ಯೋಹಾನ 7:39 - ಕೊಡವ ಬೈಬಲ್

³⁹ ಅಂವೊಂಡ ಮೇಲೆ ನಂಬಿಕೆ ಇಡ್‌ವ ಜನಕ್ ಕ್‍ಟ್ಟುವ ಪವಿತ್ರಾತ್ಮಂಡ ವಿಷಯತ್ ಯೇಸು ಇನ್ನನೆ ಎಣ್ಣ್‌ಚಿ. ಯೇಸು ಇಂಞು ಕೊಡಿಕ್ ಪೋಯಿತ್ ಮಹಿಮೆ ಪಡತೆ ಇಂಜಗುಂಡ್, ಪವಿತ್ರಾತ್ಮನ ಇಲ್ಲಿಕತ್ತನೆ ಕೊಡ್‍ತಿತ್‌ಲ್ಲೆ.

ಯೋಹಾನ 7:39 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:23

ನಾಡ ಎಚ್ಚರ ತಕ್ಕ್‌ಕ್‌ ಕೆಮಿ ಕೊಡಿ; ಇದಾ, ನಾಡ ಆತ್ಮತ್‌ನ ನಾನ್‌ ನಿಂಗಡ ಮೇಲೆ ಬೂಕಿತ್, ನಾಡ ತಕ್ಕ್‌ ನಿಂಗಕ್‌ ಗೊತ್ತಾಪನೆಕೆ ಮಾಡುವಿ.

ಮತ್ತಾಯ 16:14

ಅದ್ಂಗ್ ಅಯಿಂಗ: ಚೆನ್ನ ಜನ ನಿನ್ನ ದೀಕ್ಷಾಸ್ನಾನ ತಪ್ಪ ಯೋಹಾನಾಂದು, ಚೆನ್ನ ಜನ ಎಲೀಯಾಂದು, ಇಂಞು ಚೆನ್ನ ಜನ ಯೆರೆ‌ಮೀಯಾಂದು ಪಿಂಞ ಇಂಞು ಚೆನ್ನ ಜನ ದೇವಡ ಒರು ಪ್ರವಾದೀಂದು ಕಾಕುವಾಂದ್ ಎಣ್ಣ್‌ಚಿ.

ಮತ್ತಾಯ 21:11

ಇಂವೊ ಗಲಿಲಾಯತ್‍ಲ್ ಉಳ್ಳ ನಜರೇತ್‍ರ ಪ್ರವಾದಿ ಯೇಸೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:49

ನಾಡ ಅಪ್ಪ ವಾಗ್ದಾನ ಮಾಡ್‍ನ ಪವಿತ್ರ ಆತ್ಮತ್‌ನ ನಾನ್ ನಿಂಗಡ ಮೇಲೆ ಅಯಿಪಿ. ಆಚೇಂಗಿ ನಿಂಗಕ್ ಪರಲೋಕತ್ಂಜ ಶಕ್ತಿ ಕ್‌ಟ್ಟ್‌ವಕತ್ತನೆ ಯೆರೂಸಲೇಮ್ ಪಟ್ಟಣತ್‍ಲ್ ಪಾರಕಾತಂಡ್ ಇರಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:16

ಅಕ್ಕ ಯೋಹಾನ: ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತಂಡುಂಡ್. ಆಚೇಂಗಿ ನಾಕಿಂಜ ಬಲ್ಯಂವೊ ಒಬ್ಬ ಬಪ್ಪ. ನಾನ್ ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ. ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ಪಿಂಞ ತಿತ್ತ್‌ಲ್ ದೀಕ್ಷಾಸ್ನಾನ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:16

ಅಲ್ಲಿ ಉಳ್ಳಯಿಂಗಕೆಲ್ಲಾ ಪೋಡಿ ಆಯಿತ್, ನಂಗಡ ಕೂಟ್‌ಲ್ ಒರ್ ಬಲ್ಯ ಪ್ರವಾದಿ ಎದ್ದಿತುಂಡ್; ದೇವ ತಾಂಡ ಜನಳ ಕಾಪಾಡ್‌ವಕ್ ಬಾತ್‍ೕಂದ್ ದೇವನ ತುದಿಪಕ್ ಸುರು ಮಾಡ್‍ಚಿ.

