ಯೋಹಾನ 6:14 - ಕೊಡವ ಬೈಬಲ್

¹⁴ ಯೇಸು ಮಾಡ್‍ನ ಈ ಅದ್ಬುತ ಕಾರ್ಯತ್‍ನ ಕಂಡ ಜನ ನೇರಾಯಿತು ಇಂವೊ ಈ ಲೋಕಕ್ ಬಪ್ಪಕಿಂಜ ಪ್ರವಾದೀಂದ್ ಎಣ್ಣ್‌ಚಿ.

ಯೋಹಾನ 6:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಮತ್ತಾಯ 11:3

ಬಪ್ಪಕುಳ್ಳಂವೊ ನೀನಾ? ಅಥವ ಬೋರೆ ಒಬ್ಬ ಬಪ್ಪಕ್ ನಂಗ ಪಾರಕಾತಂಡಿರಂಡುವಾಂದ್ ಅಂವೊಂಡ ಪಕ್ಕ ಕ್‍ೕಪಕ್ ಎಣ್ಣ್‌ಚಿ.

ಮತ್ತಾಯ 21:11

ಇಂವೊ ಗಲಿಲಾಯತ್‍ಲ್ ಉಳ್ಳ ನಜರೇತ್‍ರ ಪ್ರವಾದಿ ಯೇಸೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:19

ಅಕ್ಕ ಅಂವೊ: ಎಂತ ಸಂಗತಿ ನಡ್ಂದತ್ ಎಣ್ಣಿಯಂಡ್ ಕ್‍ೕಟತ್. ಅದ್ಂಗ್ ಅಯಿಂಗ: ನಜರೇತ್‍ರ ಯೇಸುರ ವಿಷಯಾಂದ್ ಎಣ್ಣ್‌ಚಿ. ಅಂವೊ ದೇವಡ ಪಿಂಞ ಮನುಷ್ಯಂಗಡ ಮಿಂಞತ್‍ಲ್ ಅಂವೊಂಡ ಕ್ರಿಯೇಲು ತಕ್ಕ್‌ಲು ಶಕ್ತಿಯುಳ್ಳ ಪ್ರವಾದೀಂದ್ ಕಾಟಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:16

ಅಲ್ಲಿ ಉಳ್ಳಯಿಂಗಕೆಲ್ಲಾ ಪೋಡಿ ಆಯಿತ್, ನಂಗಡ ಕೂಟ್‌ಲ್ ಒರ್ ಬಲ್ಯ ಪ್ರವಾದಿ ಎದ್ದಿತುಂಡ್; ದೇವ ತಾಂಡ ಜನಳ ಕಾಪಾಡ್‌ವಕ್ ಬಾತ್‍ೕಂದ್ ದೇವನ ತುದಿಪಕ್ ಸುರು ಮಾಡ್‍ಚಿ.

ಯೋಹಾನ 1:21

ಅದ್ಂಗ್ ಅಯಿಂಗ: ಅನ್ನನಾಚೇಂಗಿ ನೀನ್ ದಾರ್? ನೀನ್ ಎಲೀಯಾನಾಂದ್ ಕ್‍ೕಟತ್. ಅದ್ಂಗ್ ಯೋಹಾನ: ನಾನ್ ಎಲೀಯ ಅಲ್ಲಾಂದ್ ಎಣ್ಣ್‌ಚಿ. ನೀನ್ ಪ್ರವಾದಿಯಾಂದ್ ಕ್‍ೕಟತ್, ಅಕ್ಕ ಅಂವೊ: ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 11:27

ಅದ್ಂಗ್ ಅವ: ಅಕ್ಕು ಒಡೆಯನೇ, ನೀನೇ ಕ್ರಿಸ್ತಾಂದ್ ನಂಬುವಿ, ನೀನೇ ಈ ಲೋಕಕ್ ಬಪ್ಪಕುಳ್ಳ ದೇವಡ ಮೋಂವೋಂದ್ ಎಣ್ಣ್‌ಚಿ.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 4:19

ಒಡೆಯನೇ, ನೀನ್ ಒರ್ ಪ್ರವಾದೀಂದ್ ನಾಕ್ ಗೊತ್ತಾಯಂಡುಂಡ್‍ೕಂದ್ ಆ ಪೊಣ್ಣಾಳ್ ಎಣ್ಣ್‌ಚಿ.

