ಯೋಹಾನ 6:49 - ಕೊಡವ ಬೈಬಲ್

⁴⁹ ನಿಂಗಡ ಮುತ್ತಜ್ಜಂಗ ಮಣಬೂಮಿಲ್ ಕ್‍ಟ್ಟ್‌ನ ಮನ್ನಾ ಎಣ್ಣುವ ಆಹಾರತ್‍ನ ತಿಂದತ್. ಆಚೇಂಗಿಯು ಅಯಿಂಗಡ ಸಮಯ ಬಪ್ಪಕ ಅಯಿಂಗ ಚತ್ತ್ ಪೋಚಿ.

ಯೋಹಾನ 6:49 ပူးပေါင်းရင်းမြစ်များ

ಯೋಹಾನ 6:31

ಅಯಿಂಗಕ್ ಪರಲೋಕತ್‍ರ ಒಟ್ಟಿನ ದೇವ ತಿಂಬಕ್ ಕೊಡ್‍ತತ್ ಎಣ್ಣಿಯಂಡ್ ದೇವಡ ಪುಸ್ತಕತ್‍ಲ್ ಒಳ್‍ದಿ ಬೆಚ್ಚಿತುಳ್ಳನೆಕೆ, ನಂಗಡ ಪೂರ್ವ ಕಾಲತ್‍ರ ಅಜ್ಜಂಗ, ಮಣಬೂಮಿಲ್ ಮನ್ನಾ ಎಣ್ಣ್‌ವದ್‍ನ ತಿಂದತಲ್ಲಾಂದ್ ಎಣ್ಣ್‌ಚಿ.

ಯೋಹಾನ 6:58

ಪರಲೋಕತ್ಂಜ ಇಳಿಂಜಿ ಬಂದ ಒಟ್ಟಿ ಇದೇ. ಇದ್ ನಿಂಗಡ ಮುತ್ತಜ್ಜಂಗ ತಿಂದ ಮನ್ನಾರನೆಕೆ ಇಲ್ಲೆ, ಅಯಿಂಗ ಅದ್‍ನ ತಿಂದತೇಂಗಿಯು ಜೀವ ಇಲ್ಲತೆ ಚತ್ತ್ ಪೋಚಿ, ಆಚೇಂಗಿ ಈ ಒಟ್ಟಿನ ತಿಂಬಯಿಂಗ ಎಕ್ಕಾಲು ಬದ್‍ಕಾವಾಂದ್ ಎಣ್ಣ್‌ಚಿ.

ಯೂದ ಒಳ್‍ದ್‍ನ ಕಾಗದ 1:5

ಆನಗುಂಡ್, ನಿಂಗಕ್ ಇದೆಲ್ಲ ಗೊತ್ತ್ಂಜತೇಂಗಿಯು, ನಿಂಗ ಅದ್‍ನ ಗೇನ ಬೆಕ್ಕಂಡೂಂದ್ ಪುನಃ ನಾನ್ ನಿಂಗಕ್ ಎಣ್ಣ್‌ವಿ. ಅದ್ ಎಂತ ಎಣ್ಣ್‌ಚೇಂಗಿ: ಒಡೆಯ ಇಸ್ರಾಯೇಲ್ ಜನತ್‍ನ ಐಗುಪ್ತ ದೇಶತ್ಂಜ ಪೊರಮೆ ಕಾಕ್‍ವಂಜಿ ಕಾಪಾಡ್‍ಚಿ. ಆಚೇಂಗಿ, ಅಂವೊಂಡ ಮೇಲೆ ನಂಬಿಕೆ ಬೆಕ್ಕತಯಿಂಗಳ ಬಯ್ಯ ಪಾಳ್ ಮಾಡ್‍ಚಿ.

ಪ್ರಕಟನೆ 2:17

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗಕ್, ನಾನ್ ಮುಚ್ಚಿತ್ ಬೆಚ್ಚಿತುಳ್ಳ ಮನ್ನಾನ ತಿಂಬಕ್ ಕೊಡ್‌ತಿತ್, ಅಂವೊಂಗ್ ಬೊಳ್‍ತ ಗುರ್‍ತ್‍ರ ಕಲ್ಲ್‌ನ ಕೊಡ್‍ಪಿ. ಆ ಕಲ್ಲ್‌ಲ್ ಒಳ್‍ದಿತುಳ್ಳದ್‍ನ, ಆ ಕಲ್ಲ್ ಕ್‍ಟ್ಟ್‌ನಂವೊಂಗ್ ಅಲ್ಲತೆ ಬೋರೆ ಒಬ್ಬಂಗು ಗೊತ್ತಾಪಕ್ಕಾಗತ ಪುದಿಯ ಪೆದತ್‍ನ ಅಂವೊಂಗ್ ಕೊಡ್‍ಪಿ. ಇನ್ನನೆ ಒಳ್‍ದ್.