ಯೋಹಾನ 4:48 - ಕೊಡವ ಬೈಬಲ್

⁴⁸ ಅಕ್ಕ ಯೇಸು: ನಿಂಗ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯತ್‍ನ ಕಾಂಗತೆ ಪೋಚೇಂಗಿ ನಿಂಗ ದಾರೂ ನನ್ನ ನಂಬುಲೇಂದ್ ಎಣ್ಣ್‌ಚಿ.

ಯೋಹಾನ 4:48 ပူးပေါင်းရင်းမြစ်များ

ಮತ್ತಾಯ 16:1

ಫರಿಸಾಯಂಗ ಪಿಂಞ ಸದ್ದುಕಾಯಂಗ ಯೇಸುನ ಕೆಣಿಪಕಾಯಿತ್ ಯೇಸುರ ಪಕ್ಕ ಬಂದಿತ್, ನೀನ್ ಬಾನತ್ಂಜ ಒರ್ ಗುರ್‌ತ್‌ ಕಾರ್ಯತ್‍ನ ಕಾಟಿತಾಂದ್ ಕ್‍ೕಟತ್.

ಮತ್ತಾಯ 24:24

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಬಂದಿತ್, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡ್‌ವನೆಕೆ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಮತ್ತಾಯ 27:42

ನೀನ್ ಬೋರೆಯಿಂಗಳ ಬಚಾವ್ ಮಾಡಿಯಾ, ಆಚೇಂಗಿ ನಿನ್ನ ನೀಕ್ ಇಕ್ಕ ಬಚಾವ್ ಮಾಡ್‌ವಕ್ ಕಯಿಂಜಿತ್‌ಲ್ಲೆ. ಇಂವೊ ಇಸ್ರಾಯೇಲ್‍ರ ರಾಜಾನಲ್ಲ? ಇಕ್ಕ ಅಂವೊ ಶಿಲುಬೆಯಿಂಜ ಇಳಿಂಜಿತ್ ಬರಡ್, ಅಕ್ಕ ನಂಗ ಅಂವೊನ ನಂಬಲೂಂದ್ ಎಣ್ಣ್‌ಚಿ.

ಮಾರ್ಕ 13:22

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಉದಿಚಿ, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡಿತ್ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:18

ಅಂವೊ ಅಯಿಂಗಕ್: ಸೈತಾನ ಬಾನತ್ಂಜ ಮಿಂಚ್‍ರನೆಕೆ ಅಡಿಕ್ ಬೂವದ್‌ನ ನಾನ್ ಕಂಡಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:31

ಅದ್ಂಗ್ ಅಬ್ರಹಾಮ, ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣ್‌ವಾನ ಅಯಿಂಗ ನಂಬತೆಪೋನಕ, ಚತ್ತಂವೊ ಒಬ್ಬ ಎದ್ದಿತ್ ಬಂದಿತ್ ಎಣ್ಣ್‌ವಾನ ಸಹ ಅಯಿಂಗ ಕ್‍ೕಪುಲೇಂದ್ ಎಣ್ಣ್‌ಚಿ.

ಯೋಹಾನ 12:37

ಯೇಸು ಇಚ್ಚಕೆಲ್ಲಾ ಅದ್ಬುತ ಕಾರ್ಯ ಈಂಗಡ ಮಿಂಞತ್‍ಲ್ ಮಾಡಿತಿಂಜತೇಂಗಿಯು, ಜನ ಅಂವೊನ ನಂಬುವಕಿಂಜಿಲೆ.

ಯೋಹಾನ 15:24

ದಾರೂ ಮಾಡತ ಕ್ರಿಯೇನ ನಾನ್ ಅಯಿಂಗಡ ಮದ್ಯತ್‍ಲ್ ಮಾಡತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ; ಇಕ್ಕ ಅಯಿಂಗ ನಾಡ ಕ್ರಿಯೇನ ನೋಟಿತ್‌ಂಜತೇಂಗಿಯು ಸಹ, ನನ್ನ ಪಿಂಞ ನಾಡ ಅಪ್ಪನ ವಿರೋದಿಚಿಟ್ಟಂಡುಂಡ್.

ಯೋಹಾನ 2:18

ಅಕ್ಕ ಯೆಹೂದ್ಯ ಅದಿಕಾರಿಯಂಗ ಯೇಸುಕ್: ನೀನ್ ಏದ್ ಗುರ್‍ತ್‍ನ ಕಾಟಿತ್, ಇನ್ನನೆ ಮಾಡ್‌ವಕುಳ್ಳ ಅದಿಕಾರ ನೀಕ್ ಉಂಡ್‍ೕಂದ್ ನಂಗಕ್ ಕಾಟ್‌ವಿಯಾಂದ್ ಕ್‍ೕಟತ್.

