ಯೋಹಾನ 7:52 - ಕೊಡವ ಬೈಬಲ್

⁵² ಅಕ್ಕ ಅಯಿಂಗ: ನೀನ್ ಸಹ ಗಲಿಲಾಯತ್ಂಜ ಬಂದಂವೊನಾ? ಗಲಿಲಾಯತ್ಂಜ ಒರ್ ಪ್ರವಾದಿಯು ಬಪ್ಪ್‌ಲೇಂದ್ ದೇವಡ ಪುಸ್ತಕತ್‍ಲ್ ಚಾಯಿ ನೋಟ್‍ೕಂದ್ ಎಣ್ಣ್‌ಚಿ.

ಯೋಹಾನ 7:52 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:9

ಅದ್‌ಂಗ್‌ ಅಯಿಂಗ: ನಂಗಕ್‌ ಬಟ್ಟೆ ಬುಡ್. ಇಂವೊ ನಂಗಡಲ್ಲಿಕ್‌ ಪರದೇಶಿಯಾಯಿತ್‌ ಬಾತ್. ಇಕ್ಕ ಇಂವೊ ನಂಗಕ್‌ ನ್ಯಾಯ ತಕ್ಕ್‌ ಪರಿಯುವಕ್‌ ಬಂದಂಡುಂಡ್. ಇಕ್ಕ ಅಯಿಂಗಕ್‌ ಮಾಡುವ ಕ್‍ೕಡ್‌ಕಿಂಜ ನೀಕ್‌ ದುಂಬ ಕ್‍ೕಡ್‌ ಮಾಡ್‌ವಾಂದ್‌ ಎಣ್ಣಿತ್, ಲೋಟನ ತಳ್ಳಿಯಂಡ್‌ ಮನೆರ ಪಡಿನ ಒಡೆಪಕ್‌ ಬಾತ್.

ಯೋಹಾನ 1:46

ಅದ್ಂಗ್ ನತಾನಯೇಲ: ನಜರೇತ್ ಊರಿಂಜ ಎಂತಾಚು ನಲ್ಲದ್ ಬಪ್ಪಕಯ್ಯುವಾಂದ್ ಕ್‍ೕಟತ್. ನೀನೇ ಬಂದಿತ್ ನೋಟ್‍ೕಂದ್ ಫಿಲಿಪ್ಪ ಅಂವೊಂಗ್ ಎಣ್ಣ್‌ಚಿ.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 7:41

ಇಂಞು ಚೆನ್ನ ಜನ: ಇಂವೊ ಕ್ರಿಸ್ತಾಂದ್ ಎಣ್ಣ್‌ಚಿ. ಇಂಞು ಚೆನ್ನ ಜನ: ಕ್ರಿಸ್ತ ಗಲಿಲಾಯತ್ಂಜ ಬಪ್ಪಕಯ್ಯುವಾಂದ್ ಎಣ್ಣ್‌ಚಿ.

ಯೋಹಾನ 7:53

ಪಿಂಞ ಎಲ್ಲಾರು ಅಯಿಂಗಯಿಂಗಡ ಮನೆಕ್ ಪೋಚಿ.

ಯೋಹಾನ 9:34

ಅಕ್ಕ ಅಯಿಂಗ ಅಂವೊಂಗ್: ನೀನ್ ಬರಿ ಪಾಪತ್‍ಲ್ ಪುಟ್‌ನಂವೊ, ನೀನ್ ನಂಗಕ್ ಉಪದೇಶ ಮಾಡ್‌ವಿಯಾಂದ್ ಎಣ್ಣಿತ್, ಅಂವೊನ ಪೊರಂಬಡಿ ಮಾಡ್‍ಚಿ.