ಯೋಹಾನ 6:9 - ಕೊಡವ ಬೈಬಲ್

⁹ ಇಲ್ಲಿ ಒರ್ ಕ್‍ಣ್ಣ ಉಂಡ್, ಅಂವೊಂಡ ಪಕ್ಕ ಅಂಜ್ ಒಟ್ಟಿ ಪಿಂಞ ದಂಡ್ ಮೀನ್ ಉಂಡ್, ಆಚೇಂಗಿ ಇಚ್ಚಕ್ ಜನಕ್ ಅದ್ ಮದಿ ಆಪುಲೇಂದ್ ಎಣ್ಣ್‌ಚಿ.

ಯೋಹಾನ 6:9 ပူးပေါင်းရင်းမြစ်များ

ಮತ್ತಾಯ 14:17

ಅಕ್ಕ ಅಯಿಂಗ: ನಂಗಡ ಪಕ್ಕ ಅಂಜ್ ಒಟ್ಟಿ ದಂಡ್ ಮೀನ್ ಮಾತ್ರ ಉಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 16:9

ಇಂಞು ನಿಂಗಕ್ ಗೊತ್ತ್‌ಲ್ಲೆಯಾ? ನಾಡ ಪಕ್ಕ ಇಂಜ ಅಂಜ್ ಒಟ್ಟಿನ ಅಂಜ್ ಆಯಿರ ಜನಕ್ ನಾನ್ ಕೊಡ್‌ತಿತ್‌ಲ್ಲೆಯಾ? ಅಲ್ಲಿಂಜ ಎಚ್ಚಕ್ ಕುಕ್ಕೆ ಒಟ್ಟಿ ಬಾಕಿ ಇಂಜತ್?

ಮಾರ್ಕ 6:38

ಅಕ್ಕ ಯೇಸು: ನಿಂಗಡ ಪಕ್ಕ ಎಚ್ಚಕ್ ಒಟ್ಟಿ ಉಂಡ್‍ೕಂದ್ ನೋಟಿತ್ ಬಾರೀಂದ್ ಎಣ್ಣ್‌ಚಿ. ಅಯಿಂಗ ನೋಟುವಂಜಿ ಅಂಜ್ ಒಟ್ಟಿ ದಂಡ್ ಮೀನು ಉಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 8:19

ನಾನ್ ಅಂಜ್ ಒಟ್ಟಿನ ಅಂಜ್ ಆಯಿರ ಜನಕ್ ಪೊಳ್‌ಚಿತ್ ಕೊಡ್‌ಪಕ ನಿಂಗ ಎಚ್ಚಕ್ ಕುಕ್ಕೆ ಒಟ್ಟಿ ಬಾಕಿ ಎಡ್‌ತಿರ? ಅದ್ಂಗ್: ಪನ್ನೆರಂಡ್‍ೕಂದ್ ಶಿಷ್ಯಂಗ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:13

ಅದ್ಂಗ್ ಯೇಸು: ನಿಂಗಳೇ ಅಯಿಂಗಕ್ ಉಂಬಕ್ ಕೊಡೀಂದ್ ಎಣ್ಣ್‌ಚಿ. ಅದ್ಂಗ್ ಶಿಷ್ಯಂಗ: ನಂಗಡ ಪಕ್ಕ ಅಂಜ್ ಒಟ್ಟಿ ದಂಡ್ ಮೀನು ಮಾತ್ರ ಉಂಡ್. ಈ ಜನಕೆಲ್ಲ ಉಂಬಕ್ ಕೊಡ್‍ಕಂಡೂಂದ್ ಎಣ್ಣ್‌ಚೇಂಗಿ, ನಂಗ ಪೋಯಿತ್ ಎಡ್‌ತ ಬರಡೂಂದ್ ಎಣ್ಣ್‌ಚಿ.

ಯೋಹಾನ 11:21

ಮಾರ್ಥ ಯೇಸುಕ್: ಒಡೆಯನೇ, ನೀನ್ ಇಲ್ಲಿಯೇ ಇಂಜಿತ್ಂಜತೇಂಗಿ ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ.

