ಯೋಹಾನ 5:23 - ಕೊಡವ ಬೈಬಲ್

²³ ಮೋಂವೊನ ಗನ ಪಡ್‍ತತಯಿಂಗ, ಅಂವೊನ ಅಯಿಚ ಅಪ್ಪನ ಸಹ ಗನ ಪಡ್‍ತತಯಿಂಗಳಾಯಿತುಂಡ್.

ಯೋಹಾನ 5:23 ပူးပေါင်းရင်းမြစ်များ

ಮತ್ತಾಯ 10:37

ಒಬ್ಬ ತಾಂಡ ಅಪ್ಪನ ಆಚೇಂಗಿಯು, ಅವ್ವಳ ಆಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ. ಪಿಂಞ ತಾಂಡ ಮೋಂವೊನಾಚೇಂಗಿಯು, ಮೋವಳಾಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ.

ಮತ್ತಾಯ 11:27

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.

ಮತ್ತಾಯ 12:21

ಎಲ್ಲಾ ಜನಳು ಅಂವೊಂಡ ಪೆದತ್‍ಲ್ ನಿರಿಕ್ಷೇಲ್ ಇಪ್ಪ ಎಣ್ಣ್‌ವದೇ.

ಮತ್ತಾಯ 15:8

ಈ ಜನ ಬರಿ ತಕ್ಕ್‌ಲ್ ನನ್ನ ತುದಿಪ. ಆಚೇಂಗಿ, ಅಯಿಂಗಡ ಹೃದಯ ನೇರಾಯಿತು ನನ್ನಿಂಜ ದೂರ ಉಂಡ್.

ಮತ್ತಾಯ 28:19

ಆನಗುಂಡ್ ನಿಂಗ ಪೋಯಿತ್, ಎಲ್ಲಾ ದೇಶತ್‍ರ ಜನತ್‍ನ ನಾಡ ಶಿಷ್ಯಂಗಳಾಯಿತ್ ಮಾಡಿ. ಅಯಿಂಗಕ್ ಅಪ್ಪ, ಮೋಂವೊ ಪಿಂಞ ಪವಿತ್ರಾತ್ಮಂಡ ಪೆದತ್‍ಲ್ ದೀಕ್ಷಾಸ್ನಾನ ಕೊಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:16

ಶಿಷ್ಯಂಗಳ ನೋಟಿತ್: ನಿಂಗಡ ತಕ್ಕ್‌ನ ಕ್‍ೕಪಯಿಂಗ ನಾಡ ತಕ್ಕ್‌ನ ಕ್‍ೕಟನೆಕೆ. ನಿಂಗಳ ತಿರಸ್ಕಾರ ಮಾಡ್‌ವಯಿಂಗ, ನನ್ನ ತಿರಸ್ಕಾರ ಮಾಡ್‍ನನೆಕೆ, ನನ್ನ ತಿರಸ್ಕಾರ ಮಾಡ್‌ವಯಿಂಗ ನನ್ನ ಅಯಿಚ ದೇವನ ತಿರಸ್ಕಾರ ಮಾಡ್‌ನನೆಕೇಂದ್ ಎಣ್ಣ್‌ಚಿ.

ಯೋಹಾನ 14:1

ನಿಂಗಡ ಹೃದಯ ಸಂಕಟ ಪಡತೆ ಇರಡ್; ದೇವನ ನಂಬಿ, ನನ್ನ ಸಹ ನಂಬಿ.

ಯೋಹಾನ 16:14

ಅಂವೊ ನನ್ನಿಂಜ ಎಡ್‍ತಿತ್ ನಿಂಗಕ್ ಎಣ್ಣಿ ತಪ್ಪಗುಂಡ್, ಅಂವೊ ನಾಕ್ ಮಹಿಮೆ ತಪ್ಪ.

ಯೋಹಾನ 17:10

ನಾಡದೆಲ್ಲಾ ನೀಡದ್, ನೀಡದೆಲ್ಲಾ ನಾಡದ್; ಅಯಿಂಗಡಲ್ಲಿ ನಾಕ್ ಮಹಿಮೆ ಕ್‌ಟ್ಟಿಯಂಡುಂಡ್.