ಯೋಹಾನ 1:21

ಅದ್ಂಗ್ ಅಯಿಂಗ: ಅನ್ನನಾಚೇಂಗಿ ನೀನ್ ದಾರ್? ನೀನ್ ಎಲೀಯಾನಾಂದ್ ಕ್‍ೕಟತ್. ಅದ್ಂಗ್ ಯೋಹಾನ: ನಾನ್ ಎಲೀಯ ಅಲ್ಲಾಂದ್ ಎಣ್ಣ್‌ಚಿ. ನೀನ್ ಪ್ರವಾದಿಯಾಂದ್ ಕ್‍ೕಟತ್, ಅಕ್ಕ ಅಂವೊ: ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 1:25

ಅಕ್ಕ ಅಯಿಂಗ: ನೀನ್ ಕ್ರಿಸ್ತನು ಅಲ್ಲ, ಎಲೀಯನು ಅಲ್ಲ, ಒರ್ ಪ್ರವಾದಿಯು ಅಲ್ಲಾಂದ್ ಎಣ್ಣ್‌ಚೇಂಗಿ, ಪಿಂಞ ಎನ್ನಂಗ್ ನೀನ್ ದೀಕ್ಷಾಸ್ನಾನ ಕೊಡ್‍ಪಿಯಾಂದ್ ಕ್‍ೕಟತ್.

ಯೋಹಾನ 1:33

ನಾಕ್ ಇಂವೊ ದಾರ್‍ೕಂದ್ ಗೊತ್ತ್‌ಂಜಿತ್‌ಲ್ಲೆ; ಆಚೇಂಗಿಯು, ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ಪಕ್ ನನ್ನ ಅಯಿಚ ದೇವ ನಾಡ ಪಕ್ಕ: ಪವಿತ್ರಾತ್ಮ ದಾಡ ಮೇಲೆ ಬಂದಿತ್ ಅಳ್‍ಪದ್‍ನ ನೀನ್ ಕಾಂಬಿಯೋ, ಅಂವೊನೇ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಕೊಡ್‍ಪಂವೋಂದ್ ನಾಕ್ ಎಣ್ಣಿತ್ಂಜತ್.

ಯೋಹಾನ 12:16

ಅಂವೊಂಡ ಶಿಷ್ಯಂಗಕ್ ಅಕ್ಕ ಇದ್ ಅರ್ಥ ಆಯಿತ್‌ಲ್ಲೆ; ಆಚೇಂಗಿ ಯೇಸು ಮಹಿಮೆಲ್ ಪ್ರವೇಶ ಮಾಡ್‍ನ ಪಿಂಞ, ದೇವಡ ವಾಕ್ಯತ್‍ಲ್ ಇಂವೊಂಗ್ ಇನ್ನನೆ ಆಪಾಂದು ಪಿಂಞ ಅದ್ಂಗಾಯಿತೇ ಅಯಿಂಗ ಅಂವೊಂಗ್ ಇನ್ನನೆಲ್ಲಾ ಮಾಡ್‌ಚೀಂದು ಗೇನ ಮಾಡ್‍ಚಿ.

ಯೋಹಾನ 12:23

ಅಯಿಂಗಕ್ ಯೇಸು: ಮನುಷ್ಯಕುಮಾರಂಗ್ ಮಹಿಮೆ ಕ್‍ಟ್ಟ್‌ವಕುಳ್ಳ ಸಮಯ ಬಾತ್.

