ಯೋಹಾನ 7:24 - ಕೊಡವ ಬೈಬಲ್

²⁴ ಪೊರಮೆ ಉಳ್ಳದ್‍ನ ಕಂಡಿತ್ ನ್ಯಾಯತೀರ್ಪ್ ಮಾಡತಿ. ನೀತಿಯಾಯಿತ್ ನ್ಯಾಯತೀರ್ಪ್ ಮಾಡೀಂದ್ ಎಣ್ಣ್‌ಚಿ.

ಯೋಹಾನ 7:24 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 17:15

ಅಪರಾದಿನ ಕುತ್ತಯಿಲ್ಲತಂವೊಂದ್‌ ಎಣ್ಣುವಂವೊನ ಪಿಂಞ ನೀತಿವಂತಂವೊನ ಅಪರಾದೀಂದ್‌ ಎಣ್ಣುವ ದಂಡಾಳ್‌ನೂ ಯೆಹೋವಂಗ್‌ ಅಸಹ್ಯವಾನಯಿಂಗ.

ಜ್ಞಾನತ್‌ರ ಪಡಿಮ 24:23

ಇಂಞು ಚೆನ್ನ ಜ್ಞಾನವುಳ್ಳಂವೊಂಡ ತಕ್ಕ್: ನ್ಯಾಯತೀರ್‌ಪ್‌ ಕೊಡ್‌ಪಕ ಪಕ್ಷಪಾತ ನಲ್ಲದಿಲ್ಲೆ.

ಯೋಹಾನ 7:25

ಅಕ್ಕ ಯೆರೂಸಲೇಮ್ ಪಟ್ಟಣತ್‍ರ ಚೆನ್ನ ಜನ: ಇಂವೊನತಾನೇ ಅಯಿಂಗ ಕೊಲ್ಲ್‌ವಕ್ ನೋಟಿಯಂಡ್ ಉಂಡ್?

ಯೋಹಾನ 8:15

ನಿಂಗ ಮನುಷ್ಯಂಗಡ ಜ್ಞಾನಕ್ ತಕ್ಕಂತ ತೀರ್ಪ್ ಮಾಡ್‌ವಿರ, ಆಚೇಂಗಿ ನಾನ್ ದಾರ್‌ನು ತೀರ್ಪ್ ಮಾಡುಲೆ.

2 ಕೊರಿಂಥ 10:7

ನಿಂಗ ಪೊರಮೆ ಕಾಂಬ ಕೋಲತ್‍ನ ಮಾತ್ರ ನೋಟಿಯಂಡುಳ್ಳಿರ? ಒಬ್ಬ ತಾನ್ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಳ್ಳ್‌ಂದ್ ನಂಬಿಯಂಡಿಂಜತೇಂಗಿ, ಅಂವೊ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಪ್ಪನೆಕೆ, ನಂಗಳು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಅಂವೊ ಅಂವೊಂಡಲ್ಲಿ ಗೇನಮಾಡಡ್.

ಯಾಕೋಬ 2:1

ನಾಡ ಅಣ್ಣತಮ್ಮಣಂಗಳೇ, ಮಹಿಮೇರ ಒಡೆಯ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ನಿಂಗ, ಮನುಷ್ಯಂಗಡ ಪೊರಪಾಡ್‌ನ ನೋಟಿತ್ ಮರ್ಯಾದೆ ಮಾಡತಿ.

ಯಾಕೋಬ 2:4

ನಿಂಗ ಇನ್ನನೆ ಮಾಡ್‍ಚೇಂಗಿ ನಿಂಗ ನಿಂಗಡೊಳ್‌ಲ್ ಪಕ್ಷಪಾತ ಮಾಡಿತ್, ಕೆಟ್ಟ ಬುದ್ದಿಲ್ ತೀರ್ಪ್ ಮಾಡ್‌ವಯಿಂಗಳಾಯಿತ್‌ಪ್ಪಿರಲ್ಲ?

ಯಾಕೋಬ 2:9

ಆಚೇಂಗಿ ನಿಂಗ ಮನುಷ್ಯಂಗಡ ಪೊರಪಾಡ್‌ನ ನೋಟಿತ್ ಅದ್ಂಡ ಪ್ರಕಾರ ಮರ್ಯಾದೆ ಮಾಡ್‍ಚೇಂಗಿ, ನಿಂಗ ಪಾಪ ಮಾಡಿತ್, ನ್ಯಾಯಪ್ರಮಾಣಕ್ ವಿರೋದವಾಯಿತ್ ಮಾಡ್‌ನಯಿಂಗಾಂದ್ ತೀರ್ಪ್ ಆಪಿರ.