ಯೋಹಾನ 4:25

ಪಿಂಞ ಆ ಪೊಣ್ಣಾಳ್: ಕ್ರಿಸ್ತ ಎಣ್ಣುವ ಮೆಸ್ಸಿಯ ಬಪ್ಪಾಂದ್ ನಾಕ್ ಗೊತ್ತುಂಡ್. ಅಂವೊ ಬಪ್ಪಕ, ನಂಗಕ್ ಎಲ್ಲಾನ ಪಡಿಪ್‍ಚಿಡುವಾಂದ್ ಎಣ್ಣ್‌ಚಿ.

ಯೋಹಾನ 4:42

ಅಯಿಂಗ ಆ ಪೊಣ್ಣಾಳ್‌ಕ್, ಇಕ್ಕ ನಂಗ ನೀಡ ತಕ್ಕ್‌ನ ಕ್‍ೕಟಿತ್ ಇಂವೊನ ನಂಬಿತ್‌ಲ್ಲೆ, ನಂಗಳೇ ಅಂವೊಂಡ ತಕ್ಕ್‌ನ ಕ್‍ೕಟಿತ್, ನೇರಾಯಿತು ಇಂವೊನೇ ಈ ಲೋಕತ್‍ನ ಕಾಪಾಡ್‌ವ ರಕ್ಷಕನಾನ ಕ್ರಿಸ್ತಾಂದ್ ಗೊತ್ತಾನಗುಂಡ್ ನಂಬುವಾಂದ್ ಎಣ್ಣ್‌ಚಿ.

ಯೋಹಾನ 6:2

ಅಂವೊ ಕಾಯಿಲೆಸ್ತಂಗಡ ಮದ್ಯತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನ ದುಂಬ ಜನ ನೋಟ್‍ನಗುಂಡ್, ಅಂವೊಂಡ ಬಯ್ಯಕ್ ಅಯಿಂಗ ಎಲ್ಲಾರು ಪೋಚಿ.

ಯೋಹಾನ 6:26

ಯೇಸು ಅಯಿಂಗಳ ನೋಟಿತ್: ನಿಂಗ ನಾನ್ ಮಾಡ್‍ನ ಅದ್ಬುತ ಕಾರ್ಯತ್‍ನೆಲ್ಲ ಕಂಡಿತ್ ನಾನ್ ದಾರ್‍ೕಂದ್ ಗೊತ್ತಾನಗುಂಡ್ ನಿಂಗ ನಾಡ ಬಯ್ಯಕ್ ಬಂದಂಡಿಲ್ಲೆ, ನಿಂಗ ಒಟ್ಟಿನ ತಿಂದಿತ್ ತೃಪ್ತಿಯಾನಗುಂಡ್ ಮಾತ್ರ ನಾಡ ಬಯ್ಯಕ್ ಬಂದಂಡುಂಡ್‍ೕಂದ್ ನೇರಾಯಿತು ನೇರಾಯಿತು ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ಯೋಹಾನ 6:30

ಅದ್ಂಗ್ ಅಯಿಂಗ: ಅನ್ನನೆ ಆಚೇಂಗಿ, ನಿನ್ನ ನಂಗ ನಂಬುವನೆಕೆ ನೀನ್ ಎಂತ ಅದ್ಬುತ ಕಾರ್ಯತ್‍ನ ಮಾಡಿತ್ ಕಾಟ್‌ವಿಯಾ? ನೀನ್ ಎಂತ ಕ್ರಿಯೇನ ಮಾಡ್‌ವಿಯಾ?

ಯೋಹಾನ 7:40

ಅಲ್ಲಿ ಇಂಜ ಜನಡ ಗುಂಪ್‍ಯಿಂಜ ದುಂಬ ಜನ ಯೇಸು ಎಣ್ಣ್‌ನ ತಕ್ಕ್‌ನ ಕ್‍ೕಟಿತ್: ಇಂವೊ ನೇರಾಯಿತು ಒರ್ ಪ್ರವಾದೀಂದ್ ಎಣ್ಣ್‌ಚಿ.

ಅಪೊಸ್ತಲ 7:37

ನಿಂಗಡ ದೇವನಾನ ಒಡೆಯ ನಿಂಗಡ ಮದ್ಯತ್ಂಜ ನಾಡನೆಕೆ ಒರ್ ಪ್ರವಾದಿನ ನಿಂಗಕಾಯಿತ್ ಕೊಂಡ್ ಬಪ್ಪಾಂದ್ ಇಸ್ರಾಯೇಲ್ ಜನಕ್ ಎಣ್ಣ್‌ನ ಮೋಶೆ ಇಂವೊನೇ.