ಯೋಹಾನ 11:32

ಯೇಸು ಇಂಜ ಜಾಗಕ್ ಮರಿಯ ಬಪ್ಪಂಜಿ, ಅಂವೊನ ಕಾಂಬಕ, ಅಂವೊಂಡ ಕಾಲ್‌ಕ್ ಬೂವಂಜಿ, ಒಡೆಯನೇ, ನೀನ್ ಇಲ್ಲಿ ಇಂಜಿತ್ಂಜತೇಂಗಿ, ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ.

ಯೋಹಾನ 21:10

ಯೇಸು ಅಯಿಂಗಳ ನೋಟಿತ್: ನಿಂಗ ಇಕ್ಕ ಪುಡ್‌ಚ ಮೀನ್‌ನ ಕೊಂಡ್‌ಬಾರೀಂದ್ ಎಣ್ಣ್‌ಚಿ.

ಯೋಹಾನ 21:13

ಅಕ್ಕ ಯೇಸು: ಒಟ್ಟಿನ ಪಿಂಞ ಮೀನ್‌ನ ಎಡ್‍ತಿತ್ ಅಯಿಂಗಕ್ ಕೊಡ್‍ತತ್.

ಯೋಹಾನ 21:9

ಅಯಿಂಗ ಕರೆಲ್ ಇಳಿಯುವಕ, ಮಸಿಕಂಡೆರ ತಿತ್ತ್ ಇಟ್ಟಿತುಳ್ಳದ್‍ನ, ಆಂಡ ಮೇಲೆ ಮೀನ್ ಪಿಂಞ ಒಟ್ಟಿ ಇಂಜಾನ ಕಂಡತ್.

ಯೋಹಾನ 6:11

ಅಕ್ಕ, ಯೇಸು ಒಟ್ಟಿನ ಎಡ್‍ತಿತ್ ದೇವಕ್ ವಂದನೆ ಮಾಡಿತ್, ಎಲ್ಲಾರ್‌ಕು ಪಾಲ್ ಮಾಡಿತ್ ಕೊಡ್‍ಪಕ್ ಶಿಷ್ಯಂಗಡ ಪಕ್ಕ ಕೊಡ್‍ತತ್. ಶಿಷ್ಯಂಗಳು ಅಳ್‌ತಿತ್ಂಜ ಎಲ್ಲಾರ್‌ಕು ಕೊಡ್‍ತತ್. ಅನ್ನನೆ ಮೀನ್‌ನ ಬೋಂಡಿಯಾನಚ್ಚಕ್ ಎಲ್ಲಾರ್‌ಕು ಕೊಡ್‍ತತ್.

ಯೋಹಾನ 6:7

ಅದ್ಂಗ್ ಫಿಲಿಪ್ಪ: ಈಂಗ ಎಲ್ಲಾರ್‌ಕು ಚೆನ್ನ ಚೆನ್ನ ಕ್‍ಟ್ಟಂಡೂಂದೂ ಎಣ್ಣ್‌ಚೇಂಗಿಯು, ಇನ್ನೂರ್ ಬೊಳ್ಳಿರ ಪಣತ್‍ನ ಕೊಡ್‌ತಿತ್ ಒಟ್ಟಿನ ಎಡ್‍ತತೇಂಗಿಯು ಮದಿ ಆಪುಲ್ಲೆಲ್ಲಾಂದ್ ಜವಾಬ್ ಕೊಡ್‍ತತ್.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

ಪ್ರಕಟನೆ 6:6

ಅಕ್ಕ, ನಾಲ್ ಜೀವಿ ಪ್ರಾಣಿಯಡ ಮದ್ಯತ್ಂಜ, ಒರ್ ದಿವಸತ್‍ರ ಕೂಲಿರ ಪಣಕ್ ಒರ್ ಕಿಲೊ ಗೋದಿ, ಒರ್ ದಿವಸತ್‍ರ ಕೂಲಿರ ಪಣಕ್ ಮೂಂದ್ ಕಿಲೊ ಬಾರ್ಲಿ, ಎಣ್ಣೆ ಪಿಂಞ ದ್ರಾಕ್ಷಿರಸತ್‍ನ ನೀನ್ ಪಾಳ್ ಮಾಡತೇಂದ್ ನಾಕ್ ಒರ್ ವಾಣಿ ಕ್‍ೕಟತ್.