ಯೋಹಾನ 5:2 - ಕೊಡವ ಬೈಬಲ್

² ಪಟ್ಟಣತ್‍ರ ಒಳ್‍ಲ್, ಕೊರಿಯಡ ಪಡಿ ಎಣ್ಣುವ ಒರ್ ಪಡಿ ಉಂಡ್. ಅದ್ಂಡ ಪಕ್ಕತ್‍ಲ್ ಅರಾಮಿಯ ತಕ್ಕ್‌ಲ್ ಬೇತ್ಸಥಾಂದ್ ಕಾಕ್‌ವಕಿಂಜ ಒರ್ ಗುಂಡಿ ಇಂಜತ್. ಅದ್ಂಡ ಸುತ್ತ್‌ಲ್ ಅಂಜ್ ಅಟ್ಟ ಇಂಜತ್.

ಯೋಹಾನ 5:2 ပူးပေါင်းရင်းမြစ်များ

ಯೋಹಾನ 19:13

ಪಿಲಾತ ಇದ್‍ನ ಕ್‍ೕಟದು, ಅಂವೊ ಯೇಸುನ ಪೊರಮೆ ಕಾಕಿಯಂಡ್ ಪೋಯಿತ್, ಅಂವೊ ನ್ಯಾಯತೀರ್ಪ್ ಕೊಡ್‍ಪಕ್ ಅಳ್‌ಪ, ಗಬ್ಬಥಾ ಎಣ್ಣಿಯಂಡ್ ಅರಾಮಿಯ ತಕ್ಕ್‌ಲ್ ಕಾಕುವ ಕಲ್ಲ್ ಇಟ್ಟಿತುಳ್ಳ ವೇದಿಕೆರ ಮೇಲೆ ಅಳ್‌ತತ್.

ಯೋಹಾನ 19:17

ಯೇಸು ಅಂವೊಂಡ ಶಿಲುಬೇನ ಪೊರ್‍ತಂಡ್ ಗೊಲ್ಗೊಥಾ ಎಣ್ಣುವ ಜಾಗಕ್ ಪೋಚಿ. ಗೊಲ್ಗೊಥಾ ಎಣ್ಣ್‌ಚೇಂಗಿ ಮಂಡೆರ ಓಡ್‍ೕಂದ್ ಅರಾಮಿಯ ತಕ್ಕ್‌ಲ್ ಅರ್ಥ ಆಪ.

ಯೋಹಾನ 19:20

ಯೇಸುನ ಶಿಲುಬೇಕ್ ಇಟ್ಟ ಜಾಗ ಪಟ್ಟಣತ್‍ರ ಪಕ್ಕ ಇಂಜಗುಂಡ್ ದುಂಬ ಯೆಹೂದ್ಯಂಗ ಈ ಜ್ಞಾಪನೇಲ್ ಒಳ್‌ದ್‌ನಾನ ಓದ್‌ಚಿ; ಇದ್‍ನ ಅರಾಮಿಯ, ಗ್ರೀಕ್ ಪಿಂಞ ಲ್ಯಾಟಿನ್ ತಕ್ಕ್‌ಲ್ ಒಳ್‍ದಿತ್ಂಜತ್.

ಯೋಹಾನ 20:16

ಯೇಸು ಅವಳ ನೋಟಿತ್: ಮರಿಯಾಂದ್ ಕಾಕ್‍ಚಿ. ಅವ ಅಂವೊನ ತಿರಿತ್ ನೋಟುವಂಜಿ: ರಬ್ಬೂನೀಂದ್ ಎಣ್ಣ್‌ಚಿ. ಅದ್ಂಡ ಅರ್ಥ ಅರಾಮಿಯ ತಕ್ಕ್‌ಲ್ ಉಪಾದ್ಯನೇಂದ್ ಆಪ.

ಯೋಹಾನ 5:3

ಈ ಅಟ್ಟತ್‍ರ ಅಡಿಲ್, ಕುರ್‌ಡಂಗ, ಕುಂಟಂಗ, ಪಾರ್ಶ್ವವಾಯು ಕಾಯಿಲೆಲ್ ಉಳ್ಳಯಿಂಗಾಂದ್ ದುಂಬ ಕಾಯಿಲೆ ಉಳ್ಳಯಿಂಗ ಬುದ್ದಂಡ್ ನೀರ್ ಎಕ್ಕ ಕಲ್‌ಂಗ್‌ವಾಂದ್ ಪಾರಕಾತಂಡಿಪ್ಪ.

ಯೋಹಾನ 7:21

ನಾನ್ ನಿಂಗಕ್ ಒರ್ ಅದ್ಬುತ ಕಾರ್ಯ ಮಾಡಿತ್ ಕಾಟಿಯೆ, ಅಕ್ಕ ನಿಂಗಕೆಲ್ಲಾ ಆಶ್ಚರ್ಯ ಆಚಿ.

ಅಪೊಸ್ತಲ 21:40

ಅಪ್ಪಣೆ ಕೊಡ್‌ಪಕ ಪೌಲ, ಮೊಟ್ಟ್‌ರ ಮೇಲೆ ನಿಂದಿತ್: ಜನಳ ನೋಟಿತ್, ಅಯಿಂಗ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡ್‍ಚಿ. ಅಯಿಂಗ ಶಾಂತಿ ಆಪಕ, ಅಯಿಂಗಡ ಕೂಡೆ ಅರಾಮಿಯ ಬಾಷೆಲ್ ತಕ್ಕ್ ಪರಿಯುವಕ್ ಸುರ್ ಮಾಡ್‍ಚಿ.

ಪ್ರಕಟನೆ 16:16

ಆ ಕೂಳಿಯ, ರಾಜಂಗಳ ಎಲ್ಲಾ ಕೂಟಿಯಂಡ್, ಇಬ್ರಿಯ ತಕ್ಕ್‌ಲ್ ಹರ್ಮಗೆದೋನ್ ಎಣ್ಣುವ ಜಾಗಕ್ ಕಾಕಿಯಂಡ್ ಪೋಚಿ.

ಪ್ರಕಟನೆ 9:11

ಅಯಿಂಗಕ್ ಒರ್ ರಾಜ ಇಂಜತ್, ಅಂವೊ ಪಾತಾಳತ್‍ರ ದೂತ; ಇಬ್ರಿಯ ಬಾಷೆಲ್ ಅಬದ್ದೋನಾಂದೂ, ಗ್ರೀಕ್ ಬಾಷೆಲ್ ಅಪೊಲ್ಲುವೋನಾಂದೂ ಅಂವೊಂಗ್ ಪೆದ ಉಂಡ್.