ಯೋಹಾನ 6:2 - ಕೊಡವ ಬೈಬಲ್

² ಅಂವೊ ಕಾಯಿಲೆಸ್ತಂಗಡ ಮದ್ಯತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನ ದುಂಬ ಜನ ನೋಟ್‍ನಗುಂಡ್, ಅಂವೊಂಡ ಬಯ್ಯಕ್ ಅಯಿಂಗ ಎಲ್ಲಾರು ಪೋಚಿ.

ಯೋಹಾನ 6:2 ပူးပေါင်းရင်းမြစ်များ

ಮತ್ತಾಯ 12:15

ಯೇಸುಕ್ ಇದ್ ಗೊತ್ತಾನಗುಂಡ್ ಅಲ್ಲಿಂಜ ದೂರ ಪೋಚಿ. ಅಂವೊಂಡ ಬಯ್ಯಕ್ ದುಂಬ ಜನ ಪೋಯಂಡಿಂಜತ್, ಅಯಿಂಗಡ ಕೂಡೆ ಇಂಜ ಎಲ್ಲಾ ರೋಗಿಯಳ ಅಂವೊ ವಾಸಿ ಮಾಡ್‍ಚಿ.

ಮತ್ತಾಯ 13:2

ದುಂಬ ಜನ ಕೂಡಿಬಂದಗುಂಡ್ ಯೇಸು ಪೋಯಿತ್ ಅಲ್ಲಿ ಇಂಜ ಒರು ದೋಣಿಲ್ ಅಳ್‌ತಂಡತ್. ಜನಡ ಕೂಟ ಕೆರೆರ ಬರಿಲ್ ನಿಂದಂಡಿಂಜತ್. ದುಂಬ ವಿಷಯತ್‍ನ ಅಯಿಂಗಕ್ ಕಥೇರ ರೂಪತ್‌ಲ್ ಎಣ್ಣಿ ಕೊಡ್‍ತಂಡಿಂಜತ್.

ಮತ್ತಾಯ 14:14

ಯೇಸು ದೋಣಿಯಿಂಜ ಇಳಿವಕ ದುಂಬ ಜನಡ ಗುಂಪ್‍ನ ಕಂಡಿತ್, ಅಯಿಂಗಡ ಮೇಲೆ ಕನಿಕರ ಪಟ್ಟಿತ್, ಅಯಿಂಗಡಡೆಲ್ ಕಾಯಿಲೆ ಉಳ್ಳಯಿಂಗಳ ವಾಸಿ ಮಾಡ್‍ಚಿ.

ಮತ್ತಾಯ 8:1

ಯೇಸು ಕುಂದ್ಂಜ ಅಡಿಕ್ ಇಳ್ಂಜಿತ್ ಬಂದ ಪಿಂಞ ಬಲ್ಯ ಗುಂಪ್‍ರ ಜನ ಅಂವೊಂಡ ಬಯ್ಯತ್ ಪೋಚಿ.

ಮಾರ್ಕ 1:45

ಆಚೇಂಗಿ ಯೇಸು ಎಣ್ಣ್‌ನ ಪ್ರಕಾರ ಅಂವೊಂಡ ತಕ್ಕ್ ಕ್‍ೕಕತೆ ಈ ನಲ್ಲ ವಿಷಯತ್‍ನ ಎಲ್ಲಾ ಜಾಗತ್‍ಲು ಎಣ್ಣಿಯಂಡ್ ಪೋಚಿ. ಅದ್ಂಗಾಯಿತ್ ಯೇಸುಕ್ ಪೊರಮೆ ಪೋಪಕ್ ಕಯ್ಯತಾಚಿ. ಆನಗುಂಡ್ ಯೇಸು ದಾರೂ ಇಲ್ಲತ ಜಾಗತ್‍ಲ್ ಇಂಜತ್. ಆಚೇಂಗಿಯು ಯೇಸುರ ಪಕ್ಕ ದುಂಬ ಜನ ಬಾತ್.

ಮಾರ್ಕ 6:33

ದುಂಬ ಜನಕ್ ಈ ದೋಣಿಲ್ ಪೋಪಯಿಂಗ ದಾರ್‍ೕಂದ್ ಗೊತ್ತಾಯಿ ಪೋಚಿ. ಅಯಿಂಗ ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಆ ಕರೆಕ್ ಬಪ್ಪಕ್ ಮಿಂಞಲೇ ಓಡಿ ಪೋಯಿತ್ ಎತ್ತ್‌ಚಿ.

ಯೋಹಾನ 11:47

ಅಕ್ಕ ಮುಕ್ಯ ಯಾಜಕಂಗಳು, ಫರಿಸಾಯಂಗಳು, ಯೆಹೂದ್ಯಂಗಡ ಆಲೋಚನೆ ಸಬೇನೆ ಕಾಕುವಂಜಿ: ಇಂವೊನ ನಂಗ ಎಂತ ಮಾಡನಾಂದ್ ತಕ್ಕ್ ಪರ್ಂದತ್. ನೋಟಿ ಅಂವೊ ದುಂಬ ಅದ್ಬುತ ಕಾರ್ಯತ್‍ನ ಮಾಡಿಯಂಡ್ ಉಂಡ್,

ಯೋಹಾನ 12:18

ಯೇಸು ಇನ್ನನೆ ಅದ್ಬುತ ಕಾರ್ಯ ಮಾಡ್‌ನಾಂಗ್, ಯೇಸುನ ಕಾಂಬಕ್ ಜನಡ ಗುಂಪ್ ಪೋಯಂಡಿಂಜತ್.

