ಯೋಹಾನ 7:19 - ಕೊಡವ ಬೈಬಲ್

¹⁹ ಮೋಶೆ ನಿಂಗಕ್ ನ್ಯಾಯಪ್ರಮಾಣತ್‍ನ ತಂದಿತ್‌ಲ್ಲೆಯಾ? ಆಚೇಂಗಿಯು, ದಾರೂ ಅಂವೊಂಡ ನ್ಯಾಯಪ್ರಮಾಣ ಎಣ್ಣುವನೆಕೆ ಮಾಡುಲೆ; ಪಿಂಞ, ನಿಂಗ ಎನ್ನಂಗಾಯಿತ್ ನನ್ನ ಕೊಲ್ಲ್‌ವಕ್ ಪೇಚಾಡ್‌ವಿರಾಂದ್ ಕ್‍ೕಟತ್.

ಯೋಹಾನ 7:19 ပူးပေါင်းရင်းမြစ်များ

ಮತ್ತಾಯ 12:14

ಅಕ್ಕ ಫರಿಸಾಯಂಗ ಕೂಡಿತ್ ಪೊರಮೆ ಪೋಯಿತ್ ಯೇಸುನ ಎನ್ನನೆ ಕೊಲ್ಲಂಡೂಂದ್ ತಕ್ಕ್‌ಪರಿವಕ್ ಸುರ್ ಮಾಡ್‍ಚಿ.

ಮತ್ತಾಯ 21:38

ಆಚೇಂಗಿ, ವಾರಕಾರಂಗ ಎಜಮಾನಂಡ ಮೋಂವೊ ಬಪ್ಪದ್‍ನ ಕಂಡದು, ತೋಟತ್‍ರ ಹಕ್ಕ್‌ದಾರ ಆಪಕುಳ್ಳ ನಂಗಡ ಎಜಮಾನಂಡ ಮೋಂವೊ ಇಂವೊನೇ, ಬಾರಿ, ನಂಗ ಅಂವೊನ ಕೊಲೆ ಮಾಡನ. ಅಕ್ಕ ಈ ಸೊತ್ತ್ ನಂಗಡದಾಪಾಂದ್ ಎಣ್ಣ್‌ಚಿ.

ಮಾರ್ಕ 11:18

ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಯೇಸು ತಕ್ಕ್ ಪರಿವಾನ ಕ್‍ೕಟತ್. ಅಂದಕ ಅಯಿಂಗ ಎಂತಾಚೇಂಗಿಯು ಮಾಡಿತ್ ಯೇಸುನ ಕೊಲ್ಲುವಕ್ ನೋಟಿಯಂಡ್ ಇಂಜತ್. ಆಚೇಂಗಿ ಜನಕೆಲ್ಲಾ ಯೇಸುರ ಬೋದನೆ ಕ್‍ೕಟಿತ್ ದುಂಬ ಆಶ್ಚರ್ಯ ಆನಗುಂಡ್ ಅಯಿಂಗ ಯೇಸುನ ಕಂಡಿತ್ ಬೊತ್ತ್‌ವಯಿಂಜತ್.

ಮಾರ್ಕ 3:4

ನಿಂಗಡ ಕಾನೂನ್ ಪ್ರಕಾರ ಸಬ್ಬತ್ ದಿವಸತ್‍ಲ್ ಏದ್ ಮಾಡ್‍ವದ್ ನ್ಯಾಯ? ನಲ್ಲದ್ ಮಾಡ್‌ವದಾ ಅಥವ ಕೆಟ್ಟದ್ ಮಾಡ್‌ವದಾ? ಮನುಷ್ಯಂಡ ಜೀವತ್‍ನ ಕಾಪಾಡ್‌ವದಾ ಅಥವ ಅಂವೊನ ಪಾಳ್ ಮಾಡ್‌ವದಾಂದ್ ಅಲ್ಲಿ ಉಳ್ಳ ಜನಳ ಕ್‍ೕಟತ್. ಅಲ್ಲಿ ಉಳ್ಳ ಜನ ಒರ್ ತಕ್ಕು ಪರ್‍ಂದ್‍ತ್ತ್‌ಲ್ಲೆ.

