ಯೋಹಾನ 6:70 - ಕೊಡವ ಬೈಬಲ್

⁷⁰ ಅಯಿಂಗಕ್ ಯೇಸು: ಪನ್ನೆರಂಡ್ ಶಿಷ್ಯಂಗಳಾನ ನಿಂಗಳ ನಾನ್ ಗೊತ್ತ್ ಮಾಡ್‍ನ, ಆಚೇಂಗಿ ನಿಂಗಡಲ್ಲಿ ಒಬ್ಬ, ಸೈತಾನಾಯಿತುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 6:70 ပူးပေါင်းရင်းမြစ်များ

ಯೋಹಾನ 13:18

ನಿಂಗೆಲ್ಲಾಡ ವಿಷಯತ್‍ನ ನಾನ್ ಎಣ್ಣಿತ್‌ಲ್ಲೆ, ನಾನ್ ಗೊತ್ತ್ ಮಾಡ್‍ನಯಿಂಗಳ ನಾಕ್ ಗೊತ್ತುಂಡ್; ಆಚೇಂಗಿಯು, ನಾಡ ಕೂಡೆ ಕೂಳ್ ತಿಂದಂವೊನೇ, ನಾಡ ಮೇಲೆ ಅಂವೊಂಡ ಕಾಲ್‍ರ ಮುಡಿನ ನೇತ್‍ಚೀಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ ಇದ್ ಆಚಿ.

ಯೋಹಾನ 13:2

ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್.

ಯೋಹಾನ 13:21

ಇನ್ನನೆಲ್ಲಾ ಯೇಸು ಎಣ್ಣಿತಾನ ಪಿಂಞ, ಯೇಸು ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್: ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 13:27

ಯೂದ ಈ ಒಟ್ಟಿನ ಎಡ್‌ತ ಪಿಂಞ, ಅಕ್ಕಣೆ ಸೈತಾನ ಅಂವೊಂಡ ಒಳ್‍ಕ್ ಕೂಡ್‌ಚಿ. ಅಕ್ಕ ಯೇಸು ಅಂವೊನ ನೋಟಿತ್: ನೀನ್ ಎಂತ ಮಾಡಂಡೂಂದ್ ಉಳ್ಳಿಯ ಅದ್‍ನ ಬೆರಿಯ ಮಾಡ್‍ೕಂದ್ ಎಣ್ಣ್‌ಚಿ.

ಯೋಹಾನ 15:16

ನಿಂಗ ನನ್ನ ಗೊತ್ತ್ ಮಾಡಿತ್‌ಲ್ಲೆ. ನಾನ್ ನಿಂಗಳ ಗೊತ್ತ್ ಮಾಡಿಯೆ; ನಿಂಗ ಪೋಯಿತ್ ಫಲ ತಪ್ಪನೆಕೆಯು, ನಿಂಗಡ ಫಲ ಸದಾ ನಿಕ್ಕಂಡೂಂದು ನಿಂಗಳ ನೇಮಿಚಿಟ್ಟಿಯೆ. ಆನಗುಂಡ್, ನಾಡ ಪೆದತ್‍ಲ್ ಅಪ್ಪನ ನಿಂಗ ಎಂತ ಕ್‍ೕಪಿರೋ, ಅದ್‍ನ ಅಂವೊ ನಿಂಗಕ್ ತಪ್ಪ.

ಯೋಹಾನ 15:19

ನಿಂಗ ಈ ಲೋಕತ್‍ರ ಜನತ್‍ರನೆಕೆ ಇಂಜತೇಂಗಿ, ಈ ಲೋಕ ನಿಂಗಳ ಅಯಿಂಗಡ ಜನಾಂದ್ ಪ್ರೀತಿ ಮಾಡ್‌ವಕಿಂಜತ್; ಆಚೇಂಗಿ ನಿಂಗ ಈ ಲೋಕತ್‍ರ ಜನತ್‍ರನೆಕೆ ಇಲ್ಲತಗುಂಡ್ ಪಿಂಞ ನಾನ್ ನಿಂಗಳ ಈ ಲೋಕತ್ಂಜ ಗೊತ್ತ್ ಮಾಡಿತುಳ್ಳಗುಂಡ್ ಈ ಲೋಕ ನಿಂಗಳ ವಿರೋದಿಚಿಡುವ.

