ಯೋಹಾನ 5:37 - ಕೊಡವ ಬೈಬಲ್

³⁷ ನನ್ನ ಅಯಿಚ ಅಪ್ಪನೇ ನಾಕ್ ಸಾಕ್ಷಿ ಕೊಡ್‌ತಿತುಂಡ್; ನಿಂಗ ದಾರೂ ಅಪ್ಪನಾನ ದೇವಡ ಸ್ವರತ್‍ನ ಕ್‍ೕಟಿತು ಇಲ್ಲೆ, ಅಂವೊಂಡ ರೂಪತ್‍ನ ಕಂಡಿತು ಇಲ್ಲೆ.

ಯೋಹಾನ 5:37 ပူးပေါင်းရင်းမြစ်များ

ಮತ್ತಾಯ 17:5

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಮತ್ತಾಯ 3:17

ಅಕ್ಕ, ಪರಲೋಕತ್ಂಜ ಒರ್ ವಾಣಿ: ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 1:11

ನೀನ್ ನಾಡ ಕೊದಿರ ಮೋಂವೊ, ನೀಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಪರಲೋಕತ್ಂಜ ಒರ್ ವಾಣಿ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:27

ಪಿಂಞ ಯೇಸು ಅಂವೊಂಡ ವಿಷಯತ್‍ನ ಮೋಶೇರ ನ್ಯಾಯಪ್ರಮಾಣತ್ಂಜ ಪ್ರವಾದಿಯಂಗ ಒಳ್‍ದ್‍ನ ಪುಸ್ತಕಕತ್ತನೆ ದೇವಡ ವಾಕ್ಯತ್‍ಲ್ ಎಂತದೆಲ್ಲ ಒಳ್‍ದಿತುಂಡೋ ಅದ್‍ನೆಲ್ಲ ಅಯಿಂಗಕ್ ವಿವರಿಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:22

ಪವಿತ್ರಾತ್ಮ ಅಲ್ಲಿಂಜ ಒರ್ ಪಾರಿವಾಳ ರೂಪತ್‌ಲ್ ಅಂವೊಂಡ ಮೇಲೆ ಇಳ್ಂಜಿತ್ ಪಿಂಞ ಪರಲೋಕತ್ಂಜ: ನೀನ್ ನಾಡ ಕೊದಿರ ಮೋಂವೊ, ನೀಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಒರ್ ವಾಣಿ ಬಾತ್.

ಯೋಹಾನ 1:18

ದಾರೂ ದೇವನ ಒರ್‌ಕಾಲು ಕಂಡಿತ್‌ಲ್ಲೆ, ಅಪ್ಪಂಡ ಎದೇಲ್ ಉಳ್ಳ ದೇವಡ ಪ್ರೀತಿರ ಒರೇ ಮೋಂವೊ ಮಾತ್ರ ನಂಗಕ್ ಅಂವೊನ ಗೊತ್ತ್ ಮಾಡಿ ಕೊಡ್‍ತತ್.

ಯೋಹಾನ 14:9

ಅದ್ಂಗ್ ಯೇಸು: ಫಿಲಿಪ್ಪನೇ, ನಾನ್ ಇಚ್ಚಕ್ ಕಾಲ ನಿಂಗಡ ಕೂಡೆ ಇಂಜಿಯೆ, ಅಂತು ನಿಂಗಕ್ ನನ್ನ ಗೊತ್ತ್‌ಲ್ಲೆಯಾ? ನನ್ನ ಕಂಡಂವೊ ನಾಡ ಅಪ್ಪನ ಸಹ ಕಂಡಿತುಂಡ್; ಅನ್ನನೆ ಇಪ್ಪಕ, ಅಪ್ಪನ ಕಾಟಿತಾಂದ್ ನಿಂಗ ಎಣ್ಣ್‌ವದ್ ಎನ್ನನೆ?

ಯೋಹಾನ 15:24

ದಾರೂ ಮಾಡತ ಕ್ರಿಯೇನ ನಾನ್ ಅಯಿಂಗಡ ಮದ್ಯತ್‍ಲ್ ಮಾಡತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ; ಇಕ್ಕ ಅಯಿಂಗ ನಾಡ ಕ್ರಿಯೇನ ನೋಟಿತ್‌ಂಜತೇಂಗಿಯು ಸಹ, ನನ್ನ ಪಿಂಞ ನಾಡ ಅಪ್ಪನ ವಿರೋದಿಚಿಟ್ಟಂಡುಂಡ್.

ಯೋಹಾನ 5:32

ನಾಡ ವಿಷಯತ್‍ಲ್ ಬೋರೆ ಒಬ್ಬ ಸಾಕ್ಷಿ ತಪ್ಪ, ಅಂವೊ ನಾಡ ವಿಷಯತ್ ತಪ್ಪ ಸಾಕ್ಷಿ ಸತ್ಯಾಂದ್ ನಾಕ್ ಗೊತ್ತುಂಡ್.

