ಯೋಹಾನ 5:4 - ಕೊಡವ ಬೈಬಲ್

⁴ ಓರೊಮ್ಮ, ದೇವದೂತ ಒಬ್ಬ ಬಂದಿತ್, ಆ ಗುಂಡಿಲ್ ಇಳಿಂಜಿತ್, ನೀರ್‌ನ ಕಲಕುವ; ಅನ್ನನೆ ನೀರ್ ಕಲ್‌ಂಗ್‍ನ ಪಿಂಞ, ದಾರ್ ಆದ್ಯವಾಯಿತ್ ಇಳಿಯುವ, ಅಯಿಂಗಕ್ ಏದ್ ತರ ಕಾಯಿಲೆ ಇಂಜತೇಂಗಿಯು ಅದ್ ವಾಸಿ ಆಪಕಿಂಜತ್.

ಯೋಹಾನ 5:4 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 6:4

ನೀಡ ಕಣ್ಣ್‌ಕ್ ವರ್‌ಕ್‌ ಬಕ್ಕತನೆಕೆ ನೋಟಿಯಂಡ್, ನೀಡ ಕಣ್ಣ್‌ರ ರೆಪ್ಪೆನ ಮುಚ್ಚತೆ, ನೀಡ ಸ್ನೇಹಿತಂಡ ಪಕ್ಕ ಪೋಯಿತ್, ನೀನ್‌ ತಗ್ಗ್‌ಚಿಟ್ಟಂಡ್, ನೀಡ ಪೆದತ್‌ನ ಅಳಿಚಿಡುವಕ್‌ ಅಂವೊನ ಬೋಡಿಯ.

ಜ್ಞಾನತ್‌ರ ಪಡಿಮ 8:17

ನನ್ನ ಪ್ರೀತಿಚಿಡುವಯಿಂಗಳ ನಾನ್‌ ಪ್ರೀತಿಚಿಡುವಿ. ನನ್ನ ನೇರಾಯಿತು ತ್‍ೕಡ್‌ವಯಿಂಗ ನನ್ನ ಕಂಡಿತವಾಯಿತ್‌ ಕಂಡ್‌ಪುಡಿಪ.

ಮತ್ತಾಯ 11:12

ದೀಕ್ಷಾಸ್ನಾನ ತಪ್ಪ ಯೋಹಾನ ಪರಲೋಕ ರಾಜ್ಯತ್‍ರ ವಿಷಯತ್‍ನ ಬೋದನೆ ಮಾಡ್‌ವಕ್ ಸುರು ಮಾಡ್‍ನ ಕಾಲತ್ಂಜ ಇಲ್ಲಿಕತ್ತನೆ, ಪರಲೋಕ ರಾಜ್ಯ ಬಲ್ಯದಾಯಂಡುಂಡ್ ಪಿಂಞ ಜನ ಅದ್‍ನ ಅಯಿಂಗಡ ಅಡಿಕ್ ಕೊಂಡ್ ಬಪ್ಪಕ್ ಪ್ರಯತ್ನಪಟ್ಟಂಡುಂಡ್; ಆಚೇಂಗಿ ಅದ್ಂಡಮೇಲೆ ಕುಶಿಯುಳ್ಳಯಿಂಗಡಗುಂಡ್ ಪರಲೋಕ ರಾಜ್ಯ ಮಿಂಞಕ್ ಪೋಯಂಡುಂಡ್.

ಮತ್ತಾಯ 6:33

ಆಚೇಂಗಿ ಎಲ್ಲಾಕಿಂಜ ಮಿಂಞ ದೇವಡ ರಾಜ್ಯತ್‍ನ, ನೀತಿನ ತ್‍ೕಡಿ, ಅಕ್ಕ ಇದ್‍ನೆಲ್ಲ ನಿಂಗಕ್ ಕೂಟಿ ತಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:24

