ಯೋಹಾನ 7:15 - ಕೊಡವ ಬೈಬಲ್

¹⁵ ಯೇಸು ಬೋದನೆ ಮಾಡ್‌ವಾನ ಕ್‍ೕಟಿತ್, ಇಂವೊ ಪಡಿಚಿತ್‌ಲ್ಲೆ, ಆಚೇಂಗಿಯು, ದೇವಡ ವಾಕ್ಯತ್‍ನ ಇಚ್ಚಕ್ ಚಾಯಿತೆ ಎನ್ನನೆ ಬೋದನೆ ಮಾಡ್‌ವಾಂದ್ ಯೆಹೂದ್ಯಂಗಡ ಅದಿಕಾರಿಯಂಗ ದುಂಬ ಆಶ್ಚರ್ಯತ್‍ಲ್ ಕ್‍ೕಟತ್.

ಯೋಹಾನ 7:15 ပူးပေါင်းရင်းမြစ်များ

ಮತ್ತಾಯ 13:54

ಅಂವೊ ತಾಂಡ ಸ್ವಂತ ಊರ್‌ಕ್ ಬಂದಿತ್, ಅಯಿಂಗಡ ಸಬಾಮಂದಿರತ್‍ಲ್ ಎಲ್ಲಾರ್‌ಕು ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ. ಇದ್‍ನ ಕ್‍ೕಟಿತ್ ಅಯಿಂಗಕೆಲ್ಲ ಆಶ್ಚರ್ಯ ಆಯಿತ್, ಇಂವೊಂಗ್ ಎಲ್ಲಿಂಜ ಈ ತರ ಜ್ಞಾನವು, ಅದ್ಬುತ ಕಾರ್ಯ ಮಾಡ್‌ವಕ್ ಶಕ್ತಿಯು ಕ್‌ಟ್ಟಿಚೀಂದ್ ತಕ್ಕ್ ಪರ್ಂದತ್.

ಮತ್ತಾಯ 22:22

ಅಂವೊ ಕೊಡ್‍ತ ಉತ್ತರತ್‍ನ ಕ್‍ೕಪಕ ಅಯಿಂಗಕೆಲ್ಲ ದುಂಬ ಆಶ್ಚರ್ಯ ಆಯಿತ್, ಅಂವೊನ ಬುಟ್ಟಿತ್ ಪೋಚಿ.

ಮತ್ತಾಯ 22:33

ಜನಡ ಗುಂಪ್‌ಕ್ ಈ ಬೋದನೇನೆಲ್ಲಾ ಕ್‍ೕಪಕ, ಅಯಿಂಗಕ್ ದುಂಬ ಆಶ್ಚರ್ಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:47

ಅಂವೊಂಡ ತಕ್ಕ್ ಕ್‍ೕಟ ಎಲ್ಲಾರ್‌ಕು ಅಂವೊಂಡ ಬುದ್ದಿನ ಪಿಂಞ ಅಂವೊ ಎಣ್ಣ್‌ನ ಉತ್ತರತ್‍ನ ಕ್‍ೕಟಿತ್ ಆಶ್ಚರ್ಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:22

ಅಲ್ಲಿ ಉಳ್ಳ ಜನಯೆಲ್ಲ ಅಂವೊಂಗ್ ನಲ್ಲ ಪೆದ ಕೊಡ್‌ತಿತ್, ಅಂವೊಂಡ ಕರುಣೆಯುಳ್ಳ ತಕ್ಕ್‌ನ ಕ್‍ೕಟಿತ್ ಆಶ್ಚರ್ಯ ಆಯಿತ್: ಇಂವೊ ಯೋಸೇಫಂಡ ಮೋಂವೊನಲ್ಲಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಯೋಹಾನ 1:19

ಯೆರೂಸಲೇಮ್ ಪಟ್ಟಣತ್ಂಜ ಯೆಹೂದ್ಯಂಗಡ ಅದಿಕಾರಿಯಂಗ, ಚೆನ್ನ ಯಾಜಕಂಗಳ ಪಿಂಞ ಲೇವಿಯ ಜನಳ ಯೋಹಾನಂಡ ಪಕ್ಕ ಅಯಿಚಿತ್, ನೀನ್ ದಾರ್‍ೕಂದ್ ಕ್‍ೕಪಕ,

ಯೋಹಾನ 7:11

ಯೆಹೂದ್ಯ ಅದಿಕಾರಿಯಂಗ ಯೇಸುನ ತ್‍ೕಡಿಯಂಡ್, ಅಂವೊ ಎಲ್ಲಿ ಉಂಡ್‍ೕಂದ್ ಜನಳ ಕ್‍ೕಟತ್.

ಯೋಹಾನ 7:13

ಆಚೇಂಗಿಯು, ಅಯಿಂಗಕ್ ಯೆಹೂದ್ಯಂಗಡ ಅದಿಕಾರಿಯಂಗಡ ಮೇಲೆ ಪೋಡಿ ಇಂಜಗುಂಡ್, ದಾರೂ ಅಂವೊಂಡ ವಿಷಯತ್‍ನ ದೈರ್ಯವಾಯಿತ್ ಎಣ್ಣ್‌ವಕಿಂಜಿಲೆ.

ಯೋಹಾನ 7:46

ಅದ್ಂಗ್ ಸಿಪಾಯಿಯಂಗ: ಆ ಮನುಷ್ಯ ತಕ್ಕ್ ಪರಿಯುವನೆಕೆ ದಾರೂ ಇಲ್ಲಿಕತ್ತನೆ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 26:24

ಇನ್ನನೆ ಪೌಲ ಅಂವೊಂಗಾಯಿತ್ ವಾದಮಾಡಿಯಂಡಿಪ್ಪಕಲೆ, ಫೆಸ್ತ ಬಲ್ಯ ಸ್ವರತ್‍ಲ್: ಪೌಲನೇ, ನೀಕ್ ಪುಚ್ಚ್ ಪುಡ್‌ಚಿರ್‌ತ್. ನೀನ್ ದುಂಬ ಓದಿತುಳ್ಳಿಯ, ಅದೇ ನಿನ್ನ ಪುಚ್ಚ್ ಪುಡ್‌ಚನೆಕೆ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 4:13

ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.