ಯೋಹಾನ 6:27

ಪಾಳಾಯಿ ಪೋಪ ಆಹಾರಕಾಯಿತ್ ಅಲ್ಲ ಆಚೇಂಗಿ ನಿಂಗಳ ನಿತ್ಯ ಜೀವಕತ್ತನೆ ಕೊಂಡ್ ಪೋಪ ಆಹಾರಕಾಯಿತ್ ಕ್ರಿಯೆ ಮಾಡಿ; ಅದ್‍ನ ಮನುಷ್ಯಕುಮಾರ ನಿಂಗಕ್ ತಪ್ಪ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅನ್ನನೆ ಮಾಡ್‌ವಕ್ ಅಪ್ಪನಾನ ದೇವ ಅಂವೊನ ಅದಿಕಾರಿಯಾಯಿತ್ ನೀಮಿಚಿಟ್ಟಿತುಂಡ್.

ಯೋಹಾನ 8:18

ನಾನೇ ನಾಡ ವಿಷಯತ್ ಸಾಕ್ಷಿ ಕೊಡ್‍ಪಿ, ನನ್ನ ಅಯಿಚ ಅಪ್ಪನಾನ ದೇವ ಸಹ ನಾಡ ವಿಷಯತ್ ಸಾಕ್ಷಿ ತಪ್ಪಾಂದ್ ಎಣ್ಣ್‌ಚಿ.

1 ತಿಮೊಥೆಯ 1:17

ನಿತ್ಯವಾಯಿತುಳ್ಳಂವೊನೂ ಚಾವ್ ಇಲ್ಲತಂವೊನು ಕಣ್ಣ್‌ಕ್ ಕಾಂಗತ ರಾಜನಾಯಿತ್, ತಾನ್ ಒಬ್ಬನೇ ಜ್ಞಾನವುಳ್ಳಂವೊನಾಯಿತ್ ಇಪ್ಪ ದೇವಕ್ ಎಕ್ಕಾಲು ಗನ ಪಿಂಞ ಮಹಿಮೆ ಇರಡ್. ಆಮೆನ್.

1 ತಿಮೊಥೆಯ 6:16

ಚಾವೇ ಇಲ್ಲತ ಒಬ್ಬನಾಯಿತು, ದಾರೂ ಪಕ್ಕತ್‍ಲ್ ಪೋಪಕಯ್ಯತ ಬೊಳಿಲ್ ಇಪ್ಪಂವೊನಾಯಿತು, ದಾರೂ ಕಾಂಬಕ್ ಕಯ್ಯತ ಬೊಳಿಲ್ ಬದ್‍ಕ್‍ವಂವೊನಾಯಿತು, ಏದ್ ಮನುಷ್ಯನು ಇಲ್ಲಿಕತ್ತನೆ ಕಾಂಗತ, ಇಂಞು ಮಿಂಞಕು ಕಾಂಬಕ್ ಕಯ್ಯತಂವೊನಾಯಿತ್ತುಳ್ಳ ಅಂವೊಂಗೇ ಗನ, ನಿತ್ಯ ಶಕ್ತಿ ಎಕ್ಕಾಲು ಇರಡ್. ಆಮೆನ್.

1 ಯೋಹಾನ 4:12

ದೇವನ ದಾರೂ ಕಂಡಿತ್‌ಲ್ಲೆ, ಆಚೇಂಗಿ ನಂಗ ಒಬ್ಬೊಬ್ಬನ ಪ್ರೀತಿ ಮಾಡ್‍ಚೇಂಗಿ ದೇವ ನಂಗಡ ಕೂಡೆ ಇಂಜಿತ್, ಅಂವೊಂಡ ಪ್ರೀತಿನ ನಂಗಡಲ್ಲಿ ಪೂರ್ತಿ ಮಾಡ್‌ವ.

1 ಯೋಹಾನ 4:20

ದಾರೇಂಗಿ, ನಾನ್ ದೇವನ ಪ್ರೀತಿ ಮಾಡ್‌ವೀಂದ್ ಎಣ್ಣಿತ್ ತಾಂಡ ಅಣ್ಣತಮ್ಮಣಂಗಳ ದ್ವೇಶ ಮಾಡ್‍ಚೇಂಗಿ ಅಂವೊ ಒರ್ ಪೊಟ್ಟ್‌ಮಾರಿ. ನಂಗ ಎಕ್ಕಾಲು ಕಂಡಂಡ್ ಉಳ್ಳ ಅಣ್ಣತಮ್ಮಣಂಗಳ ಪ್ರೀತಿ ಮಾಡತೆ ಪೋನಕ ನಂಗ ಕಾಂಗತ ದೇವನ ಎನ್ನನೆ ಪ್ರೀತಿ ಮಾಡ್‌ವಕ್ ಕಯ್ಯು.

1 ಯೋಹಾನ 5:9

ನಂಗ ಮನುಷ್ಯಂಡ ಸಾಕ್ಷಿನ ನಂಬುವ. ಆಚೇಂಗಿ ದೇವಡ ಸಾಕ್ಷಿ ಎಲ್ಲಾಗಿಂಜ ವಿಶೇಷವಾಯಿತುಳ್ಳಗುಂಡ್ ಅದ್‍ನ ಎಚ್ಚಕ್ ನಂಬಂಡು! ದೇವ ತಾಂಡ ಮೋಂವೊಂಡ ವಿಷಯತ್ ಎಣ್ಣ್‌ನ ಸಾಕ್ಷಿ ಇದ್.