ಯೋಹಾನ 6:19 - ಕೊಡವ ಬೈಬಲ್

¹⁹ ಅಯಿಂಗ ಮೂಂದ್ ಅಥವ ನಾಲ್ ಮೈಲ್ ದೋಣಿನ ದೂಡಿಯಂಡ್ ಪೋಯಂಡಿಪ್ಪಕ, ಯೇಸು ನೀರ್‌ರ ಮೇಲೆ ನಡ್‌ದಂಡ್ ಬಪ್ಪದ್‍ನ ಕಂಡತ್. ಅಂವೊ ದೋಣಿರ ಪಕ್ಕ ಬಪ್ಪಕಾಪಕ ಶಿಷ್ಯಂಗಕೆಲ್ಲ ದುಂಬ ಪೋಡಿ ಆಚಿ.

ಯೋಹಾನ 6:19 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:13

ಅದಂಡ ಬದ್‌ಲ್‌ ಅಯಿಂಗ, ಕಯ್ಯುವಚ್ಚಕ್‌ ಹಡಗ್‌ನ ಕಡಲ್‌ರ ಕರೆಕ್‌ ತಳ್ಳಿಯಂಡ್‌ ಪೋಪಕ್‌ ಪ್ರಯತ್‌ನಪಟ್ಟತ್. ಆಚೇಂಗಿ ಬಿರ್‌ಗಾಳಿ ಇಂಞು ಜೋರಾಯಿತ್‌ ಪೊಜ್ಜಂಗ್‌ ಅಯಿಂಗಕ್‌ ಎಲ್ಲಿಕು ಪೋಪಕ್‌ ಕಯಿಂಜಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:13

ಅದೇ ದಿವಸ ಯೇಸುರ ದಂಡ್ ಶಿಷ್ಯಂಗ ಯೆರೂಸಲೇಮ್ಂಜ ಸುಮಾರ್ ಏಳ್ ಮೈಲ್ ದೂರತ್‍ಲುಳ್ಳ ಎಮ್ಮಾಹು ಎಣ್ಣುವ ಊರ್‌ಕ್ ಪೋಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:42

ಆ ಕ್‌ಣ್ಣನ ಕಾಕಿಯಂಡ್ ಬಪ್ಪಕ, ಅಂವೊಂಡ ಮೇಲ್‌ಲ್ ಉಳ್ಳ ಕೂಳಿ ಅಂವೊನ ಅಡಿಕ್ ತಳ್ಳಿತ್ ಅಂವೊನ ದುಂಬ ಕುಲ್‌ಕ್‍ಚಿ. ಯೇಸು ಕೂಳಿನ ಚೂಕಿತ್, ಕುಂಞಿನ ವಾಸಿ ಮಾಡಿತ್ ಅಂವೊಂಡ ಅಪ್ಪಂಡ ಪಕ್ಕ ಅಯಿಚತ್.

ಯೋಹಾನ 11:18

ಯೆರೂಸಲೇಮ್ಂಜ ಬೇಥಾನ್ಯಕ್ ಸುಮಾರ್ ಮೂಂದ್ ಕಿಲೊ ಮೀಟರ್ ದೂರ ಇಂಜತ್.

ಯೋಹಾನ 14:18

ನಾನ್ ನಿಂಗಳ ತಬ್ಬಲಿಯಂಗಡನೆಕೆ ಬುಡುಲೆ. ನಾನ್ ನಿಂಗಡ ಪಕ್ಕ ಬಪ್ಪಿ.

ಯೋಹಾನ 6:18

ಅನ್ನನೆ ಪೋಯಂಡಿಪ್ಪಕ, ಜೋರಾಯಿತ್ ಬಿರ್‌ಗಾಳಿ ಬೀಜುವಂಜಿ, ಕಡಲ್‍ಲ್ ಬಲ್ಯ ಬಲ್ಯ ಅಲೆ ಬಂದಂಡಿಂಜತ್.

ಯೋಹಾನ 6:20

ಯೇಸು ಅಯಿಂಗಕ್: ಪೋಡಿ ಬೋಂಡ. ಇದ್ ನಾನೇಂದ್ ಎಣ್ಣ್‌ಚಿ.

ಪ್ರಕಟನೆ 14:20

ಪಟ್ಟಣತ್‍ರ ಪೊರಮೆ ಉಳ್ಳ ದ್ರಾಕ್ಷಿ ಕುಂಡ್‍ಲ್ ಅದ್‍ನ ಚೌಟ್‌ವಕಿಂಜತ್. ಆ ಕುಂಡಿಂಜ, ಚೋರೆ ಪೊರಟಿತ್, ಕುದ್‍ರೆರ ಕಡಿವಾಣತ್‍ನ ಮುಟ್ಟ್‌ವಚ್ಚಕ್ ಎತ್ತರಕ್ ಪಿಂಞ ಇರ್ ನೂಯಿಟ ಒಯಿಂಬತ್ ಆರ್ ಕಿಲೊ ಮೀಟರ್ ದೂರಕ್ ಉಕ್ಕಿ ಪೋಚಿ.

ಪ್ರಕಟನೆ 21:16

ಆ ಪಟ್ಟಣ ಚದರವಾಯಿತ್ಂಜತ್. ಅದ್ಂಡ ಉದ್ದವೂ ಅಗಲವೂ ಸಮವಾಯಿತ್ಂಜತ್. ಅಂವೊ ಅಂವೊಂಡ ಕೈಯಿಲ್ ಇಂಜ ಕೋಲ್‍ಲ್ ಪಟ್ಟಣತ್‍ನ ಅಳ್‌ತೆ ಮಾಡ್‍ಚಿ. ಅಳ್‌ತೆ ದಂಡಾಯಿರತ ನಾನೂರ್ ಕಿಲೊ ಮೀಟರ್ ಇಂಜತ್. ಅದ್ಂಡ ಉದ್ದ ಅಗಲ ಎತ್ತರವೆಲ್ಲಾ ಸಮವಾಯಿತ್ಂಜತ್.