ಯೋಹಾನ 5:28 - ಕೊಡವ ಬೈಬಲ್

²⁸ ಇದ್ಂಗ್ ಆಶ್ಚರ್ಯ ಪಡಂಡ; ಎನ್ನಂಗೆಣ್ಣ್‌ಚೇಂಗಿ, ಚತ್ತಿತ್ ತೂಟ್‌ಂಗಳತ್‌ಲ್ ಉಳ್ಳಯಿಂಗ ಎಲ್ಲಾರು ಮೋಂವೊಂಡ ಸ್ವರತ್‍ನ ಕ್‍ೕಪ ಕಾಲ ಬಪ್ಪ.

ಯೋಹಾನ 5:28 ပူးပေါင်းရင်းမြစ်များ

ಯೋಹಾನ 3:7

ಆನಗುಂಡ್, ನೀನ್ ಪುನಃ ಪುಟ್ಟಂಡೂಂದ್ ನಾನ್ ನೀಕ್ ಎಣ್ಣ್‌ನ ವಿಷಯತ್‍ಲ್ ಆಶ್ಚರ್ಯ ಪಡತೆ.

ಯೋಹಾನ 4:21

ಅಕ್ಕ ಯೇಸು: ಅವ್ವ, ನಾಡ ತಕ್ಕ್‌ನ ನೀನ್ ನಂಬ್. ನಿಂಗ ದೇವನ ಆರಾದನೆ ಮಾಡ್‌ವಕ್ ಈ ಕುಂದ್‌ಕ್ ಪೋಪದ್ ಬೋಂಡ, ಯೆರೂಸಲೇಮ್‌ಕ್ ಪೋಪದು ಬೋಂಡ. ಆಚೇಂಗಿ ಅಪ್ಪನಾನ ದೇವನ ಎಲ್ಲಾ ಜಾಗತ್‍ಲು ಆರಾದನೆ ಮಾಡ್‌ವ ಕಾಲ ಬಂದಂಡುಂಡ್.

ಯೋಹಾನ 4:23

ನೇರಾಯಿತ್ ಆರಾದನೆ ಮಾಡ್‌ವಯಿಂಗ, ಅಪ್ಪನಾನ ದೇವನ ಆತ್ಮತ್‍ಲು ಸತ್ಯತ್‍ಲು ಆರಾದನೆ ಮಾಡ್‌ವ ಕಾಲ ಬಪ್ಪ, ಅದ್ ಇಕ್ಕಲೆ ಬಂದ್‌ರ್‌ತ್. ಅನ್ನನೆ ಆರಾದನೆ ಮಾಡ್‌ವಯಿಂಗಳ ದೇವ ತ್‍ೕಡಿಯಂಡುಂಡ್.

ಯೋಹಾನ 5:20

ಅಪ್ಪ ಮೋಂವೊನ ದುಂಬ ಪ್ರೀತಿ ಮಾಡಿತ್, ಅಂವೊ ಮಾಡ್‌ವಾನೆಲ್ಲಾ ಮೋಂವೊಂಗ್ ಕಾಟಿ ಕೊಡ್‍ಪ; ನಿಂಗ ಆಶ್ಚರ್ಯ ಪಡುವನೆಕೆ ಇದ್‌ಂಗಿಂಜ ಬಲ್ಯ ಬಲ್ಯ ಕಾರ್ಯತ್‍ನ ಮೋಂವೊಂಗ್ ಕಾಟಿತಪ್ಪ.

ಯೋಹಾನ 5:25

ಚತ್ತಯಿಂಗ ದೇವಡ ಮೋಂವೊಂಡ ಸ್ವರ ಕ್‍ೕಪ ಕಾಲ ಬಪ್ಪ, ಆ ಸಮಯ ಇಕ್ಕಲೆ ಬಂದಿತುಂಡ್. ಸ್ವರತ್‍ನ ಕ್‍ೕಪಯಿಂಗ ಜೀವವಾಯಿತ್ ಬಪ್ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಅಪೊಸ್ತಲ 24:15

ಇದ್‍ಲ್ಲತೆ ನೀತಿವಂತಯಿಂಗಳು, ಅನೀತಿವಂತಯಿಂಗಳು ಚತ್ತ ಪಿಂಞ ಜೀವವಾಯಿತ್ ಏವಾಂದ್ ಈಂಗ ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳನೆಕೆ, ನಾನ್ ಸಹ ನಿರೀಕ್ಷೆ ಬೆಚ್ಚಿತುಳ್ಳ.

