ಯೋಹಾನ 7:14 - ಕೊಡವ ಬೈಬಲ್

¹⁴ ನಮ್ಮೆರ ಮದ್ಯತ್‍ಲ್ ಯೇಸು ದೇವಾಲಯತ್‍ರ ಒಳ್‍ಕ್ ಪೋಪಂಜಿ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ.

ಯೋಹಾನ 7:14 ပူးပေါင်းရင်းမြစ်များ

ಮಲಾಕಿ 3:1

ಇದಾ! ನಾನ್‌ ನಾಡ ದೂತನ ಅಯಿಪಿ, ಅಂವೊ ನಾಡ ಮಿಂಞತ್‌ ಪೋಯಿತ್, ಬಟ್ಟೆನ ತಯಾರ್‌ ಮಾಡುವ. ಅಕ್ಕ ನಿಂಗ ತ್‍ೕಡಿಯಂಡುಳ್ಳ ಯೆಹೋವನು, ನಿಂಗ ಕುಶಿಪಡುವ ಒಪ್ಪಂದತ್‌ರ ದೂತನು ತಾಂಡ ದೇವಾಲಯಕ್‌ ಬೆರಿಯ ಬಪ್ಪ. ಇದಾ, ಅಂವೊ ಬಂದಂಡುಂಡ್‍ೕಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 21:12

ಯೇಸು ದೇವಾಲಯತ್‍ರ ಒಳ್‍ಕ್ ಪೋಯಿತ್, ಅಲ್ಲಿ ವ್ಯಾಪಾರ ಮಾಡಿಯಂಡಿಂಜ ಜನಳೆಲ್ಲಾ ಓಡ್‌ಚಿಟ್ಟತ್. ದುಡ್ಡ್‌ನ ಬದ್‍ಲ್ ಮಾಡಿಯಂಡಿಂಜ ಜನತ್‍ರ ಮೇಜಿನ ಪಿಂಞ ಪಾರಿವಾಳ ಪಕ್ಷಿನ ಮಾರ್‌ವಯಿಂಗಡ ಕುರ್ಚಿನ ಮುರ್‌ಚಿತ್ ಇಟ್ಟತ್.

ಮತ್ತಾಯ 26:55

ಅದೇ ಸಮಯತ್‍ಲ್ ಯೇಸು ಜನಡ ಗುಂಪ್‌ಕ್: ಕಳ್ಳನ ಪುಡಿಪಕ್ ಬಂದನೆಕೆ ಕತ್ತಿ ಪಿಂಞ ದೊಣ್ಣೆನೆಲ್ಲ ಎಡ್‌ತ ಬಂದಿತುಳ್ಳಿರಲ್ಲಾ? ನಾನ್ ದಿನಾಲು ನಿಂಗಡ ಕೂಡೆ ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಂಜ್, ಅಕ್ಕ ನಿಂಗ ಪುಡ್‌ಚಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:47

ಇದಾನ ಪಿಂಞ, ಯೇಸು ಎಕ್ಕಾಲು ದೇವಾಲಯತ್‍ಲ್ ಬೋದನೆ ಕೊಡ್‌ತಂಡ್ ಇಂಜತ್. ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಜನಡ ಪೆರಿಯಯಿಂಗ ಎಲ್ಲಾರು ಯೇಸುನ ಕೊಲ್ಲುವಕ್ ನೋಟಿಯಂಡ್ ಇಂಜತೇಂಗಿಯು,

ಯೋಹಾನ 18:20

ಯೇಸು ಅಂವೊಂಗ್: ನಾನ್ ಎಲ್ಲಾಡ ಕೂಡೆ ಒಂದು ಒಳ್‌ಪ್‌ಚಿಡತೆ ಲೋಕತ್‍ರ ಎದ್‍ಕೆ ತಕ್ಕ್ ಪರ್ಂದಿಯೆ. ಸಬಾಮಂದಿರತ್‍ಲ್ ಪಿಂಞ ಯೆಹೂದ್ಯಂಗ ಕೂಡುವ ದೇವಾಲಯತ್‍ಲ್ ಎಕ್ಕಾಲು ಬೋದನೆ ಮಾಡಿಯಂಡ್ ಇಂಜ್; ಗುಟ್ಟಾಯಿತ್ ಒಂದು ತಕ್ಕ್ ಪರ್‍ಂದ್‍ತ್‌ಲ್ಲೆ.

