ಯೋಹಾನ 5:40 - ಕೊಡವ ಬೈಬಲ್

⁴⁰ ಅನ್ನನೆ ಇಂಜತೇಂಗಿಯು, ನಿಂಗಕ್ ನಿತ್ಯ ಜೀವ ಉಂಟಾಪಕ್ ನಾಡ ಪಕ್ಕ ಬಪ್ಪಕ್ ನಿಂಗಕ್ ಮನಸ್ಸಿಲ್ಲೆ.

ಯೋಹಾನ 5:40 ပူးပေါင်းရင်းမြစ်များ

ಮತ್ತಾಯ 22:3

ಅಡಿಗೆಯೆಲ್ಲಾ ತಯಾರಾನ ಪಿಂಞ, ಕಾಕ್‍ನಯಿಂಗಕ್ ಪೋಯಿತ್ ಗದ್ದಾಳ ತಯಾರಾಯಿತುಂಡೂಂದು, ನಿಂಗ ಬಪ್ಪಕ್ ಸಮಯ ಆಚೀಂದು ಎಣ್ಣ್‌ವಕ್ ಅಂವೊಂಡ ಆಳ್‍ವಳ ಅಯಿಚತ್. ಆಚೇಂಗಿ ಮಂಗಲಕ್ ಬಪ್ಪಕುಳ್ಳಯಿಂಗ ಬಪ್ಪ್‌ಲೇಂದ್ ಎಣ್ಣ್‌ಚಿ.

ಮತ್ತಾಯ 23:37

ಓ ಯೆರೂಸಲೇಮೇ, ಯೆರೂಸಲೇಮೇ, ಪ್ರವಾದಿಯಂಗಳ ಕೊಂದಿತ್ ದೇವ ಅಯಿಚ ಜನಳ ಕಲ್ಲ್ ಕನ್‍ಚಿತ್ ಕೊಲ್ಲುವ ಜನಳೇ, ಕೋಳಿ ತಾಂಡ ಕುಂಞಿಯಳ ರೆಕ್ಕೆರ ಒಳ್‍ಕ್ ಕೂಟಿಯಂಡ್ ಇಪ್ಪನೆಕೆ, ನೀಡ ಮಕ್ಕಳ ನಾನ್ ಸಹ ಕೂಟಿತ್ ರಕ್ಷಣೆ ಮಾಡ್‌ವಕ್ ಎಚ್ಚಕೋ ಕುರಿ ನಾಕ್ ಮನಸ್ಸ್ ಇಂಜತ್, ಆಚೇಂಗಿ ನಿಂಗಕ್ ನಾನ್ ಅನ್ನನೆ ಮಾಡ್‍ವದ್ ಕುಶಿಯಿಲ್ಲೆ.

ಯೋಹಾನ 1:11

ಅಂವೊ ತಾಂಡ ಸ್ವಂತ ಜನತ್‍ರ ಪಕ್ಕ ಬಾತ್, ಆಚೇಂಗಿ ಅಂವೊಂಡ ಸ್ವಂತ ಜನ ಅಂವೊನ ಸ್ವೀಕಾರ ಮಾಡಿತ್‌ಲ್ಲೆ.

ಯೋಹಾನ 10:10

ಕಳ್ಳ, ಬರಿ ಕಟ್ಟಂಡ್ ಪೋಪಕಾಯಿತು, ಕೊಲೆ ಮಾಡ್‌ವಕಾಯಿತು, ಪಾಳ್ ಮಾಡ್‌ವಕಾಯಿತು ಮಾತ್ರ ಬಪ್ಪ. ಆಚೇಂಗಿ, ನಾನ್ ಅಯಿಂಗಕ್ ನಿತ್ಯ ಜೀವ ಕ್‍ಟ್ಟ್‌ವಕು, ಆ ಜೀವತ್‍ನ ಅಯಿಂಗ ಪೂರ್ತಿಯಾಯಿತ್ ಅನುಬವಿಚಿಡುವಕು ಬಂದಿಯೆ.

