ಂಜತ್, ಆಚೇಂಗಿ ಇಕ್ಕ ಕ್‍ಟ್ಟ್‌ಚೀಂದ್ ಅಂವೊಂಡ ಅಪ್ಪ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:7

ಅನ್ನನೆ, ಪಶ್ಚಾತಾಪ ಪಡಂಡೂಂದ್ ಇಲ್ಲತ ತೊಂಬತ್‌ತೊಯಿಂಬದ್ ನೀತಿವಂತಯಿಂಗಕಿಂಜ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ತಿರ್‌ಗ್‌ವ ಒರ್ ಪಾಪಿರ ವಿಷಯತ್ ಪರಲೋಕತ್‍ಲ್ ದುಂಬ ಕುಶಿ ಇಪ್ಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:32

ನೀತಿವಂತಯಿಂಗಳ ಅಲ್ಲ, ಆಚೇಂಗಿ ಪಾಪಿಯಂಗ ಪಾಪತ್ಂಜ ಪಶ್ಚಾತಾಪ ಪಡ್‌ವಕಾಯಿತೇ ನಾನ್ ಬಂದಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:56

ಮನುಷ್ಯಕುಮಾರ ಮನುಷ್ಯಂಗಡ ಜೀವತ್‍ನ ಪಾಳ್ ಮಾಡ್‌ವಕ್ ಅಲ್ಲ, ರಕ್ಷಣೆ ಮಾಡ್‌ವಕ್ ಬಾತ್‍ೕಂದ್ ಎಣ್ಣ್‌ಚಿ. ಅಲ್ಲಿಂಜ ಬೋರೆ ಊರ್‌ಕ್ ಅಯಿಂಗ ಪೋಚಿ.

ಯೋಹಾನ 18:36

ಯೇಸು ಅಂವೊಂಗ್: ನಾಡ ರಾಜ್ಯ ಈ ಲೋಕತ್‍ರದಲ್ಲ, ನಾಡ ರಾಜ್ಯ ಈ ಲೋಕತ್‍ರದಾಯಿತ್ ಇಂಜತೇಂಗಿ, ನಾಡ ಶಿಷ್ಯಂಗ ನನ್ನ ಯೆಹೂದ್ಯ ಅದಿಕಾರಿಯಂಗಕ್ ಪುಡ್‍ಚಿ ಕೊಡ್‍ಕತನೆಕೆ ತಡ್‍ಪಕ್ ಇಂಜತ್; ಆನಗುಂಡ್ ನಾಡ ರಾಜ್ಯ ಈ ಲೋಕತ್‍ರದಲ್ಲಾಂದ್ ಎಣ್ಣ್‌ಚಿ.

ಯೋಹಾನ 3:17

ಈ ಲೋಕತ್‍ಲ್ ಉಳ್ಳ ಜನಳ ತೀರ್ಪ್ ಮಾಡ್‌ವಕಾಯಿತ್ ದೇವ ತಾಂಡ ಮೋಂವೊನ ಅಯಿಚಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಮೂಲಕ ಲೋಕತ್‍ಲ್ ಉಳ್ಳ ಜನಳ ರಕ್ಷಣೆ ಮಾಡ್‌ವಕಾಯಿತೇ ಅಯಿಚತ್.

ಯೋಹಾನ 5:14

ಚೆನ್ನ ಸಮಯ ಕಯಿಂಜ ಪಿಂಞ, ಯೇಸು ಆ ಮನುಷ್ಯನ ದೇವಾಲಯತ್‍ಲ್ ಕಂಡತ್: ನೋಟ್, ನೀನ್ ಇಕ್ಕ ವಾಸಿ ಆಯಿತುಳ್ಳಿಯ, ಇಂಞು ನೀನ್ ಪಾಪ ಮಾಡತನೆಕೆ ಇರ್, ಇಲ್ಲತಪೋಚೇಂಗಿ ಇದ್‌ಂಗಿಂಜ ಬಲ್ಯ ಕಾಯಿಲೆ ನೀಕ್ ಬಪ್ಪಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 8:15

ನಿಂಗ ಮನುಷ್ಯಂಗಡ ಜ್ಞಾನಕ್ ತಕ್ಕಂತ ತೀರ್ಪ್ ಮಾಡ್‌ವಿರ, ಆಚೇಂಗಿ ನಾನ್ ದಾರ್‌ನು ತೀರ್ಪ್ ಮಾಡುಲೆ.

ರೋಮ್ 2:4

ಅಥವ, ನಿಂಗ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ಬಪ್ಪಕ್ ದೇವಡ ದಯೆ ನಿಂಗಳ ಕಾಕಿಯಂಡ್ ಉಂಡ್‍ೕಂದ್ ಗೊತ್ತಿಲ್ಲತೆ, ದೇವಡ ದಾರಾಳವಾಯಿತುಳ್ಳ ದಯೆ, ಸಯಿಸುವ ಗುಣ ಪಿಂಞ ತಾಳ್ಮೆ ಇನ್ನತಾನ ಐಶ್ವರ್ಯತ್‍ನ ಅಲ್ಲಗೆಳೆಯುವಿರ?

1 ಕೊರಿಂಥ 5:12

ಸಬೆರ ಪೊರಮೆ ಉಳ್ಳಯಿಂಗಕ್ ತೀರ್ಪ್ ಕೊಡ್‍ಪಕ್ ನಾಕ್ ಒರ್ ಅದಿಕಾರವು ಇಲ್ಲೆ. ಸಬೇಲ್ ಇಂಜಂಡ್ ಪಾಪ ಮಾಡಿಯಂಡ್ ಉಳ್ಳಯಿಂಗಕ್ ತೀರ್ಪ್ ಕೊಡ್‍ಪದ್ ನಿಂಗಡ ಜವಾಬ್ದಾರಿಯಾಯಿತುಂಡಲ್ಲ. ಪೊರಮೆ ಉಳ್ಳಯಿಂಗಕ್ ದೇವ ತೀರ್ಪ್ ತಪ್ಪ.

2 ಪೇತ್ರ 3:15

ನಂಗಡ ಒಡೆಯಂಡ ಬಲ್ಯ ತಾಳ್ಮೆನ, ಜನ ರಕ್ಷಣೆ ಆಪಕಾಯಿತ್‍ೕಂದ್ ಗೇನ ಮಾಡಂಡು; ನಂಗಡ ಪ್ರೀತಿರ ಅಣ್ಣ ಪೌಲನು, ದೇವ ಅಂವೊಂಗ್ ಕೊಡ್‍ತ ಜ್ಞಾನತ್‍ರನೆಕೆ, ಇನ್ನನೆ ನಿಂಗಕ್ ಒಳ್‍ದಿತುಂಡ್.