ಅಪೊಸ್ತಲ 3:12

ಪೇತ್ರ ಇದ್‍ನ ನೋಟಿತ್, ಜನಕ್: ಇಸ್ರಾಯೇಲ್ ಜನಳೇ, ನಿಂಗ ಎನ್ನಂಗ್ ಇದ್‍ನ ನೋಟಿತ್ ಆಶ್ಚರ್ಯ ಪಡುವಿರ? ನಿಂಗ ಎನ್ನಂಗ್ ನಂಗಳ ಇನ್ನನೆ ನೋಟ್‍ವಿರ? ಇಂವೊನ ನಡ್‍ಪನೆಕೆ ಮಾಡ್‍ನದ್, ನಂಗಡ ಸ್ವಂತ ಶಕ್ತಿಯಿಂಜಲು ಅಲ್ಲ, ನಂಗಡ ಬಕ್ತಿಯಿಂಜಲು ಅಲ್ಲ.

1 ಕೊರಿಂಥ 15:22

ಆದಾಮ ಮಾಡ್‍ನ ಕಾರ್ಯತ್ಂಜ, ಚಾವ್ ಎಲ್ಲಾರ್‌ಕು ಬಾತ್. ಅನ್ನನೆ ಯೇಸು ಕ್ರಿಸ್ತ ಮಾಡ್‍ನ ಕಾರ್ಯತ್‍ನಗುಂಡ್, ಎಲ್ಲಾರು ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪನೆಕೆ ಮಾಡ್‍ಚಿ.

ಫಿಲಿಪ್ಪಿ 3:21

ಅಂವೊ ಪುನಃ ಬಪ್ಪಕ, ನಂಗಡ ಚತ್ತ್ ಪೋಪ ಈ ತಡೀನ ಬದ್‍ಲ್ ಮಾಡಿತ್ ಅಂವೊಂಡ ತಡಿರನೆಕೆ ಉಳ್ಳ ಮಹಿಮೇರ ತಡೀನ ನಂಗಕ್ ತಪ್ಪ. ಈ ಬೂಲೋಕತ್‍ಲ್ ಉಳ್ಳದ್‌ನೆಲ್ಲಾ ಅಂವೊಂಡ ಕಾಲ್‍ರ ಅಡಿಕ್ ಕೊಂಡ್ ಬಪ್ಪ, ಅಂವೊಂಡ ಆ ಶಕ್ತಿಲ್ ನಂಗಕ್ ಇನ್ನನೆ ಮಾಡ್‌ವ.

ಪ್ರಕಟನೆ 20:12

ಚತ್ತಯಿಂಗಳಾನ ಚೆರಿಯಯಿಂಗಳ, ಬಲ್ಯಯಿಂಗಳ, ದೇವಡ ಸಿಂಹಾಸನತ್‍ರ ಎದ್‍ಕೆ ನಿಂದಿತುಳ್ಳಾನ ಕಂಡಿಯೆ. ಅಕ್ಕ ಪುಸ್ತಕ ಎಲ್ಲಾ ತೊರ್ಂದತ್, ಅಲ್ಲಿಂಜ ಜೀವ ಪುಸ್ತಕ ಎಣ್ಣುವ ಬೋರೆ ಒರ್ ಪುಸ್ತಕವು ತೊರ್ಂದತ್; ಅಕ್ಕ ಆ ಪುಸ್ತಕತ್‍ಲ್ ಒಳ್‍ದಿತುಳ್ಳನೆಕೆ, ಚತ್ತಯಿಂಗಕ್ ಅಯಿಂಗಯಿಂಗ ಮಾಡ್‍ನ ಕ್ರಿಯೇಕ್ ತಕ್ಕಂತ ನ್ಯಾಯತೀರ್ಪ್ ಕ್‍ಟ್ಟ್‌ಚಿ.