ಯೋಹಾನ 5:14

ಚೆನ್ನ ಸಮಯ ಕಯಿಂಜ ಪಿಂಞ, ಯೇಸು ಆ ಮನುಷ್ಯನ ದೇವಾಲಯತ್‍ಲ್ ಕಂಡತ್: ನೋಟ್, ನೀನ್ ಇಕ್ಕ ವಾಸಿ ಆಯಿತುಳ್ಳಿಯ, ಇಂಞು ನೀನ್ ಪಾಪ ಮಾಡತನೆಕೆ ಇರ್, ಇಲ್ಲತಪೋಚೇಂಗಿ ಇದ್‌ಂಗಿಂಜ ಬಲ್ಯ ಕಾಯಿಲೆ ನೀಕ್ ಬಪ್ಪಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 7:2

ಆ ಸಮಯ ಯೆಹೂದ್ಯಂಗಡ ಗುಡಾರ ನಮ್ಮೆ ಪಕ್ಕ ಬಂದಂಡಿಂಜಗುಂಡ್,

ಯೋಹಾನ 7:28

ಅನ್ನನೆ, ಯೇಸು ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಪ್ಪಕ: ನಿಂಗಕ್ ನಾನ್ ದಾರ್‍ೕಂದ್ ಗೊತ್ತುಂಡ್, ನಾನ್ ಎಲ್ಲಿಂಜ ಬಾತ್‍ೕಂದು ಗೊತ್ತುಂಡ್; ನಾನ್ ನಾಡ ಸ್ವಂತವಾಯಿತ್ ಬಂದಿತ್‌ಲ್ಲೆ, ನನ್ನ ಅಯಿಚಂವೊ ಸತ್ಯವಂತಂವೊ, ಅಂವೊನ ನಿಂಗಕ್ ಗೊತ್ತ್‌ಲ್ಲೆ.

ಯೋಹಾನ 7:37

ಆ ನಮ್ಮೆರ ಮುಕ್ಯ ದಿವಸವಾನ ಕಡೆ ದಿವಸತ್, ಯೇಸು ನಿಪ್ಪಂಜಿ ಜೋರಾಯಿತ್: ದಾರ್‌ಕ್ ಬಾಯರಿಕೆಯಾಯಿತ್ ಉಂಡೋ ಅಂವೊ ನಾಡ ಪಕ್ಕ ಬಂತ್ ಕುಡಿಕಡ್.

ಯೋಹಾನ 8:2

ಪಿತ್ಯಾಂದ್ ಪೊಲಾಕ ಯೇಸು ದೇವಾಲಯಕ್ ಪೋಚಿ. ಅಕ್ಕ ಜನಯೆಲ್ಲ ಅಂವೊಂಡ ಸುತ್ತ್‌ಲೂ ಕೂಡ್‍ಚಿ. ಯೇಸು ಅಲ್ಲಿ ಅಳ್‌ತಂಡ್ ಅಯಿಂಗಕ್ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ.

ಯೋಹಾನ 8:20

ಯೇಸು ದೇವಾಲಯತ್‍ಲ್ ಬಂಡಾರ ಇಡ್‌ವ ಪೊಟ್ಟಿ ಬೆಪ್ಪ ಜಾಗತ್‍ಲ್ ಉಪದೇಶ ಮಾಡಿಯಂಡಿಪ್ಪಕ ಇದ್‍ನೆಲ್ಲಾ ಎಣ್ಣ್‌ಚಿ. ಅಂವೊಂಡ ಸಮಯ ಇಂಞು ಬಂದಿತ್‌ಲ್ಲೆ, ಆನಗುಂಡ್ ದಾರೂ ಅಂವೊನ ಪುಡ್‌ಚಿತ್‌ಲ್ಲೆ.