ಯೋಹಾನ 17:12

ನಾನ್ ಈಂಗಡ ಕೂಡೆ ಇಪ್ಪಕಾಪಕ, ನೀನ್ ನಾಕ್ ತಂದಿತುಳ್ಳ ನೀಡ ಪೆದತ್‍ರ ಅದಿಕಾರತ್‍ಲ್ ಈಂಗಳ ಕಪಾಡಿಯಂಡ್ ಬಂದಿಯೆ; ನೀನ್ ನಾಕ್ ತಂದಯಿಂಗಳ ನಾನ್ ಕಾಪಾಡಿಯಂಡ್ ಬಂದಿಯೆ. ದೇವಡ ವಾಕ್ಯತ್‍ಲ್ ಎಣ್ಣ್‌ನದ್ ಪೂರ್ತಿ ಆಪನೆಕೆ ನಾಶ ಆಪಕ್ ಗುರಿ ಬೆಚ್ಚಿತ್ಂಜ ಒಬ್ಬನ ಬುಟ್ಟಿತ್ ಈಂಗಡ ಕೂಟ್‌ಲ್ ದಾರೂ ನಾಶ ಆಯಿತ್‌ಲ್ಲೆ.

ಯೋಹಾನ 2:2

ಯೇಸು ಪಿಂಞ ಅಂವೊಂಡ ಶಿಷ್ಯಂಗಳ ಸಹ ಆ ಮಂಗಲಕ್ ಕಾ‌ಕಿತ್ಂಜತ್.

ಯೋಹಾನ 20:24

ಯೇಸು ಬಂದಿತ್‌ಪ್ಪಕ, ಪನ್ನೆರಂಡ್ ಶಿಷ್ಯಂಗಡ ಕೂಟ್‌ಲ್ ಇಂಜ ದಿದುಮ ಎಣ್ಣುವ ತೋಮ ಎಣ್ಣ್‌ವಂವೊ ಅಯಿಂಗಡ ಕೂಡೆ ಇಂಜಿತ್‌ಲ್ಲೆ.

ಯೋಹಾನ 6:64

ಆಚೇಂಗಿಯು, ನಿಂಗಡಲ್ಲಿ, ನನ್ನ ನಂಬತಯಿಂಗ ಚೆನ್ನ ಉಂಡ್. ಯೇಸು ಇನ್ನನೆ ಎಣ್ಣ್‌ವಕ್ ಕಾರಣ ಎಂತ ಎಣ್ಣ್‌ಚೇಂಗಿ: ಅಂವೊನ ನಂಬತಂವೊ ದಾರ್‍ೕಂದು, ಅಂವೊನ ಕೊಲ್ಲುವಕ್ ಪುಡ್‌ಚಿತ್ ಕೊಡ್‍ಪಂವೊ ದಾರ್‍ೕಂದು ಅಂವೊಂಗ್ ಆದ್ಯತ್ಂಜಲೇ ಗೊತ್ತ್ಂಜತ್.

ಯೋಹಾನ 6:67

ಅಕ್ಕ ಯೇಸು ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ನೋಟಿತ್: ನಿಂಗ ಸಹ ನನ್ನ ಬುಟ್ಟಿತ್ ಪೋಪಿರಾಂದ್ ಕ್‍ೕಟತ್.

ಯೋಹಾನ 6:71

ಸೀಮೋನಂಡ ಮೋಂವೊನಾನ ಇಸ್ಕರಿಯೋತ ಯೂದ ಯೇಸುರ ಪನ್ನೆರಂಡ್ ಶಿಷ್ಯಂಗಡಲ್ಲಿ ಒಬ್ಬನಾಯಿತ್ ಇಂಜತೇಂಗಿಯು, ಬಯ್ಯ ತನ್ನ ಕೊಲ್ಲ್‌ವಕ್ ಪುಡ್‌ಚಿತ್ ಕೊಡ್‍ಪಂವೊನಾಯಿತ್ ಇಂಜಗುಂಡ್, ಅಂವೊಂಡ ವಿಷಯತ್ ಯೇಸು ಇನ್ನನೆ ಎಣ್ಣ್‌ಚಿ.