ರೋಮ್ 1:7

ದೇವ ನಿಂಗಳ ಪ್ರೀತಿ ಮಾಡಿತ್, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ಕಾಕ್‍ಚಿ. ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

ರೋಮ್ 15:12

ಯೆಶಾಯ ಪ್ರವಾದಿ: ಇಷಯ ಎಣ್ಣ್‌ವಂವೊಂಡ ಸಂತಾನತ್‍ಲ್ ಬಪ್ಪಂವೊನು, ಯೆಹೂದ್ಯ ಅಲ್ಲತಯಿಂಗಳ ಆಳುವಂವೊನು ಆಯಿತುಳ್ಳ ಒಬ್ಬ, ಬಂದಂಡುಂಡ್, ಅಂವೊಂಡಲ್ಲಿ ಯೆಹೂದ್ಯ ಅಲ್ಲತಯಿಂಗ ನಂಬಿಕೆ ಇಡ್‍ವಾಂದ್ ಎಣ್ಣ್‌ಚಿ.

ರೋಮ್ 6:22

ಇಕ್ಕ ನಿಂಗ ಪಾಪತ್ಂಜ ಬುಡುಗಡೆ ಆಯಿತ್ ದೇವಡ ಅಡಿಯಾಳಾಯಿತ್ ಉಳ್ಳಾಂಗ್, ಪವಿತ್ರವಾಯಿತ್‌ಪ್ಪದ್ ನಿಂಗಕ್ ಕ್‍ಟ್ಟ್‌ವ ಇನಾಮ್, ಅದ್ಂಡ ಪ್ರತಿಫಲ ನಿತ್ಯ ಜೀವ.

ರೋಮ್ 8:9

ದೇವಡ ಆತ್ಮ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗ ಪಾಪತ್‍ರ ಗುಣ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪುಲೆ, ದೇವಡ ಆತ್ಮ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪಿರ; ಕ್ರಿಸ್ತಂಡ ಆತ್ಮ ಇಲ್ಲತಂವೊ ಕ್ರಿಸ್ತಂಗ್ ಕೂಡ್‍ನಂವೊ ಅಲ್ಲ.

1 ಕೊರಿಂಥ 1:3

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

1 ಕೊರಿಂಥ 10:31

ಆನಗುಂಡ್ ನಿಂಗ ತಿಂಬದಾಚೇಂಗಿಯು, ಕುಡಿಪದಾಚೇಂಗಿಯು, ಎಂತ ಮಾಡ್‌ವದಾಚೇಂಗಿಯು, ನಿಂಗ ಮಾಡ್‌ವ ಕಾರ್ಯ ದೇವಡ ಮಹಿಮೆಕಾಯಿತ್ ಮಾಡಂಡು.

1 ಕೊರಿಂಥ 16:22

ಒಬ್ಬ, ಒಡೆಯನ ಪ್ರೀತಿ ಮಾಡತೆ ಪೋಚೇಂಗಿ ಅಂವೊಂಡ ಮೇಲೆ ಶಾಪ ಬರಡ್. ಓ ನಂಗಡ ಒಡೆಯನೇ ಬಾ.

1 ಕೊರಿಂಥ 6:19

ನಿಂಗಡ ತಡಿ ಪವಿತ್ರಾತ್ಮ ವಾಸ ಮಾಡ್‌ವ ಆಲಯವಾಯಿತ್ ಉಂಡ್‍ೕಂದು, ಪವಿತ್ರಾತ್ಮತ್‍ನ ನಿಂಗಕ್ ದೇವ ಕೊಡ್‍ತತ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ? ಆನಗುಂಡ್ ನಿಂಗ ನಿಂಗಕ್ ಸ್ವಂತ ಅಲ್ಲ.

2 ಕೊರಿಂಥ 1:9

ನಂಗ ಎಲ್ಲಾರು ಚತ್ತ್ ಪೋಪಾಂದ್ ಗೇನ ಮಾಡ್‍ಚಿ. ಆಚೇಂಗಿ, ನಂಗ ನಂಗಡ ಮೇಲೆ ನಂಬಿಕೆ ಬೆಕ್ಕತೆ, ಚತ್ತಯಿಂಗಳ ಜೀವವಾಯಿತ್ ಎಪ್ಪ್‌ಚಿಡುವ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ನಂಗಕ್ ಅನ್ನನೆ ನಡ್ಂದತ್.

