ಯೋಹಾನ 6:57 - ಕೊಡವ ಬೈಬಲ್

⁵⁷ ನನ್ನ ಅಯಿಚ ಜೀವವಾಯಿತುಳ್ಳ ಅಪ್ಪನಾನ ದೇವ ಎಲ್ಲಾರ್‌ಕು ಜೀವ ತಪ್ಪಂವೊ. ಅಂವೊನಗುಂಡ್ ನಾಕ್ ಜೀವ ಉಂಡ್. ನಾಕ್ ಜೀವ ಉಳ್ಳನೆಕೆ, ನನ್ನ ತಿಂಬಯಿಂಗಕ್ ನನ್ನಗುಂಡ್ ಜೀವ ಇಪ್ಪ.

ಯೋಹಾನ 6:57 ပူးပေါင်းရင်းမြစ်များ

ಮತ್ತಾಯ 16:16

ಅದ್ಂಗ್ ಸೀಮೋನ ಪೇತ್ರ: ನೀನ್ ಎಕ್ಕಾಲು ಬದ್‍ಕಿಯಂಡುಳ್ಳ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ.

ಯೋಹಾನ 14:19

ಇಂಞು ಚೆನ್ನ ಸಮಯ ಆನ ಪಿಂಞ ಈ ಲೋಕತ್‍ರ ಜನ ನನ್ನ ಕಾಂಬುಲೆ. ಆಚೇಂಗಿ ನಿಂಗ ಕಾಂಬಿರ. ನಾನ್ ಬದ್‍ಕಿಯಂಡುಳ್ಳಗುಂಡ್, ನಿಂಗಳು ಬದ್‍ಕ್‍ವಿರ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 17:21

ಅಯಿಂಗೆಲ್ಲಾರು ಒಂದಾಯಿತ್ ಇಪ್ಪನೆಕೆ ನಾನ್ ಪ್ರಾರ್ಥನೆ ಮಾಡ್‌ವಿ. ಅಪ್ಪಾ! ನಾನ್ ನೀಡಲ್ಲಿ ನೀನ್ ನಾಡಲ್ಲಿ ಇಪ್ಪನೆಕೆ ಅಯಿಂಗಳು ನಂಗಡಲ್ಲಿ ಒಂದಾಯಿತ್ ಇಕ್ಕಡ್. ನೀನ್ ನನ್ನ ಲೋಕತ್‍ಲ್ ಅಯಿಚದ್‍ನ ಲೋಕತ್‍ರ ಜನ ನಂಬುವನೆಕೆ ಅಯಿಂಗ ಎಲ್ಲಾರು ಒಂದಾಯಿತ್ ಇಕ್ಕಡ್‍ೕಂದ್ ಬೋಡುವಿ.

ಯೋಹಾನ 3:17

ಈ ಲೋಕತ್‍ಲ್ ಉಳ್ಳ ಜನಳ ತೀರ್ಪ್ ಮಾಡ್‌ವಕಾಯಿತ್ ದೇವ ತಾಂಡ ಮೋಂವೊನ ಅಯಿಚಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಮೂಲಕ ಲೋಕತ್‍ಲ್ ಉಳ್ಳ ಜನಳ ರಕ್ಷಣೆ ಮಾಡ್‌ವಕಾಯಿತೇ ಅಯಿಚತ್.

ಯೋಹಾನ 5:26

ಎನ್ನಂಗೆಣ್ಣ್‌ಚೇಂಗಿ, ಅಪ್ಪಂಗ್ ಎನ್ನನೆ ಸ್ವಂತವಾಯಿತ್ ಜೀವ ಉಂಡೋ, ಅನ್ನನೆ ಮೋಂವೊಂಗ್ ಸಹ ಸ್ವಂತವಾಯಿತ್ ಜೀವ ಉಳ್ಳನೆಕೆ ಅಂವೊ ಮಾಡಿರ್‌ತ್.

ಯೋಹಾನ 6:29

ಅಯಿಂಗಕ್ ಯೇಸು: ಅಂವೊ ಅಯಿಚಂವೊನ ನಿಂಗ ನಂಬವುದೇ, ದೇವಕ್ ತಕ್ಕಂತ ಕ್ರಿಯೇಂದ್ ಉತ್ತರ ಕೊಡ್‍ತತ್.

