ಯೋಹಾನ 7:36 - ಕೊಡವ ಬೈಬಲ್

³⁶ ನಿಂಗ ನನ್ನ ತ್‍ೕಡ್‌ವಿರ, ಆಚೇಂಗಿ ನನ್ನ ಕಾಂಬ್‍ಲೆ, ನಾನ್ ಇಪ್ಪ ಜಾಗಕು ನಿಂಗ ಬಪ್ಪಕ್ ಕಯ್ಯುಲೇಂದ್ ಇಂವೊ ಎಣ್ಣ್‌ನ ಇದ್ಂಡ ಅರ್ಥ ಎಂತ್‍ೕಂದ್ ಅಯಿಂಗಯಿಂಗಳೇ ಎಣ್ಣಿಯಂಡಿಂಜತ್.

ಯೋಹಾನ 7:36 ပူးပေါင်းရင်းမြစ်များ

ಯೋಹಾನ 12:34

ಅಕ್ಕ ಅಲ್ಲಿ ಇಂಜ ಜನಡ ಗುಂಪ್: ಕ್ರಿಸ್ತ ಎಕ್ಕಾಲು ಬದ್‍ಕಿಯಂಡ್ ಇಪ್ಪಾಂದ್ ನಂಗಡ ನ್ಯಾಯಪ್ರಮಾಣ ನಂಗಕ್ ಎಣ್ಣುವ. ಅನ್ನನೆ ಇಪ್ಪಕ, ಮನುಷ್ಯಕುಮಾರನ ಕೊಡಿಕ್ ನೇತುವಾಂದ್ ನಿಂಗ ಎನ್ನನೆ ಎಣ್ಣುವಿರ? ಅಕ್ಕ, ದಾರ್ ಈ ಮನುಷ್ಯಕುಮಾರಾಂದ್ ಕ್‍ೕಟತ್.

ಯೋಹಾನ 13:33

ನಾಡ ಚೆರಿಯ ಮಕ್ಕಳೇ, ನಾನ್ ನಿಂಗಡ ಕೂಡೆ ಚೆನ್ನಂಗೇ ಸಮಯ ಇಪ್ಪಿ; ನನ್ನ ನಿಂಗ ತ್‍ೕಡ್‌ವಿರ. ನಾನ್ ಪೋಪ ಜಾಗಕ್ ನಿಂಗಕ್ ಬಪ್ಪಕ್ ಕಯ್ಯುಲೇಂದ್ ನಾನ್ ಯೆಹೂದ್ಯಂಗಕ್ ಎಣ್ಣ್‌ನನೆಕೆ, ಇಕ್ಕ ನಾನ್ ನಿಂಗಕ್ ಸಹ ಎಣ್ಣ್‌ವಿ.

ಯೋಹಾನ 3:4

ಅದ್ಂಗ್ ನಿಕೊದೇಮ: ವಯಸ್ಸಾನ ಒರ್ ಮನುಷ್ಯ ಎನ್ನನೆ ಪುನಃ ಪುಟ್ಟ್‌ವಕ್ ಕಯ್ಯು? ಅಂವೊ ಎನ್ನನೆ ಅಂವೊಂಡ ಅವ್ವಂಡ ಕೆಲತ್‍ರ ಒಳ್‍ಕ್ ಪೋಯಿತ್ ದಂಡನೆ ಕುರಿ ಪುಟ್ಟ್‌ವಕ್ ಕಯ್ಯೂಂದ್ ಕ್‍ೕಟತ್.

ಯೋಹಾನ 3:9

ಅದ್ಂಗ್ ನಿಕೊದೇಮ: ಇದ್ ಎನ್ನನೆ ಆಪಾಂದ್ ಕ್‍ೕಟತ್.

ಯೋಹಾನ 6:41

ನಾನ್ ಪರಲೋಕತ್ಂಜ ಬಂದ ಒಟ್ಟೀಂದ್ ಯೇಸು ಎಣ್ಣ್‌ನದ್‍ನ ಕ್‍ೕಟಿತ್ ಯೆಹೂದ್ಯಂಗ ಗೊಣಗ್‍ವಕ್ ಸುರು ಮಾಡ್‍ಚಿ.

ಯೋಹಾನ 6:52

ಅಕ್ಕ ಯೆಹೂದ್ಯಂಗ: ಇಂವೊ ತಾಂಡ ತಡೀನ ನಂಗಕ್ ಎನ್ನನೆ ತಿಂಬಕ್ ತಪ್ಪಕ್ ಕಯ್ಯೂಂದ್ ಅಯಿಂಗಯಿಂಗಳೇ ತರ್ಕ ಮಾಡ್‍ಚಿ.

ಯೋಹಾನ 6:60

ಅಂವೊಂಡ ಶಿಷ್ಯಂಗಡಲ್ಲಿ ದುಂಬ ಜನ ಈ ಬೋದನೆನ ಕ್‍ೕಟಿತ್: ಈ ಬೋದನೆ ದುಂಬ ಕಠಿಣವಾಯಿತುಂಡ್, ದಾರ್ ಇದ್‍ನ ಸ್ವೀಕಾರ ಮಾಡ್‌ವಾಂದ್ ಎಣ್ಣ್‌ಚಿ.

ಯೋಹಾನ 7:34

ನಿಂಗ ನನ್ನ ತ್‍ೕಡ್‌ವಿರ, ಆಚೇಂಗಿ ನನ್ನ ಕಾಂಬ್‍ಲೆ, ನಾನ್ ಇಪ್ಪ ಜಾಗಕ್ ನಿಂಗ ಬಪ್ಪಕ್ ಕಯ್ಯುಲೇಂದ್ ಎಣ್ಣ್‌ಚಿ.

ಯೋಹಾನ 8:21

ಯೇಸು ಇಂಞು ಅಯಿಂಗಳ ನೋಟಿತ್: ನಾನ್ ಪೋಪಿ, ನಿಂಗ ನನ್ನ ತ್‍ೕಡ್‌ವಿರ. ಆಚೇಂಗಿ ನಾನ್ ಪೋಪ ಜಾಗಕ್ ನಿಂಗ ಬಪ್ಪಕ್ ಕಯ್ಯುಲೆ; ನಿಂಗ ನಿಂಗಡ ಪಾಪತ್‍ಲ್ ಚತ್ತ್ ಪೋಪಿರಾಂದ್ ಎಣ್ಣ್‌ಚಿ.

1 ಕೊರಿಂಥ 2:14

ದೇವಡ ಆತ್ಮ ಇಲ್ಲತ ಮನುಷ್ಯ, ದೇವಡ ಆತ್ಮತ್‍ರ ವಿಷಯತ್‍ನ ಸ್ವೀಕಾರ ಮಾಡುಲೆ. ದೇವಡ ವಿಷಯವೆಲ್ಲ ಅಂವೊಂಗ್ ಪುಚ್ಚಿ ತಕ್ಕ್‌ರನೆಕೆ ಇಪ್ಪ. ಅಂವೊಂಗ್ ಅದ್‍ನ ಅರ್ಥ ಮಾಡ್‌ವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ ಆತ್ಮೀಯವಾಯಿತ್ ಉಳ್ಳಯಿಂಗಕ್ ಮಾತ್ರ ಪವಿತ್ರಾತ್ಮ ಎಣ್ಣ್‌ವದ್ ಅರ್ಥ ಆಪ.