ಯೋಹಾನ 8:44

ನಿಂಗ ನಿಂಗಡ ಅಪ್ಪನಾನ ಸೈತಾನಂಡ ಮಕ್ಕಳಾಯಿತುಳ್ಳಿರ; ನಿಂಗಡ ಅಪ್ಪಂಡ ಇಚ್ಛೆರ ಪ್ರಕಾರ ನಿಂಗ ಮಾಡ್‌ವಿರ; ನಿಂಗಡ ಅಪ್ಪನಾನ ಸೈತಾನ ಪಂಡಿಂಜೇ ಕೊಲ್ಲ್‌ವಂವೊನಾಯಿತುಂಡ್; ಅಂವೊಂಡ ಪಕ್ಕ ಸತ್ಯ ಇಲ್ಲತಗುಂಡ್, ಅಂವೊ ಸತ್ಯತ್‍ಲ್ ನಿಂದಿತ್‌ಲ್ಲೆ. ಅಂವೊ ಪೊಟ್ಟ್ ಪರಿಯುವಂವೊನು, ಎಲ್ಲಾ ಪೊಟ್ಟ್‌ಕ್ ಅಪ್ಪನಾಯಿತು ಉಂಡ್. ಅಂವೊ ಪೊಟ್ಟ್ ಪರಿಯುವಕ, ತಾಂಡ ಸ್ವಂತ ಗುಣತ್ಂಜ ಪೊಟ್ಟ್ ಪರ್ಂದಂಡುಂಡ್.

ಅಪೊಸ್ತಲ 1:17

ಯೂದ ನಂಗಡ ಕೂಟ್‌ಲ್ ಒಬ್ಬನಾಯಿತ್ಂಜತ್. ದೇವಡ ಸೇವೇಲ್ ಪಾಲ್‍ದಾರನಾಯಿತ್ಂಜತ್.

ಅಪೊಸ್ತಲ 13:10

ಎಲ್ಲಾ ದೋಷವು ಕಪಟತನವು ದುಂಬಿತುಳ್ಳ, ಸೈತಾನಂಡ ಮೋಂವೊನೇ! ದೇವಡ ನೀತಿಕ್ ವಿರೋದವಾಯಿತ್ ನಿಪ್ಪ ಮನುಷ್ಯನೇ, ಒಡೆಯಂಡ ಸರಿಯಾನ ಬಟ್ಟೇನ, ತಿರಿಗ್‍ಚಿಡುವದ್‍ನ ನೀನ್ ನಿಪ್ಪ್‌ಚಿಡುಲೆಯಾ?

1 ತಿಮೊಥೆಯ 3:11

ಅನ್ನನೆ ಅಯಿಂಗಡ ಪೊಣ್ಣಾಳ್‍ವಳೂ ಮರ್ಯಾದಸ್ತಂಗಳಾಯಿತ್, ಕುತ್ತ ಪರಿಯತಯಿಂಗಳಾಯಿತ್, ಅಯಿಂಗಡ ಆಸೇನ ಅಡಕತ್‍ಲ್ ಬೆಪ್ಪಯಿಂಗಳಾಯಿತ್, ಅಯಿಂಗ ಮಾಡ್‌ವ ಎಲ್ಲಾ ಕಾರ್ಯತ್‍ಲ್ ನಂಬಿಕಸ್ತಯಿಂಗಳಾಯಿತ್ ಇರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:3

ಅನ್ನನೆ ವಯಸ್ಸಾನ ಪೊಣ್ಣಾಳ್‍ವಳು, ದೇವಡ ಮೇಲೆ ಪ್ರೀತಿ ಉಳ್ಳಯಿಂಗ ನಡ್‍ಪನೆಕೆ ನಡ್‌ಕಂಡು. ಕುತ್ತ ಪರಿಯತಯಿಂಗಳಾಯಿತ್, ಕಳ್ಳ್ ಕುಡಿಚಂಡ್ ಇಪ್ಪಕ್ಕಾಗ. ಏದ್ ನಲ್ಲದೋ, ಅದ್‍ನ ಅಯಿಂಗ ಬೋರೆಯಿಂಗಕ್ ಪಡಿಪ್‍ಚಿಡಂಡು.

1 ಯೋಹಾನ 3:8

ಆಚೇಂಗಿ, ಪಾಪ ಮಾಡಿಯಂಡೇ ಇಪ್ಪಯಿಂಗ ಸೈತಾನಂಗ್ ಕೂಡ್‍ನಯಿಂಗ, ಎನ್ನಂಗೆಣ್ಣ್‌ಚೇಂಗಿ ಸೈತಾನ ಆದಿಯಿಂಜಲೆ ಪಾಪ ಮಾಡಿಯಂಡುಂಡ್. ದೇವಕುಮಾರ ಸೈತಾನಂಡ ಕೆಲಸತ್‍ನ ಪಾಳ್ ಮಾಡ್‌ವಕಾಯಿತೇ ಈ ಲೋಕಕ್ ಬಾತ್.