ಯೋಹಾನ 4:6 - ಕೊಡವ ಬೈಬಲ್

⁶ ಯಾಕೋಬಂಡ ಕಣತರೆ ಅಲ್ಲಿ ಇಂಜತ್; ಯೇಸು ಪ್ರಯಾಣತ್‍ರಗುಂಡ್ ದುಂಬ ತಳ್ಂದ್ ಪೋಯಿತ್ಂಜತ್, ಆನಗುಂಡ್, ಆ ಕಣತರೆರ ಪಕ್ಕ ಅಂವೊ ಅಳ್‌ತತ್. ಅಕ್ಕ ಮಜ್ಜಣ ಪನ್ನೆರಂಡ್ ಗಂಟೆ ಆಯಿತ್ಂಜತ್.

ಯೋಹಾನ 4:6 ပူးပေါင်းရင်းမြစ်များ

ಮತ್ತಾಯ 27:45

ಮಜ್ಜಣ ಪನ್ನೆರಂಡ್ ಗಂಟೆಯಿಂಜ ಮೂಂದ್ ಗಂಟೆಕತ್ತನೆ ದೇಶ ಪೂರ್ತಿ ಇರ್‌ಟಾಚಿ.

ಮತ್ತಾಯ 4:2

ಯೇಸು ನಾಪದ್ ದಿವಸ ಪೋಲ್ ಬಯಿಟ್ ಒಂದು ತಿಂಗತೆ ಪಟ್ಟಣಿ ನಿಂದಂಡಿಂಜಗುಂಡ್, ಅಂವೊಂಗ್ ದುಂಬ ಕೆಲ ಪಯಿಚತ್.

ಮತ್ತಾಯ 8:24

ಒಮ್ಮಕೆ, ಒರ್ ಎಚ್ಚರಿಕೆಯು ಇಲ್ಲತೆ ದೋಣಿ ಅಲೆಯಿಂಜ ಮುಳ್‌ಗ್‌ವನೆಕೆ ಜೋರಾಯಿತ್ ಬಿರ್‌ಗಾಳಿ ಬಾತ್. ಆಚೇಂಗಿ ಯೇಸು ವರಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:7

ಅವ ಮೊದ ಕ್‍ಣ್ಣ ಕುಂಞಿನ ಪೆತ್ತತ್. ಅಯಿಂಗಕ್ ಚತ್ರತ್‌ಲ್ ಜಾಗ ಇಲ್ಲತ ಕಾರಣ ಅವ ಕುಂಞಿನ ಬಟ್ಟೇಲ್ ಸುತ್ತುವಂಜಿ ಒರ್ ಕೊಟ್ಟ್‌ಲ್ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:58

ಅದ್ಂಗ್ ಯೇಸು: ಕುರ್‌ಕಂಗ ವಾಸ ಮಾಡ್‌ವಕ್ ತೂತ ಉಂಡ್, ಬಾನತ್‍ರ ಪಕ್ಷಿಯಕ್ ಗೂಡ್ ಉಂಡ್, ಆಚೇಂಗಿ ಮನುಷ್ಯಕುಮಾರಂಗ್ ಮಂಡೆ ಬೆಪ್ಪಕ್ ಜಾಗ ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 11:9

ಯೇಸು ಅಯಿಂಗಕ್: ಒರ್ ಪೋಲ್‍ಲ್ ಪನ್ನೆರಂಡ್ ಗಂಟೆ ಉಂಡಲ್ಲಾ? ದಾರ್ ಒಬ್ಬ ಪೋಲ್ ನೇರತ್‍ಲ್ ನಡ್ಂದತೇಂಗಿ, ಬೊಳಿ ಉಳ್ಳಗುಂಡ್ ಅಂವೊ ಬೂವುಲೆ. ಎನ್ನಂಗೆಣ್ಣ್‌ಚೇಂಗಿ, ಅಂವೊ ಈ ಲೋಕತ್‍ರ ಬೊಳಿನ ಕಂಡಂಡುಂಡ್.

ಯೋಹಾನ 4:12

ಈ ಕಣತರೆನ ನಂಗಕ್ ದಾನಮಾಡ್‍ನ ನಂಗಡ ಮುತ್ತಜ್ಜನಾನ ಯಾಕೋಬಕಿಂಜ ನೀನ್ ಬಲ್ಯಂವೊನಾ? ಅಂವೊ, ಅಂವೊಂಡ ಮಕ್ಕ, ಅಂವೊ ಚಾಕಿಯಂಡ್ ಇಂಜ ಪ್ರಾಣಿಯ ಎಲ್ಲಾ ಇದೇ ಕಣತರೆರ ನೀರ್‌ನ ಕುಡಿಚತ್‍ೕಂದ್ ಎಣ್ಣ್‌ಚಿ.

ಯೋಹಾನ 4:5

ಅನ್ನನೆ, ಸಮಾರ್ಯತ್‍ಲ್ ಸುಖರ್ ಎಣ್ಣುವ ಪಟ್ಟಣಕ್ ಬಾತ್. ಆ ಜಾಗ, ಯಾಕೋಬ ಅಂವೊಂಡ ಮೋಂವೊ ಯೋಸೇಫಂಗ್ ಕೊಡ್‍ತ ನೆಲವಾಯಿತ್ಂಜತ್.

ಯೋಹಾನ 4:7

ಆ ಸಮಯತ್‍ಲ್, ಸಮಾರ್ಯ ಪಟ್ಟಣಕ್ ಕೂಡ್‍ನ ಒರ್ ಪೊಣ್ಣಾಳ್, ನೀರ್ ಎಡ್‌ತ ಪೋಪಕಾಯಿತ್ ಅಲ್ಲಿಕ್ ಬಾತ್. ಅವಡ ಪಕ್ಕ ಯೇಸು: ನಾಕ್ ಕುಡಿಪಕ್ ನೀರ್ ತಾಂದ್ ಕ್‍ೕಟತ್.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

ಇಬ್ರಿಯ 2:17

ಈ ಕಾರಣಕಾಯಿತ್, ಅಂವೊ ಜನತ್‍ರ ಪಾಪತ್‍ನೆಲ್ಲಾ ಕಳೆಯುವಕ್ ದೇವಡ ವಿಷಯತ್‍ಲ್ ಕರುಣೆ ಉಳ್ಳಂವೊನಾಯಿತು, ಸತ್ಯವಂತ ಮಹಾ ಯಾಜಕನಾಯಿತು ಆಚಿ. ಇನ್ನನೆ, ಎಲ್ಲಾ ರೀತಿಲು ತಾಂಡ ಅಣ್ಣತಮ್ಮಣಂಗಕ್ ಸಮವಾಯಿತ್ ಆಂಡೂಂದ್ ಇಂಜತ್.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.