ಯೋಹಾನ 6:7 - ಕೊಡವ ಬೈಬಲ್

⁷ ಅದ್ಂಗ್ ಫಿಲಿಪ್ಪ: ಈಂಗ ಎಲ್ಲಾರ್‌ಕು ಚೆನ್ನ ಚೆನ್ನ ಕ್‍ಟ್ಟಂಡೂಂದೂ ಎಣ್ಣ್‌ಚೇಂಗಿಯು, ಇನ್ನೂರ್ ಬೊಳ್ಳಿರ ಪಣತ್‍ನ ಕೊಡ್‌ತಿತ್ ಒಟ್ಟಿನ ಎಡ್‍ತತೇಂಗಿಯು ಮದಿ ಆಪುಲ್ಲೆಲ್ಲಾಂದ್ ಜವಾಬ್ ಕೊಡ್‍ತತ್.

ಯೋಹಾನ 6:7 ပူးပေါင်းရင်းမြစ်များ

ಮತ್ತಾಯ 18:28

ಆ ಮನುಷ್ಯ ಪೊರಮೆ ಪೋಚಿ. ಆ ರಾಜಂಡ ಬೋರೆ ಒರ್ ಆಳ್, ಇಂವೊಂಡ ಪಕ್ಕ ನೂರ್ ಬೊಳ್ಳಿರ ಸಾಲ ಮಾಡಿತ್ಂಜತ್. ಈ ಮನುಷ್ಯ ಅಂವೊನ ಪುಡ್‌ಚಿತ್ ಬಲಿಪಂಜಿ, ಅಂವೊಂಗ್ ಪೊಜ್ಜಿತ್, ಅಂವೊಂಡ ತೊಂಡೆನ ಪುಡ್‍ಚತ್. ನೀನ್ ನಾಕ್ ತಪ್ಪಕುಳ್ಳ ದುಡ್ಡ್‌ನ ಇಕ್ಕಲೆ ತಾಂದ್ ಕ್‍ೕಟತ್.

ಮಾರ್ಕ 6:37

ಅದ್ಂಗ್ ಯೇಸು: ನಿಂಗಳೇ ಅಯಿಂಗಕ್ ಉಂಬಕ್ ಕೊಡೀಂದ್ ಎಣ್ಣ್‌ಚಿ. ಅದ್ಂಗ್ ಶಿಷ್ಯಂಗ: ಎಂತ ಎಣ್ಣ್‌ವಿರಾ, ನಂಗ ಅಯಿಂಗಕ್ ಒಟ್ಟಿ ಎಡ್‌ತ ಬಪ್ಪಕಾಯಿತ್ ಇನ್ನೂರ್ ಬೊಳ್ಳಿರ ಪಣತ್‍ನ ಖರ್ಚಿಮಾಡಿತ್ ಅಯಿಂಗಡ ಕೆಲ ದುಂಬ್‌ಚಿಡುವದಾಂದ್ ಕ್‍ೕಟತ್.

ಯೋಹಾನ 1:43

ಪಿತ್ಯಾಂದ್ ಗಲಿಲಾಯಕ್ ಪೋಪಕ್ ಯೇಸು ತೀರ್ಮಾನ ಮಾಡ್‍ಚಿ. ಅಲ್ಲಿ ಎತ್ತ್‌ವಕ, ಫಿಲಿಪ್ಪಾಂದ್ ಒಬ್ಬನ ಕಂಡಿತ್, ನಾಡ ಬಯ್ಯಕ್ ಬಾಂದ್ ಎಣ್ಣ್‌ಚಿ.

ಯೋಹಾನ 1:44

ಈ ಫಿಲಿಪ್ಪ, ಅಂದ್ರೆಯ ಪಿಂಞ ಪೇತ್ರಂಡ ಪಟ್ಟಣವಾನ ಬೆತ್ಸಾಯಿದಕ್ ಕೂಡ್‍ನಂವೊನಾಯಿತ್ಂಜತ್.

ಯೋಹಾನ 1:45

ಅಲ್ಲಿ ಫಿಲಿಪ್ಪ, ನತಾನಯೇಲನ ತ್‍ೕಡಿ ಕಂಡ್‍ಪುಡ್‌ಚಿತ್, ನಂಗ ನ್ಯಾಯಪ್ರಮಾಣಾತ್‍ಲ್ ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣಿಯಂಡಿಂಜ ಕ್ರಿಸ್ತನ ಕಂಡತ್. ಅಂವೊ, ನಜರೇತ್ ಊರ್‍ಕಾರನಾನ ಯೋಸೇಫ ಎಣ್ಣ್‌ವಂವೊಂಡ ಮೋಂವೊನಾನ ಯೇಸುವೇಂದ್ ಎಣ್ಣ್‌ಚಿ.

ಯೋಹಾನ 1:46

ಅದ್ಂಗ್ ನತಾನಯೇಲ: ನಜರೇತ್ ಊರಿಂಜ ಎಂತಾಚು ನಲ್ಲದ್ ಬಪ್ಪಕಯ್ಯುವಾಂದ್ ಕ್‍ೕಟತ್. ನೀನೇ ಬಂದಿತ್ ನೋಟ್‍ೕಂದ್ ಫಿಲಿಪ್ಪ ಅಂವೊಂಗ್ ಎಣ್ಣ್‌ಚಿ.

ಯೋಹಾನ 1:48

ಅದ್ಂಗ್ ನತಾನಯೇಲ: ನೀಕ್ ನನ್ನ ಎನ್ನನೆ ಗೊತ್ತಾಚೀಂದ್ ಕ್‍ೕಟತ್. ಯೇಸು ಅಂವೊನ ನೋಟಿತ್: ನಿನ್ನ ಫಿಲಿಪ್ಪ ಕಾಕುವಕ್ ಮಿಂಞ, ನೀನ್ ಅತ್ತಿಪಣ್ಣ್ ಮರತ್‍ರ ಅಡಿಲ್ ಅಳ್‌ತಂಡಿಪ್ಪಕಲೇ ನಾನ್ ನಿನ್ನ ಕಂಡಿಯೇಂದ್ ಎಣ್ಣ್‌ಚಿ.

ಯೋಹಾನ 12:5

ಇದ್‍ನ ನೋಟಿತ್: ಈ ತೈಲತ್‌ನ ಒರ್ ಕಾಲತ್‍ರ ಸಂಬಳತ್‍ರ ಉರ್‍ಪಿಯಕ್ ಮಾರ್‍ವಕ್ ಕಯಿಂಜಿತ್‌ಲ್ಲೆಯಾ? ಮಾರಿತ್ ಆ ದುಡ್ಡ್‌ನ ಗರೀಬಂಗಕ್ ಕೊಡ್‍ಪಕ್ ಕಯಿಂಜಿತಿಲ್ಲೆಯಾಂದ್ ಎಣ್ಣ್‌ಚಿ.