ಯೋಹಾನ 6:38

ಎನ್ನಂಗೆಣ್ಣ್‌ಚೇಂಗಿ, ನಾನ್ ಪರಲೋಕತ್ಂಜ ಬಂದದ್ ನಾಡ ಇಷ್ಟ ಪ್ರಕಾರ ಕ್ರಿಯೆ ಮಾಡ್‌ವಕ್ ಅಲ್ಲ, ದಾರ್ ನನ್ನ ಅಯಿಚತೋ ಅಂವೊಂಡ ಚಿತ್ತತ್‍ರ ಪ್ರಕಾರ ಕ್ರಿಯೆ ಮಾಡ್‌ವಕ್ ಬಂದಿಯೆ.

1 ಕೊರಿಂಥ 15:22

ಆದಾಮ ಮಾಡ್‍ನ ಕಾರ್ಯತ್ಂಜ, ಚಾವ್ ಎಲ್ಲಾರ್‌ಕು ಬಾತ್. ಅನ್ನನೆ ಯೇಸು ಕ್ರಿಸ್ತ ಮಾಡ್‍ನ ಕಾರ್ಯತ್‍ನಗುಂಡ್, ಎಲ್ಲಾರು ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪನೆಕೆ ಮಾಡ್‍ಚಿ.

1 ಕೊರಿಂಥ 15:45

ದೇವಡ ವಾಕ್ಯತ್‍ಲ್ ಉಳ್ಳನೆಕೆ, ಆದ್ಯ ಮನುಷ್ಯನಾನ ಆದಾಮನ ದೇವ ಸೃಷ್ಟಿ ಮಾಡ್‌ವಕ ಅಂವೊನ ಜೀವ ಉಳ್ಳ ಮನುಷ್ಯನಾಯಿತ್ ಮಾಡ್‍ಚಿ. ಆಚೇಂಗಿ ದಂಡನೆ ಆದಾಮನಾನ ಕ್ರಿಸ್ತ, ಚಾವ್‍ಯಿಂಜ ಎಪ್ಪ್‌ಚಿಡ್‍ವ ಆತ್ಮೀಯ ಜೀವ ತಪ್ಪಂವೊನಾಯಿತ್ ಆಚಿ.

2 ಕೊರಿಂಥ 13:4

ಅಂವೊನ ಬಲ ಇಲ್ಲತಂವೊನಾಯಿತ್ ಶಿಲುಬೇಲ್ ಇಟ್ಟತೇಂಗಿಯು, ದೇವಡ ಶಕ್ತಿರಗುಂಡ್ ಬದ್‍ಕಿಯಂಡುಂಡ್; ಅನ್ನನೆ ನಂಗಳು ಅಂವೊಂಡಲ್ಲಿ ಬಲ ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ನಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವಡ ಶಕ್ತಿರಗುಂಡ್ ಅಂವೊಂಡಲ್ಲಿ ನಂಗ ಬದ್‍ಕಿಯಂಡಿಪ್ಪ.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

1 ಥೆಸಲೊನೀಕ 1:9

ಎನ್ನಂಗೆಣ್ಣ್‌ಚೇಂಗಿ, ನಂಗ ನಿಂಗಡ ಪಕ್ಕ ಬಪ್ಪಕ, ನಿಂಗ ನಂಗಳ ಎನ್ನನೆ ಸತ್ಕಾರ ತಂದಿರಾಂದ್ ಅಯಿಂಗಳೇ ನಂಗಕ್ ಎಣ್ಣ್‌ಚಿ. ನಿಂಗ ಎನ್ನನೆ ವಿಗ್ರಹತ್‍ನ ಪೂಜೆ ಮಾಡ್‌ವಾನ ಬುಟ್ಟಿತ್, ಜೀವವುಳ್ಳ ಸತ್ಯವಾನ ದೇವನ ಆರಾದನೆ ಮಾಡ್‌ವಕ್ ತಿರಿತುಳ್ಳಿರಾಂದ್ ಅಯಿಂಗಳೇ ಎಣ್ಣ್‌ಚಿ.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

1 ಯೋಹಾನ 4:9

ದೇವ ತಾಂಡ ಒರೇ ಮೋಂವೊನ ಈ ಲೋಕಕ್ ಅಯಿಚಗುಂಡ್ ದೇವ ನಂಗಡ ಮೇಲೆ ಪ್ರೀತಿ ಬೆಚ್ಚಿತುಂಡ್‍ೕಂದ್ ಗೊತ್ತಾಚಿ. ಆನಗುಂಡ್ ಅಂವೊನಗುಂಡ್ ನಂಗಕ್ ನಿತ್ಯ ಜೀವ ಕ್‍ಟ್ಟ್‌ಚಿ.