ಯೋಹಾನ 14:13

ನಿಂಗ ನಾಡ ಪೆದತ್‍ಲ್ ಏದೆಲ್ಲಾ ಕ್‍ೕಪಿರೋ, ಅದ್‍ನ ನಾನ್ ಮಾಡ್‌ವಿ. ಅನ್ನನೆ ನಾಡ ಮೂಲಕ ಅಪ್ಪಂಗ್ ಮಹಿಮೆ ಕ್‍ಟ್ಟುವ.

ಯೋಹಾನ 14:26

ನಾಡ ಪೆದತ್‍ಲ್ ನಾಡ ಅಪ್ಪ ನಿಂಗಕ್ ಅಯಿಪ ಪವಿತ್ರಾತ್ಮನಾನ ಆಲೋಚನೆಕಾರನೇ ನಿಂಗಕ್ ಬೋದನೆ ಮಾಡಿತ್, ನಾನ್ ನಿಂಗಕ್ ಎಣ್ಣ್‌ನ ಎಲ್ಲಾ ವಿಷಯತ್‍ನ ನಿಂಗಡ ಗೇನಕ್ ಕೊಂಡ್ ಬಪ್ಪ.

ಯೋಹಾನ 16:14

ಅಂವೊ ನನ್ನಿಂಜ ಎಡ್‍ತಿತ್ ನಿಂಗಕ್ ಎಣ್ಣಿ ತಪ್ಪಗುಂಡ್, ಅಂವೊ ನಾಕ್ ಮಹಿಮೆ ತಪ್ಪ.

ಯೋಹಾನ 16:7

ಆಚೇಂಗಿ, ನಾನ್ ನಿಂಗಕ್ ಒರ್ ಸತ್ಯ ಎಣ್ಣಿ ತಪ್ಪಿ: ನಾನ್ ಪೋಪದ್ ನಿಂಗಕ್ ಪ್ರಯೋಜನವಾಪ, ಎನ್ನಂಗೆಣ್ಣ್‌ಚೇಂಗಿ, ನಾನ್ ಪೋಕತ ಪೋನಕ ಆಲೋಚನೆ ತಪ್ಪ ಪವಿತ್ರಾತ್ಮ ನಿಂಗಡ ಪಕ್ಕ ಬಪ್ಪ್‌ಲೆ. ನಾನ್ ಪೋಚೇಂಗಿ, ಅಂವೊನ ನಿಂಗಡ ಪಕ್ಕ ಅಯಿಪಿ.

ಯೋಹಾನ 17:1

ಇದ್‍ನೆಲ್ಲಾ ಎಣ್ಣಿತಾನ ಪಿಂಞ ಯೇಸು ಪರಲೋಕತ್‌ನ ನೋಟುವಂಜಿ ಪ್ರಾರ್ಥನೆ ಮಾಡ್‌ವಕ್ ಸುರು ಮಾಡ್‍ಚಿ. ಅಪ್ಪಾ! ಸಮಯ ಬಂದ್‌ರ್‌ತ್, ನೀಡ ಮೋಂವೊಂಗ್ ಮಹಿಮೆ ಬಪ್ಪನೆಕೆ ಮಾಡ್, ಅಕ್ಕ ನೀಡ ಮೋಂವೊ ನೀಕ್ ಮಹಿಮೆ ಬಪ್ಪನೆಕೆ ಮಾಡ್‌ವ.

ಯೋಹಾನ 17:5

ಇಕ್ಕ, ಅಪ್ಪಾ! ಈ ಲೋಕ ಸೃಷ್ಟಿ ಆಪಕ್ ಮಿಂಞಲೇ ನಾಕ್ ನೀಡ ಪಕ್ಕ ಇಂಜ ಮಹಿಮೇರಗುಂಡ್ ಇಕ್ಕ ನೀನ್ ನೀಡಲ್ಲಿ ನಾಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್.

