ಯೋಹಾನ 6:29 - ಕೊಡವ ಬೈಬಲ್

²⁹ ಅಯಿಂಗಕ್ ಯೇಸು: ಅಂವೊ ಅಯಿಚಂವೊನ ನಿಂಗ ನಂಬವುದೇ, ದೇವಕ್ ತಕ್ಕಂತ ಕ್ರಿಯೇಂದ್ ಉತ್ತರ ಕೊಡ್‍ತತ್.

ಯೋಹಾನ 6:29 ပူးပေါင်းရင်းမြစ်များ

ಮತ್ತಾಯ 17:5

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಯೋಹಾನ 3:36

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 6:28

ಅಕ್ಕ ಅಯಿಂಗ ಅಂವೊಂಗ್: ದೇವಕ್ ತಕ್ಕಂತ ಕ್ರಿಯೇನ ಮಾಡ್‌ವಕ್ ಎಂತ ಮಾಡಂಡೂಂದ್ ಕ್‍ೕಟತ್.

ಯೋಹಾನ 6:38

ಎನ್ನಂಗೆಣ್ಣ್‌ಚೇಂಗಿ, ನಾನ್ ಪರಲೋಕತ್ಂಜ ಬಂದದ್ ನಾಡ ಇಷ್ಟ ಪ್ರಕಾರ ಕ್ರಿಯೆ ಮಾಡ್‌ವಕ್ ಅಲ್ಲ, ದಾರ್ ನನ್ನ ಅಯಿಚತೋ ಅಂವೊಂಡ ಚಿತ್ತತ್‍ರ ಪ್ರಕಾರ ಕ್ರಿಯೆ ಮಾಡ್‌ವಕ್ ಬಂದಿಯೆ.

ಯೋಹಾನ 6:57

ನನ್ನ ಅಯಿಚ ಜೀವವಾಯಿತುಳ್ಳ ಅಪ್ಪನಾನ ದೇವ ಎಲ್ಲಾರ್‌ಕು ಜೀವ ತಪ್ಪಂವೊ. ಅಂವೊನಗುಂಡ್ ನಾಕ್ ಜೀವ ಉಂಡ್. ನಾಕ್ ಜೀವ ಉಳ್ಳನೆಕೆ, ನನ್ನ ತಿಂಬಯಿಂಗಕ್ ನನ್ನಗುಂಡ್ ಜೀವ ಇಪ್ಪ.

ಅಪೊಸ್ತಲ 16:31

ಅದ್ಂಗ್ ಅಯಿಂಗ: ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಿ, ಅಕ್ಕ ನೀಕು ನೀಡ ಮನೆಕಾರಂಗಕು ರಕ್ಷಣೆ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

1 ಥೆಸಲೊನೀಕ 1:3

ನಿಂಗಡ ನಂಬಿಕೇರಗುಂಡ್ ನಿಂಗಡ ಬದ್‍ಕ್‍ಲ್ ಕಾಟಿಯಂಡ್ ಉಳ್ಳ ನಿಂಗಡ ನಲ್ಲ ಕೆಲಸ, ನಿಂಗಡ ಪ್ರೀತಿನಗುಂಡ್ ನಿಂಗ ಜನಕ್ ಮಾಡ್‌ವ ಸಹಾಯ, ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಿರೀಕ್ಷೇರಗುಂಡ್ ನಿಂಗಡ ಸಹಿಸುವ ಗುಣ, ನಂಗಕ್ ಗೊತ್ತಾನಗುಂಡ್, ನಿಂಗಕಾಯಿತ್ ನಂಗ ದೇವಡ ಪಕ್ಕ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಂಡ್.

ಇಬ್ರಿಯ 5:9

ಅಂವೊನ ದೇವ ಪರಿಪೂರ್ಣ ಮಾಡ್‍ನ ಪಿಂಞ, ಒರ್ ಮಾಹಾ ಯಾಜಕನಾಯಿತ್, ಅಂವೊಂಗ್ ತಗ್ಗಿತ್ ನಡ್‍ಪಯಿಂಗ ಎಲ್ಲಾರ್‌ಕು ನಿತ್ಯ ರಕ್ಷಣೆನ ತಪ್ಪಕುಳ್ಳಂವೊನಾಯಿತ್ ಆಚಿ.

ಯಾಕೋಬ 2:22

ನಂಬಿಕೆ ಪಿಂಞ ಕ್ರಿಯೆ ದಂಡು ಒಕ್ಕಚೆ ಕ್ರಿಯೆ ಮಾಡ್‌ನಗುಂಡ್‌ ಅಂವೊಂಡ ನಂಬಿಕೆ ಪೂರ್ತಿ ಆಚೀಂದ್ ನೋಟ್‌ವಿರಲ್ಲ?

1 ಯೋಹಾನ 3:23

ದೇವಡ ಆಜ್ಞೆ ಎಂತ್‍ೕಂದ್ ಎಣ್ಣ್‌ಚೇಂಗಿ: ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಪೆದತ್‍ನ ನಂಬಿತ್ ಅಂವೊ ನಂಗಕ್ ಆಜ್ಞೆ ಮಾಡ್‍ನನೆಕೆ ನಂಗ ಒಬ್ಬೊಬ್ಬನ ಪ್ರೀತಿ ಮಾಡ್‌ವದೇ.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.

ಪ್ರಕಟನೆ 2:26

ದಾರೆಲ್ಲಾ ಗೆಲ್ಲುವ ಪಿಂಞ ಆಕೀರ್‌ಕತ್ತನೆ ನಾಡ ಕ್ರಿಯೇಲ್ ನಡ್‍ಪ, ಅಯಿಂಗಕ್ ಎಲ್ಲಾ ಜನಡಮೇಲೆ ಅದಿಕಾರ ತಪ್ಪಿ.