ಯೋಹಾನ 20:29

ಯೇಸು ಅಂವೊಂಗ್: ನೀನ್ ನನ್ನ ನೋಟ್‍ನಗುಂಡ್ ನಂಬುವಿಯ, ನನ್ನ ಕಾಂಗತೆ ನಂಬುವಯಿಂಗ ಆಶೀರ್ವಾದ ಪಡ್ಂದಯಿಂಗಾಂದ್ ಎಣ್ಣ್‌ಚಿ.

ಯೋಹಾನ 4:49

ಒಡೆಯನೇ, ನಾಡ ಕುಂಞಿ ಚಾವಕ್ ಮಿಂಞ ನಾಡ ಕೂಡೆ ಬಾಂದ್ ಆ ಅದಿಕಾರಿ ದುಂಬ ಬೋಡಿಯಂಡತ್.

ಅಪೊಸ್ತಲ 14:3

ಆಚೇಂಗಿಯು ಪೌಲ ಪಿಂಞ ಬಾರ್ನಬ ದುಂಬ ದಿವಸ ಅಲ್ಲಿ ಒಳಿಂಜಿತ್ ಒಡೆಯಂಡ ವಿಷಯತ್‍ನ ದೈರ್ಯವಾಯಿತ್ ತಕ್ಕ್ ಪರ್ಂದತ್. ಒಡೆಯ, ಅಯಿಂಗ ತಕ್ಕ್ ಪರ್ಂದ ಕೃಪೇರ ವಿಷಯ ನೇರಾನದ್‍ೕಂದ್ ಎಣ್ಣ್‌ವಕ್ ಸಾಕ್ಷಿಯಾಯಿತ್, ಅಯಿಂಗ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯನೆಲ್ಲ ಮಾಡ್‌ವಕ್ ಶಕ್ತಿ ಕೊಡ್‍ತತ್.

ಅಪೊಸ್ತಲ 15:12

ಅಕ್ಕ, ಅಲ್ಲಿ ಕೂಡಿತ್ಂಜ ಎಲ್ಲಾರು ಒರ್ ತಕ್ಕು ಎಣ್ಣತೆ, ಬಾರ್ನಬ ಪಿಂಞ ಪೌಲಂಡ ಮೂಲಕ ದೇವ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ಮಾಡ್‍ನ ಎಲ್ಲಾ ಆಶ್ಚರ್ಯ ಗುರ್‌ತ್ ಕಾರ್ಯತ್‍ನ ಅಯಿಂಗ ವಿವರಿಚಿಡುವಾನ ಕ್‍ೕಟತ್.

ಅಪೊಸ್ತಲ 2:19

ಅದಲ್ಲತೆ ಬಾನತ್‍ರ ಮೇಲೆ ಆಶ್ಚರ್ಯ ಕಾರ್ಯತ್‍ನ, ಕ್‍ೕ‍ದಲ್ ಉಳ್ಳ ಬೂಮಿಲ್ ಚೋರೆ, ತಿತ್ತ್, ಪಿಂಞ ಪೊಗೆರ ಮೋಡ ಈ ತರ ಗುರ್‌ತ್ ಕಾರ್ಯತ್‍ನ ಕಾಟುವಿ.

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.

ಅಪೊಸ್ತಲ 2:43

ಜನಕೆಲ್ಲ ಪೋಡಿ ಆಪಕಿಂಜತ್, ಇದ್‍ಲ್ಲತೆ ದುಂಬ ಗುರ್‌ತ್ ಕಾರ್ಯವು ಪಿಂಞ ಆಶ್ಚರ್ಯ ಕಾರ್ಯವು ಅಪೊಸ್ತಲಂಗಡ ಕೈಯಿಂಜ ನಡ್ಂದತ್.

ಅಪೊಸ್ತಲ 4:30

ನೀಡ ಪವಿತ್ರ ಸೇವಕನಾನ ಯೇಸುರ ಪೆದತ್‍ಲ್ ಗುರ್‍ತ್‍ನ ಮಾಡಿತ್, ಆಶ್ಚರ್ಯ ಕಾರ್ಯ ಆಪನೆಕೆ ಮಾಡಿತ್, ಪಿಂಞ ವಾಸಿ ಮಾಡ್‌ವಕಾಯಿತ್ ನೀನ್ ಶಕ್ತಿನ ಕೊಡ್‌ತಿತ್ ಅನುಗ್ರಹ ಮಾಡಂಡೂಂದ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 5:12

ಇದ್‍ಲ್ಲತೆ, ಅಪೊಸ್ತಲಂಗಡ ಕೈಯಿಂಜ ದುಂಬ ಗುರ್‌ತ್ ಕಾರ್ಯ ಪಿಂಞ ಆಶ್ಚರ್ಯ ಕಾರ್ಯ ಜನಡ ಮದ್ಯತ್‍ಲ್ ನಡ್ಂದಡಿಂಜತ್. ಅಯಿಂಗ ಎಲ್ಲಾರು ಒರೇ ಮನಸ್ಸ್‌ಲ್ ಸೊಲೊಮೋನಂಡ ಮಂಟಪತ್‌ಲ್ ಇಪ್ಪಯಿಂಜತ್.