ಅದ್ಂಗ್ ಯೇಸು: ಪರಲೋಕಕ್ ಪೋಪ ಪಡಿ ದುಂಬ ಇರ್ಂಗ್‍ನದ್. ನಿಂಗ ಇರ್ಂಗ್‍ನ ಬಾಯಿಕಂಡಿಲ್ ಪೋಪಕ್ ಕಷ್ಟಪಡಿ. ದುಂಬ ಜನ ಇಕ್ಕಟಾನ ಪಡಿರ ಮೂಲಕ ಒಳ್‍ಕ್ ಪೋಪಕ್ ನೋಟ್‍ವ, ಆಚೇಂಗಿ ಅಯಿಂಗಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:16

ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ಲ್ ಎಣ್ಣ್‌ನನೆಕೆ ಜನ ನಡ್‍ಕಂಡೂಂದ್ ಆಜ್ಞೆ ಮಾಡಿತ್ಂಜತ್. ಯೋಹಾನಂಡ ಸಮಯಕತ್ತನೆ ಇನ್ನನೆ ಆಯಂಡಿಂಜತ್. ಆಚೇಂಗಿ ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಸಮಯತ್ಂಜ ದೇವಡ ರಾಜ್ಯತ್‍ರ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್. ದುಂಬ ಜನ ದೇವಡ ರಾಜ್ಯತ್‍ರ ಒಳ್‍ಕ್ ಪೋಪಕ್ ಪ್ರಯತ್ನಪಟ್ಟಂಡುಂಡ್.

ಯೋಹಾನ 5:3

ಈ ಅಟ್ಟತ್‍ರ ಅಡಿಲ್, ಕುರ್‌ಡಂಗ, ಕುಂಟಂಗ, ಪಾರ್ಶ್ವವಾಯು ಕಾಯಿಲೆಲ್ ಉಳ್ಳಯಿಂಗಾಂದ್ ದುಂಬ ಕಾಯಿಲೆ ಉಳ್ಳಯಿಂಗ ಬುದ್ದಂಡ್ ನೀರ್ ಎಕ್ಕ ಕಲ್‌ಂಗ್‌ವಾಂದ್ ಪಾರಕಾತಂಡಿಪ್ಪ.

ಯೋಹಾನ 5:5

ನುಪ್ಪತೆಟ್ಟ್ ಕಾಲ ಕಾಯಿಲೆಲ್ ಇಂಜ ಒಬ್ಬ ಅಲ್ಲಿ ಇಂಜತ್.

ಯೋಹಾನ 5:7

ಆ ಕಾಯಿಲೆಕಾರ ಯೇಸುಕ್: ಎಜಮಾನನೇ, ನೀರ್ ಕಲಂಗುವಕ, ನನ್ನ ಗುಂಡಿಲ್ ಕೊಂಡ್ ಪೋಪಕ್ ದಾರೂ ಇಲ್ಲೆ. ನಾನ್ ಅಲ್ಲಿ ಪೋಪಕ್ ಮಿಂಞ ಇಂಞೊಬ್ಬ ಬಂತ್ ಇಳಿಂಜಿರುವಾಂದ್ ಎಣ್ಣ್‌ಚಿ.

1 ಕೊರಿಂಥ 6:11

ನಿಂಗಡಲ್ಲಿ ಚೆನ್ನ ಜನ ಇನ್ನನೆ ಇಂಜಿರ. ಆಚೇಂಗಿಯು, ದೇವ ಇಕ್ಕ ನಿಂಗಳ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲು, ನಂಗಡ ದೇವಡ ಆತ್ಮತ್ಂಜಲು ಕತ್ತಿತ್, ಪವಿತ್ರವಾನಯಿಂಗಳಾಯಿತು, ನೀತಿವಂತಯಿಂಗಳಾಯಿತು ಮಾಡ್‍ಚಿ.

1 ಯೋಹಾನ 1:7

ಆಚೇಂಗಿ, ದೇವ ಬೊಳಿಲ್ ಉಳ್ಳನೆಕೆ ನಂಗಳು ಬೊಳಿಳ್ ನಡ್ಂದತೇಂಗಿ, ಅಕ್ಕ ನಂಗ ಒಬ್ಬೊಬ್ಬಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಆಪ; ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಚೋರೆ ನಂಗಡ ಸಕಲ ಪಾಪತ್‍ನ ಶುದ್ದ ಮಾಡ್‌ವ.