ಯೋಹಾನ 20:22

ಅಯಿಂಗಡ ಮೇಲೆ ಊದಿತ್: ಪವಿತ್ರಾತ್ಮ ನಿಂಗಕ್ ಕ್‍ಟ್ಟಡ್,

ಯೋಹಾನ 6:14

ಯೇಸು ಮಾಡ್‍ನ ಈ ಅದ್ಬುತ ಕಾರ್ಯತ್‍ನ ಕಂಡ ಜನ ನೇರಾಯಿತು ಇಂವೊ ಈ ಲೋಕಕ್ ಬಪ್ಪಕಿಂಜ ಪ್ರವಾದೀಂದ್ ಎಣ್ಣ್‌ಚಿ.

ಯೋಹಾನ 7:12

ಯೇಸುರ ವಿಷಯತ್‍ಲ್ ಜನಾಂಗ ಗೊಣಗಿಯಂಡ್ ಇಂಜತ್. ಚೆನ್ನ ಜನ: ಅಂವೊ ನಲ್ಲಂವೋಂದ್ ಎಣ್ಣ್‌ಚಿ; ಚೆನ್ನ ಜನ: ಅನ್ನನೆ ಅಲ್ಲ, ಅಂವೊ ಜನಳ ಮೋಸಮಾಡಿಯಂಡುಂಡ್‍ೕಂದ್ ಎಣ್ಣಿಯಂಡಿಂಜತ್.

ಯೋಹಾನ 8:54

ಯೇಸು ಅಯಿಂಗಕ್: ನನ್ನ ನಾನೇ ಮಹಿಮೆ ಪಡ್‍ತ್‍ಚೇಂಗಿ, ಆ ಮಹಿಮೇಕ್ ಒರ್ ಮರ್ಯಾದೆಯು ಇಪ್ಪ್‌ಲೆ. ನಿಂಗ ನಿಂಗಡ ದೇವಾಂದ್ ಎಣ್ಣುವ ನಾಡ ಅಪ್ಪನೇ ನಾಕ್ ಮಹಿಮೆ ತಪ್ಪ.

ಅಪೊಸ್ತಲ 19:2

ಪೌಲ ಅಯಿಂಗಳ ನೋಟಿತ್: ನಿಂಗ ಯೇಸುನ ನಂಬ್‌ವಕ ಪವಿತ್ರಾತ್ಮನ ಪಡ್ಂದಿರಾಂದ್ ಕ್‍ೕಟತ್. ಅದ್ಂಗ್ ಅಯಿಂಗ: ಇಲ್ಲೆ, ನಂಗ ಪಡ್ಂದಿತ್‌ಲ್ಲೆ. ಅನ್ನನೆ ಪವಿತ್ರಾತ್ಮ ಉಂಡ್‍ೕಂದ್ ಸಹ ನಂಗ ಕ್‍ೕಟಿತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 2:17

ಕಡೆ ಕಾಲತ್‍ಲ್ ನಾನ್ ಎಲ್ಲಾ ಮನುಷ್ಯಂಗಡ ಮೇಲೆ ನಾಡ ಆತ್ಮತ್‌ನ ಬೂಕುವಿ. ಅಕ್ಕ ನಿಂಗಡ ಮೋನಿಯಂಗ, ಮೋಳಿಯ ಪ್ರವಾದನೆ ಎಣ್ಣುವ. ನಿಂಗಡ ಬಾಲೆಕಾರ ಮಕ್ಕ ದರ್ಶನ ಕಾಂಬ. ನಿಂಗಡ ಪೆರಿಯಯಿಂಗ ಸ್ವಪ್ನ ಕಾಂಬ.

