ಯೋಹಾನ 6:5 - ಕೊಡವ ಬೈಬಲ್

⁵ ಯೇಸು ದುಂಬ ಜನ ಗುಂಪ್ ಗುಂಪಾಯಿತ್ ತಾಂಡ ಪಕ್ಕ ಬಪ್ಪದ್‍ನ ದೂರತ್ಂಜ ನೋಟಿತ್, ತಾಂಡ ಶಿಷ್ಯ ಫಿಲಿಪ್ಪಂಗ್: ಈಂಗ ತಿಂಬಕ್ ಒಟ್ಟಿನ ನಂಗ ಎಲ್ಲಿಂಜ ಎಡ್‍ಪಕ್ ಕಯ್ಯೂಂದ್ ಕ್‍ೕಟತ್.

ಯೋಹಾನ 6:5 ပူးပေါင်းရင်းမြစ်များ

ಮತ್ತಾಯ 15:33

ಅದ್ಂಗ್ ಶಿಷ್ಯಂಗ: ಇಚ್ಚಕ್ ಬಲ್ಯ ಜನಡ ಗುಂಪ್ ತೃಪ್ತಿ ಆಪನೆಕೆ ಈ ಮಣಬೂಮಿಲ್ ಎಲ್ಲಿಂಜ ಒಟ್ಟಿ ಕ್‌ಟ್ಟುವಾಂದ್ ಕ್‍ೕಟತ್.

ಮಾರ್ಕ 6:32

ಅಯಿಂಗ ದೋಣಿಲ್ ಅಳ್‌ತಿತ್ ದಾರೂ ಇಲ್ಲತ ಜಾಗಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:10

ಅಪೊಸ್ತಲಂಗ ವಾಪಸ್ ಬಂದಿತ್, ಅಯಿಂಗ ಮಾಡ್‍ನ ಎಲ್ಲಾ ವಿಷಯತ್‍ನ ವಿವರಿಚಿಟ್ಟತ್. ಅಕ್ಕ ಯೇಸು, ಅಂವೊಂಡ ಶಿಷ್ಯಂಗಳ ಕಾಕಿಯಂಡ್, ಒಂಟಿಯಾಯಿತ್‌ಪ್ಪಕ್ ಬೇತ್ಸಾಯಿದ ಎಣ್ಣುವ ಪಟ್ಟಣತ್‍ರ ಪಕ್ಕ ಉಳ್ಳ ಮಣಬೂಮಿಕ್ ಪೋಚಿ.

ಯೋಹಾನ 1:43

ಪಿತ್ಯಾಂದ್ ಗಲಿಲಾಯಕ್ ಪೋಪಕ್ ಯೇಸು ತೀರ್ಮಾನ ಮಾಡ್‍ಚಿ. ಅಲ್ಲಿ ಎತ್ತ್‌ವಕ, ಫಿಲಿಪ್ಪಾಂದ್ ಒಬ್ಬನ ಕಂಡಿತ್, ನಾಡ ಬಯ್ಯಕ್ ಬಾಂದ್ ಎಣ್ಣ್‌ಚಿ.

ಯೋಹಾನ 1:44

ಈ ಫಿಲಿಪ್ಪ, ಅಂದ್ರೆಯ ಪಿಂಞ ಪೇತ್ರಂಡ ಪಟ್ಟಣವಾನ ಬೆತ್ಸಾಯಿದಕ್ ಕೂಡ್‍ನಂವೊನಾಯಿತ್ಂಜತ್.

ಯೋಹಾನ 1:45

ಅಲ್ಲಿ ಫಿಲಿಪ್ಪ, ನತಾನಯೇಲನ ತ್‍ೕಡಿ ಕಂಡ್‍ಪುಡ್‌ಚಿತ್, ನಂಗ ನ್ಯಾಯಪ್ರಮಾಣಾತ್‍ಲ್ ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣಿಯಂಡಿಂಜ ಕ್ರಿಸ್ತನ ಕಂಡತ್. ಅಂವೊ, ನಜರೇತ್ ಊರ್‍ಕಾರನಾನ ಯೋಸೇಫ ಎಣ್ಣ್‌ವಂವೊಂಡ ಮೋಂವೊನಾನ ಯೇಸುವೇಂದ್ ಎಣ್ಣ್‌ಚಿ.

ಯೋಹಾನ 1:46

ಅದ್ಂಗ್ ನತಾನಯೇಲ: ನಜರೇತ್ ಊರಿಂಜ ಎಂತಾಚು ನಲ್ಲದ್ ಬಪ್ಪಕಯ್ಯುವಾಂದ್ ಕ್‍ೕಟತ್. ನೀನೇ ಬಂದಿತ್ ನೋಟ್‍ೕಂದ್ ಫಿಲಿಪ್ಪ ಅಂವೊಂಗ್ ಎಣ್ಣ್‌ಚಿ.

ಯೋಹಾನ 1:48

ಅದ್ಂಗ್ ನತಾನಯೇಲ: ನೀಕ್ ನನ್ನ ಎನ್ನನೆ ಗೊತ್ತಾಚೀಂದ್ ಕ್‍ೕಟತ್. ಯೇಸು ಅಂವೊನ ನೋಟಿತ್: ನಿನ್ನ ಫಿಲಿಪ್ಪ ಕಾಕುವಕ್ ಮಿಂಞ, ನೀನ್ ಅತ್ತಿಪಣ್ಣ್ ಮರತ್‍ರ ಅಡಿಲ್ ಅಳ್‌ತಂಡಿಪ್ಪಕಲೇ ನಾನ್ ನಿನ್ನ ಕಂಡಿಯೇಂದ್ ಎಣ್ಣ್‌ಚಿ.

ಯೋಹಾನ 4:35

ಕೊಯ್ಯುವ ಸಮಯ ಇಂಞು ನಾಲ್ ತಿಂಗತ್‌ಲ್ ಬಪ್ಪಾಂದ್ ನಿಂಗ ಎಣ್ಣುವಿರಲ್ಲ? ಆಚೇಂಗಿ ಇಕ್ಕಲೆ ಬೇಲ್‌ಲ್ ಬೊಳೆ ಕೊಯ್ಯುವಕ್ ತಯಾರಾಯಿತುಂಡ್‍ೕಂದ್ ಉಳ್ಳಾನ ಚಾಯಿತೆ ನೋಟೀಂದ್ ನಾನ್ ನಿಂಗಕ್ ಎಣ್ಣ್‌ವಿ.