ಯೋಹಾನ 6:65 - ಕೊಡವ ಬೈಬಲ್

⁶⁵ ಇಂಞು ಯೇಸು: ನಾಡ ಅಪ್ಪನಾನ ದೇವ, ಒಬ್ಬನ ನಾಡ ಪಕ್ಕ ಕೊಂಡ್ ಬರತೆ ಪೋನಕ, ಅಂವೊ ನಾಡ ಪಕ್ಕ ಬಪ್ಪ್‌ಲೇಂದ್ ಇದ್ಂಗಾಯಿತೇ ನಾನ್ ನಿಂಗಕ್ ಎಣ್ಣಿಯೇಂದ್ ಎಣ್ಣ್‌ಚಿ.

ಯೋಹಾನ 6:65 ပူးပေါင်းရင်းမြစ်များ

ಮತ್ತಾಯ 13:11

ಅಯಿಂಗಕ್ ಅಂವೊ: ಪರಲೋಕ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪೊರಮೆ ಉಳ್ಳಯಿಂಗಕ್ ಈ ಬಾಗ್ಯ ಕ್‍ಟ್ಟಿತ್‌ಲ್ಲೆ.

ಯೋಹಾನ 10:16

ಈ ಕೊರಿಕೊಟ್ಟ್‌ರ ಕೊರಿಯ ಅಲ್ಲತೆ, ಬೋರೆ ಕೊರಿಯಳು ನಾಕ್ ಉಂಡ್; ಅಯಿಂಗಳ ಸಹ ನಾನ್ ಕೂಟಿಯಂಡ್ ಬರಂಡು; ಆ ಕೊರಿಯ ನಾಡ ತಕ್ಕ್‌ನ ಕ್‍ೕಪ, ಅಕ್ಕ ಈಂಗ ದಂಡಾಳು ಒರೇ ಗುಂಪಾಯಿತ್, ಒರೇ ಕೊರಿಕಾಪಂವೊಂಡ ಅಡಿಕ್ ಬಪ್ಪ.

ಯೋಹಾನ 3:27

ಅದ್ಂಗ್ ಯೋಹಾನ: ದೇವ, ಒಬ್ಬಂಗ್ ಪರಲೋಕತ್ಂಜ ಏದ್‍ನ ಅನುಗ್ರಹ ಮಾಡಿತುಂಡೋ ಅದ್‍ನ ಮಾತ್ರ ಪಡೆಯುವಕ್ ಕಯ್ಯು.

ಯೋಹಾನ 6:37

ಅಪ್ಪನಾನ ದೇವ ನಾಕ್ ತಪ್ಪಯಿಂಗೆಲ್ಲಾ, ನಾಡ ಪಕ್ಕ ಬಪ್ಪ. ನಾಡ ಪಕ್ಕ ಬಪ್ಪಯಿಂಗಳ ನಾನ್ ನೇರಾಯಿತು ಪೊರಮೆ ದೂಡಿತ್ ಇಡುಲೆ.

ಫಿಲಿಪ್ಪಿ 1:29

ನಿಂಗಕ್, ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಪ್ಪ ಬಾಗ್ಯ ಮಾತ್ರ ಅಲ್ಲ, ಅಂವೊಂಗಾಯಿತ್ ನೊಂಬಲ ಎಡ್‍ತವಕೂ ಬಾಗ್ಯ ಕ್‍ಟ್ಟ್‌ಚಿ.

1 ತಿಮೊಥೆಯ 1:14

ನಂಗಡ ಒಡೆಯಂಡ ಕೃಪೆ, ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ನಂಬಿಕೆ ಪಿಂಞ ಪ್ರೀತಿನ ನಾಡ ಮೇಲೆ ಪೂರ್ತಿಯಾಯಿತ್ ದುಂಬ್‍ಚಿಟ್ಟತ್.

2 ತಿಮೊಥೆಯ 2:25

ನೀಡ ಬೋದನೆಕ್ ಎದ್‍ರ್ ನಿಪ್ಪಯಿಂಗಕ್ ಸಮಾದಾನತ್‍ಲ್ ಅಯಿಂಗಡ ತಪ್ಪ್‌ನ ಎಣ್ಣಿ ಕೊಡ್‍ಪಂವೊನಾಯಿತಿರಂಡು. ಎನ್ನಂಗೆಣ್ಣ್‌ಚೇಂಗಿ ಒರ್ ಸಮಯ ಅಯಿಂಗ ಪಶ್ಚಾತಾಪ ಪಟ್ಟಿತ್, ಸತ್ಯತ್‍ನ ಅರಿಂಜಂಡ್ ಪುನಃ ದೇವಡ ಪಕ್ಕ ಬಪ್ಪಕ್ ದೇವ ಒರ್ ಸನ್ನಿವೇಶ ಕೊಡ್‍ಪ.

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.