ಅಪೊಸ್ತಲ 6:8

ಇಕ್ಕ, ಸ್ತೆಫನ ದೇವಡ ಕೃಪೆಯು ಶಕ್ತಿಯು ದುಂಬ್‍ನಂವೊನಾಯಿತ್, ಜನಡ ಮದ್ಯತ್‍ಲ್ ಬಲ್ಯ ಬಲ್ಯ ಗುರ್‍ತ್‍ನ ಪಿಂಞ ಆಶ್ಚರ್ಯ ಕಾರ್ಯತ್‍ನ ಮಾಡಿಯಂಡಿಂಜತ್.

ಅಪೊಸ್ತಲ 7:36

ಇಂವೊನೇ ಅಯಿಂಗಳ ಐಗುಪ್ತ ದೇಶತ್ಂಜ ಪೊರಮೆ ಕಾಕಿಯಂಡ್ ಬಂದಂವೊ. ಇಂವೊ, ಐಗುಪ್ತ ದೇಶತ್‍ಲ್, ಚೋಂದ ಸಮುದ್ರತ್‍ರ ಪಕ್ಕ ಪಿಂಞ ನಾಪದ್ ಕಾಲವಾಯಿತ್ ಮಣಬೂಮಿಲ್ ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅಯಿಂಗಳ ನಡ್‍ತಿಯಂಡ್ ಬಾತ್.

ರೋಮ್ 15:19

ಇನ್ನನೆ ಯೆರೂಸಲೇಮ್ಂಜ ಇಲ್ಲುರಿಕ ಎಣ್ಣುವ ಜಾಗತ್‍ರ ಸುತ್ತ್‌ಮುತ್ತ್‌ಕತ್ತನೆ ಕ್ರಿಸ್ತಂಡ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಬೋದನೆ ಮಾಡಿಯೆ.

1 ಕೊರಿಂಥ 1:22

ಯೆಹೂದ್ಯಂಗ, ಗುರ್‌ತ್ ನೋಟ್‍ಚೇಂಗಿ ಮಾತ್ರ ನಂಬುವ; ಗ್ರೀಕ್ ಜನ ಜ್ಞಾನತ್‍ನ ನಂಬುವ.

2 ಕೊರಿಂಥ 12:12

ಅಪೊಸ್ತಲಂಗಕುಳ್ಳ ಗುರ್‍ತ್‍ನ ಎಲ್ಲಾ ವಿದವಾನ ಪೊರುಮೆಯಿಂಜ ಆಶ್ಚರ್ಯತ್ಂಜ, ಅದ್ಬುತತ್‌ಂಜ, ಶಕ್ತಿರ ಕೈಯಿಂಜ ನಿಂಗಡ ಮದ್ಯತ್‍ಲ್ ನಡ್ಂದತಲ್ಲಾ?

2 ಥೆಸಲೊನೀಕ 2:9

ಆ ಬಲ್ಯ ದುಷ್ಟ ಮನುಷ್ಯ ಪೊರಮೆ ಬಪ್ಪಕ, ಸೈತಾನಂಡ ಎಲ್ಲಾ ಶಕ್ತಿನ ಕೊಂಡ್ ಬಪ್ಪ. ನಾನಾ ತರತ್‍ರ ಅದ್ಬುತ, ಆಶ್ಚರ್ಯ ಕಾರ್ಯತ್‍ನ ಪಿಂಞ ಗುರ್‍ತ್‍ನ ದೇವ ಮಾಡ್‌ವನೆಕೆ ಅಂವೊನು ಮಾಡ್‌ವ, ಆಚೇಂಗಿ ಅದ್ ದೇವಡಯಿಂಜ ಬಪ್ಪದಲ್ಲ.

ಇಬ್ರಿಯ 2:4

ಆಶ್ಚರ್ಯ ಕಾರ್ಯ, ಅದ್ಬುತ ಕಾರ್ಯತ್‍ನಗುಂಡ್ ಪಿಂಞ ಅಂವೊಂಡ ಶಕ್ತಿರಗುಂಡ್ ಎಚ್ಚಕೋ ಕ್ರಿಯೇನ ನಂಗ ಕಂಡಿತುಂಡ್. ತಾಂಡ ಚಿತ್ತತ್‍ರನೆಕೆ, ಪಾಲ್ ಮಾಡ್‍ನ ಪವಿತ್ರಾತ್ಮತ್‍ರ ವರತ್‍ರಗುಂಡ್ ದೇವನೇ ಸಾಕ್ಷಿ ಎಣ್ಣ್‌ನ ಇಚ್ಚಕ್ ಬಲ್ಯ ರಕ್ಷಣೆರ ವಿಷಯತ್ ನಂಗ ಎಚ್ಚರ ಇಲ್ಲತೆ ಇಂಜತೇಂಗಿ, ಬಪ್ಪಕುಳ್ಳ ಶಿಕ್ಷೆಕ್ ನಂಗ ಎನ್ನನೆ ಬಚಾವ್ ಆಪಕಯ್ಯು?