ಯೋಹಾನ 5:3 - ಕೊಡವ ಬೈಬಲ್

³ ಈ ಅಟ್ಟತ್‍ರ ಅಡಿಲ್, ಕುರ್‌ಡಂಗ, ಕುಂಟಂಗ, ಪಾರ್ಶ್ವವಾಯು ಕಾಯಿಲೆಲ್ ಉಳ್ಳಯಿಂಗಾಂದ್ ದುಂಬ ಕಾಯಿಲೆ ಉಳ್ಳಯಿಂಗ ಬುದ್ದಂಡ್ ನೀರ್ ಎಕ್ಕ ಕಲ್‌ಂಗ್‌ವಾಂದ್ ಪಾರಕಾತಂಡಿಪ್ಪ.

ಯೋಹಾನ 5:3 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 8:34

ನಾಡ ಮನೆರ ಪಡಿರ ಪಕ್ಕ ಪಾರಕಾತಂಡ್, ನಾಡ ಪಡಿರ ಪಕ್ಕ ಎಕ್ಕಾಲು ನಿರೀಕ್ಷೆಲ್‌ ಕಾತಂಡ್, ನಾಕ್‍ ಕೆಮಿ ಕೊಡ್‌ಪಂವೊ ಆಶೀರ್ವಾದ ಪಡ್‌ಂದಂವೊ.

ಮತ್ತಾಯ 15:30

ಬಲ್ಯ ಜನಡ ಗುಂಪ್ ಅಂವೊಂಡ ಪಕ್ಕ ಕುಂಟಂಗಳ, ಕುರ್‌ಡಂಗಳ, ಕೈಕಾಲ್ ಬರತಯಿಂಗಳ, ಬಾಯಿ ಬರತಯಿಂಗಳ, ಬೋರೆ ಎಲ್ಲಾ ತರ ಕಾಯಿಲೆ ಉಳ್ಳಯಿಂಗಳ ಕಾಕಿಯಂಡ್ ಬಂದಿತ್ ಯೇಸುರ ಕಾಲ್‍ರ ಬರಿಲ್ ಅಳ್‍ಪ್‍ಚಿಟ್ಟತ್; ಅಯಿಂಗಳೆಲ್ಲ ಯೇಸು ವಾಸಿ ಮಾಡ್‍ಚಿ.

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:22

ಯೇಸು ಯೋಹಾನಂಡ ಶಿಷ್ಯಂಗಕ್: ನಿಂಗ ಇಲ್ಲಿ ಎಂತೆಲ್ಲಾ ಕಂಡಿರೋ, ಕ್‍ೕಟಿರೊ ಅದ್‍ನ ಯೋಹಾನಂಗ್ ಎಣ್ಣಿ. ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್.

ಯೋಹಾನ 5:2

ಪಟ್ಟಣತ್‍ರ ಒಳ್‍ಲ್, ಕೊರಿಯಡ ಪಡಿ ಎಣ್ಣುವ ಒರ್ ಪಡಿ ಉಂಡ್. ಅದ್ಂಡ ಪಕ್ಕತ್‍ಲ್ ಅರಾಮಿಯ ತಕ್ಕ್‌ಲ್ ಬೇತ್ಸಥಾಂದ್ ಕಾಕ್‌ವಕಿಂಜ ಒರ್ ಗುಂಡಿ ಇಂಜತ್. ಅದ್ಂಡ ಸುತ್ತ್‌ಲ್ ಅಂಜ್ ಅಟ್ಟ ಇಂಜತ್.

ಯೋಹಾನ 5:4

ಓರೊಮ್ಮ, ದೇವದೂತ ಒಬ್ಬ ಬಂದಿತ್, ಆ ಗುಂಡಿಲ್ ಇಳಿಂಜಿತ್, ನೀರ್‌ನ ಕಲಕುವ; ಅನ್ನನೆ ನೀರ್ ಕಲ್‌ಂಗ್‍ನ ಪಿಂಞ, ದಾರ್ ಆದ್ಯವಾಯಿತ್ ಇಳಿಯುವ, ಅಯಿಂಗಕ್ ಏದ್ ತರ ಕಾಯಿಲೆ ಇಂಜತೇಂಗಿಯು ಅದ್ ವಾಸಿ ಆಪಕಿಂಜತ್.

ರೋಮ್ 8:25

ನಂಗ ಕಾಂಗತ ವಿಷಯಕ್ ನಿರಿಕ್ಷೇಲ್ ಇಂಜತೇಂಗಿ, ಅದ್ಂಗಾಯಿತ್ ನಂಗ ತಾಳ್ಮೆಲ್ ಪಾರಕಾತಂಡಿಪ್ಪ.

ಯಾಕೋಬ 5:7

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ಒಡೆಯ ಬಪ್ಪಕತ್ತನೆ ನಿಂಗ ತಾಳ್ಮೆಯಾಯಿತ್ ಇಕ್ಕಂಡು. ನೋಟಿ, ಒರ್ ಮನುಷ್ಯ ಬೇಲ್‌ಲ್ ಕೆಲಸ ಮಾಡಿತ್‌ ಬೂಮಿರ ನಲ್ಲ ಪಸಲ್ ಕ್‍ಟ್ಟ್‌ವಕಾಯಿತ್, ಮಿಂಞತ್‍ರ ಪಿಂಞ ಬಯ್ಯತ್‌ರ ಮಳೆಕಾಯಿತ್ ಪಾರಕಾತಂಡ್ ಇಪ್ಪ.