ಯೋಹಾನ 6:66 - ಕೊಡವ ಬೈಬಲ್

⁶⁶ ಇದಾನ ಪಿಂಞ ಅಂವೊಂಡ ಶಿಷ್ಯಂಗ ಸುಮಾರ್ ಜನ ಯೇಸುರ ಕೂಡೆ ಪೋಪದ್‌ನ ನಿಪ್ಪ್‌ಚಿಟ್ಟತ್.

ಯೋಹಾನ 6:66 ပူးပေါင်းရင်းမြစ်များ

ಮತ್ತಾಯ 19:22

ಅಂವೊ ಇದ್‍ನ ಕ್‍ೕಟಿತ್ ಬೇಜಾರತ್‍ಲ್ ಪೋಯಿರ್‌ತ್. ಎನ್ನಂಗೆಣ್ಣ್‌ಚೇಂಗಿ ಅಂವೊ ದುಂಬ ಆಸ್ತಿ ಉಳ್ಳಂವೊನಾಯಿತ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:62

ಅದ್ಂಗ್ ಯೇಸು: ದಾರ್ ನೇಂಗಿಲ್ ಕೈ ಇಟ್ಟ ಪಿಂಞ ಬಯ್ಯಕ್ ತಿರಿತ್ ನೋಟಿಯಂಡ್ ಇಪ್ಪ ಅಂವೊ ದೇವಡ ರಾಜ್ಯತ್‍ರ ಸೇವೇಕ್ ಯೋಗ್ಯನಾಯಿತ್‌ಪ್ಪುಲೇಂದ್ ಎಣ್ಣ್‌ಚಿ.

ಯೋಹಾನ 2:2

ಯೇಸು ಪಿಂಞ ಅಂವೊಂಡ ಶಿಷ್ಯಂಗಳ ಸಹ ಆ ಮಂಗಲಕ್ ಕಾ‌ಕಿತ್ಂಜತ್.

ಯೋಹಾನ 6:60

ಅಂವೊಂಡ ಶಿಷ್ಯಂಗಡಲ್ಲಿ ದುಂಬ ಜನ ಈ ಬೋದನೆನ ಕ್‍ೕಟಿತ್: ಈ ಬೋದನೆ ದುಂಬ ಕಠಿಣವಾಯಿತುಂಡ್, ದಾರ್ ಇದ್‍ನ ಸ್ವೀಕಾರ ಮಾಡ್‌ವಾಂದ್ ಎಣ್ಣ್‌ಚಿ.

ಯೋಹಾನ 6:64

ಆಚೇಂಗಿಯು, ನಿಂಗಡಲ್ಲಿ, ನನ್ನ ನಂಬತಯಿಂಗ ಚೆನ್ನ ಉಂಡ್. ಯೇಸು ಇನ್ನನೆ ಎಣ್ಣ್‌ವಕ್ ಕಾರಣ ಎಂತ ಎಣ್ಣ್‌ಚೇಂಗಿ: ಅಂವೊನ ನಂಬತಂವೊ ದಾರ್‍ೕಂದು, ಅಂವೊನ ಕೊಲ್ಲುವಕ್ ಪುಡ್‌ಚಿತ್ ಕೊಡ್‍ಪಂವೊ ದಾರ್‍ೕಂದು ಅಂವೊಂಗ್ ಆದ್ಯತ್ಂಜಲೇ ಗೊತ್ತ್ಂಜತ್.

ಯೋಹಾನ 7:3

ಯೇಸುರ ತಮ್ಮಣಂಗ ಅಂವೊಂಗ್: ನೀನ್ ಈ ಜಾಗತ್‍ನ ಬುಟ್ಟಿತ್ ಯೆಹೂದ್ಯ ಪ್ರಾಂತ್ಯಕ್ ಪೋ, ಅಕ್ಕ ನೀಡ ಶಿಷ್ಯಂಗ ಸಹ ನೀನ್ ಮಾಡ್‌ವ ಅದ್ಬುತ ಕಾರ್ಯತ್‍ನ ಕಾಂಬಕಾಪ.

ಯೋಹಾನ 8:31

ಯೇಸು ಅಂವೊನ ನಂಬ್‍ನ ಯೆಹೂದ್ಯಂಗಳ ನೋಟಿತ್: ನಿಂಗ ನಾನ್ ಎಣ್ಣುವ ಬೋದನೆನ ಕ್‍ೕಟಿತ್ ಅದ್ಂಡ ಪ್ರಕಾರ ನಡ್ಂದತೇಂಗಿ ನಿಂಗ ನೇರಾಯಿತು ನಾಡ ಶಿಷ್ಯಂಗಳಾಯಿತ್‌ಪ್ಪಿರ.

2 ತಿಮೊಥೆಯ 1:15

ನೀಕ್ ಗೊತ್ತುಳ್ಳನೆಕೆ ಆಸ್ಯ ಸೀಮೆಲ್ ಉಳ್ಳ ಎಲ್ಲಾರು ನನ್ನ ದೂರ ಮಾಡಿರ್‌ತ್. ಅಯಿಂಗಡಡೆಲ್ ಫುಗೇಲ ಪಿಂಞ ಹೆರ್ಮೊಗೆನ ಎಣ್ಣ್‌ವಯಿಂಗ ಕೂಡೆ ನನ್ನ ದೂರ ಮಾಡಿರ್‌ತ್.

2 ತಿಮೊಥೆಯ 4:10

ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ರ ಮೇಲೆ ಉಳ್ಳ ಆಸೆರಗುಂಡ್ ದೇಮ ನನ್ನ ಬುಟ್ಟಿತ್ ಥೆಸಲೊನೀಕ ಪಟ್ಟಣಕ್ ಪೋಯಿರ್‌ತ್. ಕ್ರೆಸ್ಕ, ಗಲಾತ್ಯಕ್ ಪಿಂಞ ತೀತ, ದಲ್ಮಾತ್ಯಕ್ ಪೋಯಿರ್‌ತ್.

ಇಬ್ರಿಯ 10:38

ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‍ಕ್‍ವ, ಅದ್‍ನ ಅಂವೊ ಬುಟ್ಟಿತ್ ಪೋಚೇಂಗಿ, ನಾನ್ ಅಂವೊಂಡ ಮೇಲೆ ಕುಶಿಪಡುಲೇಂದ್ ದೇವ ಎಣ್ಣ್‌ಚಿ.

1 ಯೋಹಾನ 2:19

ಈ ಜನ ನಂಗಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ಇಂಜಿತಿಲ್ಲೆ, ಅದ್ಂಗೇ ಅಯಿಂಗ ನಂಗಳ ಬುಟ್ಟಿತ್ ಪೋಚಿ. ಅಯಿಂಗ ನಂಗಡ ಜನಾಂಗಾಯಿತ್ ಇಂಜಿತೇಂಗಿ ಅಯಿಂಗ ನಂಗಡ ಕೂಡೆ ಇಪ್ಪಕಿಂಜತ್. ಆಚೇಂಗಿ ಅಯಿಂಗ ನಂಗಳ ಬುಟ್ಟಿತ್ ಪೋನಗುಂಡ್, ಒಬ್ಬ ಕೂಡೆ ನಂಗಡ ಜನ ಇಲ್ಲೇಂದ್ ಗೊತ್ತಾಚಿ.