ಮಾರ್ಕ 3:6

ಅಕ್ಕ ಫರಿಸಾಯಂಗ ಅಲ್ಲಿಂಜ ಪೋಯಿತ್ ಹೆರೋದ ರಾಜಂಡ ಪಕ್ಷಕಾರಂಗಳ ಕಂಡತ್. ಅಯಿಂಗ ಯೇಸುನ ಕೊಲ್ಲ್‌ವಕ್ ಉಪಾಯ ಮಾಡ್‍ಚಿ.

ಯೋಹಾನ 1:17

ಮೋಶೇರ ಮೂಲಕ ನ್ಯಾಯಪ್ರಮಾಣ ಕ್‍ಟ್ಟ್‌ಚಿ; ಕೃಪೆಯು, ಸತ್ಯವು ಯೇಸು ಕ್ರಿಸ್ತಂಡ ಮೂಲಕ ಕ್‍ಟ್ಟ್‌ಚಿ.

ಯೋಹಾನ 10:39

ಇನ್ನನೆ ಯೇಸು ಎಣ್ಣ್‌ನಗುಂಡ್, ಅಯಿಂಗ ಯೇಸುನ ಪುನಃ ಪುಡಿಪಕ್ ನೋಟ್‌ಚಿ, ಆಚೇಂಗಿ, ಅಯಿಂಗಡ ಕೈಯಿಂಜ ಯೇಸು ತಪ್ಪ್‌ಚಿಟ್ಟಂಡತ್.

ಯೋಹಾನ 11:53

ಆ ದಿವಸತ್ಂಜ ಅಯಿಂಗ ಯೇಸುನ ಕೊಲ್ಲ್‌ವಕ್ ಆಲೋಚನೆ ಮಾಡಿಯಂಡ್ ಇಂಜತ್.

ಯೋಹಾನ 5:16

ಯೇಸು ಸಬ್ಬತ್ ದಿವಸತ್‍ಲ್ ಇನ್ನನೆ ಮಾಡ್‍ನಗುಂಡ್, ಅಂವೊನ ಹಿಂಸೆಪಡ್‍ತ್‌ವಕ್ ಸುರು ಮಾಡಿತ್, ಅಂವೊನ ಕೊಲ್ಲಂಡೂಂದ್ ಯೆಹೂದ್ಯ ಅದಿಕಾರಿಯಂಗ ನೋಟಿಯಂಡಿಂಜತ್.

ಯೋಹಾನ 5:18

ಯೇಸು ಸಬ್ಬತ್ ದಿವಸತ್‍ಲ್ ಮಾಡ್‌ವಕಯ್ಯತದ್‍ನ ಮಾಡ್‍ನದ್ ಅಲ್ಲತೆ, ದೇವನ ತಾಂಡ ಸ್ವಂತ ಅಪ್ಪಾಂದ್ ಕಾಕಿತ್, ಅಂವೊನ ದೇವಕ್ ಸಮವಾಯಿತ್ ಮಾಡ್‍ನಗುಂಡ್, ಯೆಹೂದ್ಯ ಅದಿಕಾರಿಯಂಗ ಅಂವೊನ ಕೊಲ್ಲಂಡೂಂದ್ ಇಂಞು ದುಂಬ ಆಲೋಚನೆ ಮಾಡಿಯಂಡಿಂಜತ್.

ಯೋಹಾನ 5:45

ಅಪ್ಪನಾನ ದೇವಡ ಮಿಂಞತ್‍ಲ್ ನಿಂಗಡ ವಿಷಯತ್ ನಾನ್ ಕುತ್ತ ಪರಿಯುವೀಂದ್ ಗೇನ ಮಾಡತಿ; ನಿಂಗ ನಂಬುವ ಮೋಶೆನೇ ನಿಂಗಡ ಮೇಲೆ ಕುತ್ತ ಪರಿಯುವ.