2 ಕೊರಿಂಥ 13:14

ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು, ದೇವಡ ಪ್ರೀತಿಯು, ಪವಿತ್ರಾತ್ಮಂಡ ಐಕ್ಯವು ನಿಂಗ ಎಲ್ಲಾಡ ಕೂಡೆ ಇಕ್ಕಡ್. ಆಮೆನ್.

2 ಕೊರಿಂಥ 5:14

ಕ್ರಿಸ್ತಂಡ ಪ್ರೀತಿ ನಂಗಳ ಒತ್ತಾಯ ಮಾಡಿಯಂಡುಂಡ್; ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾರ್‍ಕಾಯಿತ್ ಒಬ್ಬನೇ ಚತ್ತ್ ಪೋಚೀಂದ್ ನಂಬಿಯಂಡುಂಡ್. ಅನ್ನನೆ ಎಲ್ಲಾರು ಚತ್ತ್ ಪೋಚಿ.

2 ಕೊರಿಂಥ 5:19

ಅದ್ ಎಂತ ಎಣ್ಣ್‌ಚೇಂಗಿ, ದೇವ ಈ ಲೋಕತ್‍ರ ಪಾಪತ್‍ನ ಅಯಿಂಗಕ್ ವಿರೋದವಾಯಿತ್ ಲೆಕ್ಕ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ಮೂಲಕ ಅಯಿಂಗಡ ಮೇಲೆ ಇಂಜ ವಿರೋದತ್‍ನ ಕಳೆಂದಿತ್, ಸಮಾದಾನ ಮಾಡ್‍ಚಿ. ಜನಡಮೇಲೆ ಇಂಜ ದೇವಡ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವ ಬೋದನೆನ ನಂಗಕ್ ಒಪ್ಪ್‌ಚಿಟ್ಟತ್.

ಎಫೆಸ 6:24

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ಕಾಲಕಾಲಕು ಪಾಳಾಕತ ಪ್ರೀತಿ ಮಾಡ್‌ವ ಎಲ್ಲಾಡ ಕೂಡೆ ಕೃಪೆ ಇಕ್ಕಡ್. ಆಮೆನ್.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

ಇಬ್ರಿಯ 1:6

ಇಂಞು, ದೇವ ತಾಂಡ ಆದ್ಯ ಮೋಂವೊನ ಈ ಲೋಕತ್‍ಲ್ ಅಯಿಪಕ, ದೇವದೂತಂಗ ಎಲ್ಲಾರು ಅಂವೊನ ಆರಾದನೆ ಮಾಡಂಡೂಂದ್ ಎಣ್ಣ್‌ಚಿ.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.

1 ಯೋಹಾನ 2:23

ದಾರ್ ಮೋಂವೊನ ಅಲ್ಲಗೆಳೆಯುವ ಅಂವೊ ಅಪ್ಪನ ಅಲ್ಲಗೆಳೆಯುವ. ದಾರ್ ಮೋಂವೊನ ಸ್ವೀಕಾರ ಮಾಡ್‌ವ ಅಂವೊಂಡ ಕೂಡೆ ಅಪ್ಪ ಉಂಡ್‍ೕಂದ್ ಗೊತ್ತಾಪ.

2 ಯೋಹಾನ 1:9

ಕ್ರಿಸ್ತಂಡ ಬೋದನೆರನೆಕೆ ನಡ್‍ಕತೆ ಅದ್‍ನ ಮೀರಿತ್ ನಡ್‍ಪಯಿಂಗಡ ಕೂಡೆ ದೇವ ಇಲ್ಲೆ. ಯೇಸು ಕ್ರಿಸ್ತಂಡ ಉಪದೇಶಕ್ ಬಗ್ಗಿತ್ ನಡ್‍ಪಯಿಂಗಡ ಕೂಡೆ ಅಪ್ಪನಾನ ದೇವ ಪಿಂಞ ಮೋಂವೊ ಉಂಡ್.