ಯೋಹಾನ 3:19

ಅಯಿಂಗಕ್ ಶಿಕ್ಷೇರ ತೀರ್ಪ್ ಕ್‍ಟ್ಟುವಕ್ ಕಾರಣ ಎಂತ ಎಣ್ಣ್‌ಚೇಂಗಿ: ಅಂವೊ ಈ ಲೋಕಕ್ ಬೊಳಿಯಾಯಿತ್ ಬಾತ್, ಆಚೇಂಗಿ ಜನಡ ಕ್ರಿಯೆ ಕೆಟ್ಟದಾಯಿತ್ಂಜಗುಂಡ್, ಅಯಿಂಗ ಆ ಬೊಳಿಕಿಂಜ ಇರ್‌ಟ್‌ನ ಪ್ರೀತಿ ಮಾಡ್‍ಚಿ.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 5:41

ನಾನ್ ಮನುಷ್ಯಂಗ ಹೊಗಳುವದ್‍ನ ಸ್ವೀಕಾರ ಮಾಡುಲೆ.

ಯೋಹಾನ 5:44

ದೇವಡಯಿಂಜ ಮಾತ್ರ ಬಪ್ಪ ಮರ್ಯಾದೆನ ನಿಂಗ ತ್‍ೕಡತೆ, ಒಬ್ಬಂಗೊಬ್ಬ ಕೊಡ್‍ಪ ಮರ್ಯಾದೆನ ಸ್ವೀಕಾರ ಮಾಡ್‌ವ ನಿಂಗ, ನನ್ನ ಎನ್ನನೆ ನಂಬುವಕಯ್ಯು?

ಯೋಹಾನ 6:27

ಪಾಳಾಯಿ ಪೋಪ ಆಹಾರಕಾಯಿತ್ ಅಲ್ಲ ಆಚೇಂಗಿ ನಿಂಗಳ ನಿತ್ಯ ಜೀವಕತ್ತನೆ ಕೊಂಡ್ ಪೋಪ ಆಹಾರಕಾಯಿತ್ ಕ್ರಿಯೆ ಮಾಡಿ; ಅದ್‍ನ ಮನುಷ್ಯಕುಮಾರ ನಿಂಗಕ್ ತಪ್ಪ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅನ್ನನೆ ಮಾಡ್‌ವಕ್ ಅಪ್ಪನಾನ ದೇವ ಅಂವೊನ ಅದಿಕಾರಿಯಾಯಿತ್ ನೀಮಿಚಿಟ್ಟಿತುಂಡ್.

ಯೋಹಾನ 6:37

ಅಪ್ಪನಾನ ದೇವ ನಾಕ್ ತಪ್ಪಯಿಂಗೆಲ್ಲಾ, ನಾಡ ಪಕ್ಕ ಬಪ್ಪ. ನಾಡ ಪಕ್ಕ ಬಪ್ಪಯಿಂಗಳ ನಾನ್ ನೇರಾಯಿತು ಪೊರಮೆ ದೂಡಿತ್ ಇಡುಲೆ.

ಯೋಹಾನ 6:40

ಮೋಂವೊನ ನೋಟಿತ್, ಅಂವೊನ ನಂಬುವ ಎಲ್ಲಾರು ನಿತ್ಯ ಜೀವತ್‍ನ ಪಡೆಯುವದು, ನಾನ್ ಅಂವೊನ ಆಕೀರ್ ದಿವಸತ್‍ಲ್ ಎಪ್ಪ್‌ವದು ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

ರೋಮ್ 6:23

ಪಾಪತ್‍ರ ಸಂಬಳ ಚಾವ್; ದೇವಡ ಇನಾಮ್ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ಕ್‍ಟ್ಟ್‌ವ ನಿತ್ಯ ಜೀವ.

ಪ್ರಕಟನೆ 22:17

ಪವಿತ್ರಾತ್ಮನು ಮಂಗಲಕರ್ತಿಯು ಬಾರೀಂದ್ ಎಣ್ಣುವ; ಕ್‍ೕಪಯಿಂಗಳು ಬಾರೀಂದ್ ಎಣ್ಣಡ್; ಬಾಯಾರಿಕೆ ಉಳ್ಳಯಿಂಗ ಬರಡ್; ಕುಶಿಯುಳ್ಳಯಿಂಗ ಜೀವತ್‍ರ ನೀರ್‌ನ ಇನಾಮಾಯಿತ್ ಎಡ್‍ತಂಡ್ ಪೋಡ್.