ಯೋಹಾನ 7:1

ಇದೆಲ್ಲಾ ಆನ ಪಿಂಞ, ಯೆಹೂದ್ಯಂಗ ಯೇಸುನ ಕೊಲ್ಲ್‌ವಕ್ ಬಟ್ಟೆ ನೋಟಿಯಂಡ್ ಇಂಜಗುಂಡ್, ಅಂವೊ ಯೆಹೂದ್ಯ ಪ್ರಾಂತ್ಯತ್‍ಲ್ ಇಕ್ಕತೆ ಗಲಿಲಾಯ ಪ್ರಾಂತ್ಯಾತ್‍ಲ್ ಒಳಿಂಜತ್.

ಯೋಹಾನ 7:25

ಅಕ್ಕ ಯೆರೂಸಲೇಮ್ ಪಟ್ಟಣತ್‍ರ ಚೆನ್ನ ಜನ: ಇಂವೊನತಾನೇ ಅಯಿಂಗ ಕೊಲ್ಲ್‌ವಕ್ ನೋಟಿಯಂಡ್ ಉಂಡ್?

ಅಪೊಸ್ತಲ 7:38

ಸೀನಾಯಿ ಕುಂದ್‍ಲ್ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತಂಡ ಕೂಡೆ, ಮಣಬೂಮಿಲ್ ನಂಗಡ ಮುತ್ತಜ್ಜಂಗಡ ಕೂಡೆ ಸಬೇಲ್ ಇಂಜಂವೊನು, ಜೀವತ್‍ರ ತಕ್ಕ್‌ನ ನಂಗಡ ಪಕ್ಕ ಕೊಡ್‍ಪಕ್ ಅದ್‍ನ ಪಡ್ಂದಂವೊನು ಇಂವೊನೇ.

ಗಲಾತ್ಯ 3:19

ಅಕ್ಕ, ನ್ಯಾಯಪ್ರಮಾಣತ್‍ರ ಅರ್ಥ ಎಂತ? ಇದ್ ಜನಡ ಪಾಪತ್‍ನ ಕಾಟಿ ಕೊಡ್‍ಪಕಾಯಿತ್ ತಾತ್. ದಾಡ ವಿಷಯತ್ ವಾಗ್ದಾನ ಮಾಡ್‍ಚೋ ಆ ಮೋಂವೊ ಬಪ್ಪಕತ್ತನೆ ನ್ಯಾಯಪ್ರಮಾಣಕ್ ಶಕ್ತಿಯಿಂಜತ್. ದೇವದೂತಂಗ, ಮದ್ಯಸ್ತನಾನ ಮೋಶೇರ ಕೈಯಿಲ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್, ಅಂವೊ ಅದ್‍ನ ಅಂವೊಂಡ ಸಂತಾನಕಾರಂಗಕ್ ಕೊಡ್‍ತತ್.

ಗಲಾತ್ಯ 6:13

ಸುನ್ನತಿ ಮಾಡಂಡೂಂದ್ ಎಣ್ಣುವ ಅಯಿಂಗ ಸಹ ನ್ಯಾಯಪ್ರಮಾಣ ಎಣ್ಣ್‌ವನೆಕೆ ಮಾಡುಲೆ; ಅಯಿಂಗ ಅನ್ನನೆ ಇಂಜತೇಂಗಿಯು, ನಿಂಗ ಸುನ್ನತಿ ಮಾಡಂಡೂಂದ್ ಅಯಿಂಗ ನಿಂಗಡ ವಿಷಯತ್‍ಲ್ ಆಸೆ ಪಡುವ. ಅಕ್ಕ ನಿಂಗ ಅಯಿಂಗಡ ಬೋದನೆಲ್ ನಡ್‌ಪಯಿಂಗಾಂದ್ ಕುಶೀಲ್ ಎಣ್ಣುವಕ್ ಅಯಿಂಗಕ್ ಕಯ್ಯು.