ಯೋಹಾನ 6:41 - ಕೊಡವ ಬೈಬಲ್

⁴¹ ನಾನ್ ಪರಲೋಕತ್ಂಜ ಬಂದ ಒಟ್ಟೀಂದ್ ಯೇಸು ಎಣ್ಣ್‌ನದ್‍ನ ಕ್‍ೕಟಿತ್ ಯೆಹೂದ್ಯಂಗ ಗೊಣಗ್‍ವಕ್ ಸುರು ಮಾಡ್‍ಚಿ.

ಯೋಹಾನ 6:41 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:2

ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಇದ್‍ನ ನೋಟ್‌ವಂಜಿ: ಈ ಮನುಷ್ಯ ಕೆಟ್ಟ ಜನಡ ಕೂಡೆ ಕೂಟ್‍ಕೂಡಿಯಂಡ್ ಅಯಿಂಗಡ ಕೂಡೆ ಉಂಬಲ್ಲಾಂದ್ ಗೊಣಗ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:7

ಅಲ್ಲಿಯತ್‍ರ ಜನ ಇದ್‍ನ ಕಂಡದು ಪಾಪ ಮಾಡ್‍ನಂವೊಂಡ ಮನೆಕ್ ಬೆಂದ್‌ವಾಯಿತ್ ಪೋಪಲ್ಲಾಂದ್ ಗೊಣಗ್‍ವಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:30

ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ, ಯೇಸುರ ಶಿಷ್ಯಂಗಡ ಪಕ್ಕ ಬಂತ್: ನಿಂಗ ಎನ್ನಂಗ್ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಡಂಡ್ ಕುಡಿಚಂಡ್ ಉಂಡ್‍ೕಂದ್ ಕ್‍ೕಟತ್.

ಯೋಹಾನ 1:19

ಯೆರೂಸಲೇಮ್ ಪಟ್ಟಣತ್ಂಜ ಯೆಹೂದ್ಯಂಗಡ ಅದಿಕಾರಿಯಂಗ, ಚೆನ್ನ ಯಾಜಕಂಗಳ ಪಿಂಞ ಲೇವಿಯ ಜನಳ ಯೋಹಾನಂಡ ಪಕ್ಕ ಅಯಿಚಿತ್, ನೀನ್ ದಾರ್‍ೕಂದ್ ಕ್‍ೕಪಕ,

ಯೋಹಾನ 6:33

ಪರಲೋಕತ್ಂಜ ಇಳ್ಂಜಿ ಬಂದಿತ್ ಈ ಲೋಕತ್‍ರ ಮನುಷ್ಯಂಗಕಾಯಿತ್ ಜೀವ ತಪ್ಪ ಒಟ್ಟಿಯೇ ದೇವ ತಪ್ಪ ಒಟ್ಟೀಂದ್ ಎಣ್ಣ್‌ಚಿ.

ಯೋಹಾನ 6:43

ಅದ್ಂಗ್ ಯೇಸು ಇನ್ನನೆ ಜವಾಬ್ ಕೊಡ್‍ತತ್: ನಿಂಗ ಗೊಣಗುವಾನ ನಿಪ್ಪ್‌ಚಿಡಿ.

ಯೋಹಾನ 6:48

ಎನ್ನಂಗೆಣ್ಣ್‌ಚೇಂಗಿ, ಜೀವ ತಪ್ಪ ಒಟ್ಟಿ ನಾನೇ.

ಯೋಹಾನ 6:58

ಪರಲೋಕತ್ಂಜ ಇಳಿಂಜಿ ಬಂದ ಒಟ್ಟಿ ಇದೇ. ಇದ್ ನಿಂಗಡ ಮುತ್ತಜ್ಜಂಗ ತಿಂದ ಮನ್ನಾರನೆಕೆ ಇಲ್ಲೆ, ಅಯಿಂಗ ಅದ್‍ನ ತಿಂದತೇಂಗಿಯು ಜೀವ ಇಲ್ಲತೆ ಚತ್ತ್ ಪೋಚಿ, ಆಚೇಂಗಿ ಈ ಒಟ್ಟಿನ ತಿಂಬಯಿಂಗ ಎಕ್ಕಾಲು ಬದ್‍ಕಾವಾಂದ್ ಎಣ್ಣ್‌ಚಿ.

ಯೋಹಾನ 6:60

ಅಂವೊಂಡ ಶಿಷ್ಯಂಗಡಲ್ಲಿ ದುಂಬ ಜನ ಈ ಬೋದನೆನ ಕ್‍ೕಟಿತ್: ಈ ಬೋದನೆ ದುಂಬ ಕಠಿಣವಾಯಿತುಂಡ್, ದಾರ್ ಇದ್‍ನ ಸ್ವೀಕಾರ ಮಾಡ್‌ವಾಂದ್ ಎಣ್ಣ್‌ಚಿ.

ಯೋಹಾನ 6:66

ಇದಾನ ಪಿಂಞ ಅಂವೊಂಡ ಶಿಷ್ಯಂಗ ಸುಮಾರ್ ಜನ ಯೇಸುರ ಕೂಡೆ ಪೋಪದ್‌ನ ನಿಪ್ಪ್‌ಚಿಟ್ಟತ್.

ಯೋಹಾನ 7:12

ಯೇಸುರ ವಿಷಯತ್‍ಲ್ ಜನಾಂಗ ಗೊಣಗಿಯಂಡ್ ಇಂಜತ್. ಚೆನ್ನ ಜನ: ಅಂವೊ ನಲ್ಲಂವೋಂದ್ ಎಣ್ಣ್‌ಚಿ; ಚೆನ್ನ ಜನ: ಅನ್ನನೆ ಅಲ್ಲ, ಅಂವೊ ಜನಳ ಮೋಸಮಾಡಿಯಂಡುಂಡ್‍ೕಂದ್ ಎಣ್ಣಿಯಂಡಿಂಜತ್.

1 ಕೊರಿಂಥ 10:10

ಅಯಿಂಗಡಲ್ಲಿ ಚೆನ್ನ ಜನ ಗೊಣಗ್‍ಚಿ, ಅಕ್ಕ ನಾಶ ಮಾಡ್‌ವಂವೊನಗುಂಡ್ ಅಯಿಂಗ ಚತ್ತ್ ಪೋಚಿ; ಅನ್ನನೆ ನಂಗಳು ಮಾಡತೆ ಇಕ್ಕನ.

ಯೂದ ಒಳ್‍ದ್‍ನ ಕಾಗದ 1:16

ಈಂಗ ಗೊಣಗುವಯಿಂಗಳು, ಕುತ್ತಪರಿಯುವಯಿಂಗಳು, ತಂಗಡ ತಂಗಡ ಕೆಟ್ಟ ಆಸೆನೆ ಪೂರ್ತಿ ಮಾಡ್‌ವಯಿಂಗಳಾಯಿತುಂಡ್. ಅಯಿಂಗ ಅಯಿಂಗಳ ಹೊಗಳ್‍ಚಿಟ್ಟಂಡ್, ಅಯಿಂಗಕ್ ಬೋಂಡಿಯಾನದ್ ಕ್‍ಟ್ಟ್‌ವಕಾಯಿತ್ ಬೋರೆಯಿಂಗಳ ಕೊಂಡಾಡುವ.