ಅಪೊಸ್ತಲ 2:33

ಅಂವೊನ ದೇವ ತಾಂಡ ಬಲ್‌ತೆ ಬರಿಲ್ ಅಳ್‍ಪ್‍ಚಿಟ್ಟಿತ್, ದೇವ ವಾಗ್ದಾನ ಮಾಡ್‍ನನೆಕೆ ಪವಿತ್ರಾತ್ಮನ ಅಯಿಪಕ್ ಅದಿಕಾರ ಕೊಡ್‍ತತ್. ನಿಂಗ ಇಕ್ಕ ನೋಟಿಯಂಡ್, ಕ್‍ೕಟಂಡ್ ಉಳ್ಳನೆಕೆ, ಅಂವೊ ನಂಗಡ ಮೇಲೆ ಪವಿತ್ರಾತ್ಮತ್‍ನ ಬೂಕಿತುಂಡ್.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ಅಪೊಸ್ತಲ 2:4

ಅಕ್ಕ ಅಯಿಂಗೆಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ಆ ಆತ್ಮ ಒಬ್ಬೊಬ್ಬಂಗ್ ಶಕ್ತಿ ಕೊಡ್‍ತನೆಕೆ ಅಯಿಂಗಕ್ ಗೊತ್ತಿಲ್ಲತ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 3:13

ನಂಗಡ ಅಜ್ಜಂಗಳಾನ ಅಬ್ರಹಾಮ, ಇಸಾಕ ಪಿಂಞ ಯಾಕೋಬಂಡ ದೇವ, ತಾಂಡ ಸೇವಕನಾನ ಯೇಸುನ ಮಹಿಮೆಪಡ್‍ತಿತುಂಡ್. ನಿಂಗ ಅಂವೊನ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟಿರ; ಪಿಲಾತ ಅಂವೊನ ಬುಡ್‍ತಂಡೂಂದ್ ಎಣ್ಣ್‌ಚೇಂಗಿಯು, ನಿಂಗ, ಅಂವೊನ ಅನ್ನನೆ ಮಾಡ್‍ವದ್ ಬೋಂಡಾಂದ್ ಎಣ್ಣಿರ.

ಅಪೊಸ್ತಲ 4:31

ಇನ್ನನೆ ಅಯಿಂಗ ಪ್ರಾರ್ಥನೆ ಮಾಡ್‌ವಕ, ಅಯಿಂಗ ಕೂಡಿತ್ಂಜ ಜಾಗ ಅಲ್ಲಾಡ್‌ಚಿ. ಅಯಿಂಗ ಎಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ದೇವಡ ವಾಕ್ಯತ್‍ನ ದೈರ್ಯತ್‍ಲ್ ಎಣ್ಣ್‌ಚಿ.

ರೋಮ್ 8:9

ದೇವಡ ಆತ್ಮ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗ ಪಾಪತ್‍ರ ಗುಣ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪುಲೆ, ದೇವಡ ಆತ್ಮ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪಿರ; ಕ್ರಿಸ್ತಂಡ ಆತ್ಮ ಇಲ್ಲತಂವೊ ಕ್ರಿಸ್ತಂಗ್ ಕೂಡ್‍ನಂವೊ ಅಲ್ಲ.

2 ಕೊರಿಂಥ 3:8

ಕಾಂಗತೆ ಆಯಿಪೋಪ ಮಹಿಮೇರ ಸೇವೆ ಅಚ್ಚಕ್ ಮಹಿಮೆ ಉಳ್ಳದಾಯಿತ್ಂಜತೇಂಗಿ, ಪವಿತ್ರಾತ್ಮತ್‍ರ ಸೇವ ಇಂಞು ಎಚ್ಚಕ್ ಮಹಿಮೆ ದುಂಬ್‍ನದಾಯಿತ್‌ಪ್ಪ?

ಎಫೆಸ 4:30

ವಿಮೋಚನ ಕ್‍ಟ್ಟ್‌ವ ನಾಳ್‍ಕಾಯಿತ್, ನಿಂಗಕ್ ಮುದ್ರೆ ಇಟ್ಟಿತ್ತುಳ್ಳ ದೇವಡ ಪವಿತ್ರಾತ್ಮನ ದುಃಖಪಡ್‌ತತಿ.