ಯೋಹಾನ 12:37

ಯೇಸು ಇಚ್ಚಕೆಲ್ಲಾ ಅದ್ಬುತ ಕಾರ್ಯ ಈಂಗಡ ಮಿಂಞತ್‍ಲ್ ಮಾಡಿತಿಂಜತೇಂಗಿಯು, ಜನ ಅಂವೊನ ನಂಬುವಕಿಂಜಿಲೆ.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 2:23

ಪಸ್ಕ ನಮ್ಮೆರ ಸಮಯತ್‍ಲ್ ಯೇಸು ಯೆರೂಸಲೇಮ್‍ಲ್ ಇಪ್ಪಕಾಪಕ, ಅಂವೊ ಮಾಡ್‍ನ ಅದ್ಬುತ ಕಾರ್ಯತ್‍ನೆಲ್ಲ ನೋಟಿತ್, ದುಂಬ ಜನ ಅಂವೊಂಡ ಪೆದತ್‍ರ ಮೇಲೆ ನಂಬಿಕೆ ಬೆಚ್ಚತ್.

ಯೋಹಾನ 20:30

ಈ ಪುಸ್ತಕತ್‍ಲ್ ಒಳ್‍ದ್‍ನದ್ ಅಲ್ಲತೆ, ಇಂಞು ದುಂಬ ಅದ್ಬುತ ಕಾರ್ಯತ್‍ನ ತಾಂಡ ಶಿಷ್ಯಂಗಡ ಮಿಂಞತ್‍ಲ್ ಮಾಡಿತ್ಂಜತ್.

ಯೋಹಾನ 3:2

ಅಂವೊ, ಒರ್ ಬಯಿಟ್ ಯೇಸುರ ಪಕ್ಕ ಪೋಯಿತ್: ಉಪಾದ್ಯನೇ, ನೀನ್ ದೇವ ಅಯಿಚಿತುಳ್ಳ ಉಪಾದ್ಯಾಂದ್ ನಂಗಕ್ ಗೊತ್ತುಂಡ್. ಎನ್ನಂಗೆಣ್ಣ್‌ಚೇಂಗಿ, ದಾರ್ ಒಬ್ಬಂಡ ಕೂಡೆ ದೇವ ಉಂಡೋ ಅಂವೊಂಗ್ ಮಾತ್ರ ನೀನ್ ಮಾಡ್‌ವನೆಕೆ ಇನ್ನತಾನ ಅದ್ಬುತ ಕಾರ್ಯತ್‍ನ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಯೋಹಾನ 6:14

ಯೇಸು ಮಾಡ್‍ನ ಈ ಅದ್ಬುತ ಕಾರ್ಯತ್‍ನ ಕಂಡ ಜನ ನೇರಾಯಿತು ಇಂವೊ ಈ ಲೋಕಕ್ ಬಪ್ಪಕಿಂಜ ಪ್ರವಾದೀಂದ್ ಎಣ್ಣ್‌ಚಿ.

ಯೋಹಾನ 6:22

ಪಿತ್ಯಾಂದ್ ಕೆರೆರ ಆಬರಿಲ್ ಇಂಜ ಜನಾಂಗಕ್, ಯೇಸುರ ಶಿಷ್ಯಂಗ ಪತ್ತ್‌ಚಿಟ್ಟ ಆ ಒರ್ ದೋಣಿನ ಬುಟ್ಟಿತ್ ಬೋರೆ ದೋಣಿ ಇಂಜಿತಿಲ್ಲೇಂದೂ, ಯೇಸು ಅಂವೊಂಡ ಶಿಷ್ಯಂಗಡ ಕೂಡೆ ದೋಣಿಲ್ ಪೋಯಿತ್‌ಲ್ಲೇಂದು ಗೊತ್ತ್ಂಜತ್.

ಯೋಹಾನ 6:26

ಯೇಸು ಅಯಿಂಗಳ ನೋಟಿತ್: ನಿಂಗ ನಾನ್ ಮಾಡ್‍ನ ಅದ್ಬುತ ಕಾರ್ಯತ್‍ನೆಲ್ಲ ಕಂಡಿತ್ ನಾನ್ ದಾರ್‍ೕಂದ್ ಗೊತ್ತಾನಗುಂಡ್ ನಿಂಗ ನಾಡ ಬಯ್ಯಕ್ ಬಂದಂಡಿಲ್ಲೆ, ನಿಂಗ ಒಟ್ಟಿನ ತಿಂದಿತ್ ತೃಪ್ತಿಯಾನಗುಂಡ್ ಮಾತ್ರ ನಾಡ ಬಯ್ಯಕ್ ಬಂದಂಡುಂಡ್‍ೕಂದ್ ನೇರಾಯಿತು ನೇರಾಯಿತು ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ಯೋಹಾನ 6:30

ಅದ್ಂಗ್ ಅಯಿಂಗ: ಅನ್ನನೆ ಆಚೇಂಗಿ, ನಿನ್ನ ನಂಗ ನಂಬುವನೆಕೆ ನೀನ್ ಎಂತ ಅದ್ಬುತ ಕಾರ್ಯತ್‍ನ ಮಾಡಿತ್ ಕಾಟ್‌ವಿಯಾ? ನೀನ್ ಎಂತ ಕ್ರಿಯೇನ ಮಾಡ್‌ವಿಯಾ?