ಯೋಹಾನ 4:47 - ಕೊಡವ ಬೈಬಲ್

⁴⁷ ಯೇಸು ಯೂದಾಯ ಪ್ರಾಂತ್ಯತ್ಂಜ ಗಲಿಲಾಯಕ್ ಬಾತ್‍ೕಂದ್ ಕ್‍ೕಟಿತ್, ಅಂವೊ, ಯೇಸುರ ಪಕ್ಕ ಬಂದಿತ್, ಚಾವನೆಕೆ ಉಳ್ಳ ನಾಡ ಮೋಂವೊನ ನೀನ್ ಬಂದಿತ್ ವಾಸಿ ಮಾಡಂಡೂಂದ್ ಕ್‍ೕಟಂಡತ್.

ಯೋಹಾನ 4:47 ပူးပေါင်းရင်းမြစ်များ

ಮತ್ತಾಯ 2:1

ರಾಜನಾನ ಹೆರೋದಂಡ ದಿವಸತ್‍ಲ್ ಯೂದಾಯ ಪ್ರಾಂತ್ಯತ್‍ಲ್ ಬೇತ್ಲೆಹೇಮ್ ಎಣ್ಣುವ ಊರ್‌ಲ್ ಯೇಸು ಪುಟ್ಟ್‌ಚಿ. ಅಕ್ಕ ಕ್‍ೕಕ್ ದಿಕ್ಕಿಂಜ ಬಂದ ಚೆನ್ನ ಜ್ಞಾನಿಯಂಗ ಯೆರೂಸಲೇಮ್‌ಕ್ ಬಂತ್:

ಮಾರ್ಕ 10:47

ನಜರೇತ್‍ರ ಯೇಸು ಬಂದಂಡುಂಡ್‍ೕಂದ್ ಗೊತ್ತಾನಗುಂಡ್, ದಾವೀದಂಡ ಮೋಂವೊನೇ ನಾಡ ಮೇಲೆ ಕನಿಕರ ಕಾಟ್ ಎಣ್ಣಿಯಂಡ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:41

ಅಕ್ಕ ಸಬಾಮಂದಿರತ್‍ರ ಅದಿಕಾರಿಯಾಯಿತ್ಂಜ ಯಾಯೀರ ಎಣ್ಣುವ ಒರ್ ಮನುಷ್ಯ ಬಂದಿತ್ ಯೇಸುರ ಕಾಲ್‌ಕ್ ಬೂವಂಜಿ, ಪನ್ನೆರಂಡ್ ಬಯಿತ್ ಉಳ್ಳ ತಾಂಡ ಒರೇ ಮೋವ ದುಂಬ ಕಾಯಿಲೆ ಬಂದಿತ್ ಚಾವನೆಕೆ ಉಂಡ್, ನಿಂಗ ನಾಡ ಮನೆಕ್ ಬಾರಿ ಎಣ್ಣಿಯಂಡ್ ಬೋಡಿಯಂಡತ್. ಯೇಸು ಅನ್ನನೆ ಅಂವೊಂಡ ಕೂಡೆ ಮನೆಕ್ ಪೋಪಕ ಅಲ್ಲಿ ದುಂಬ ಜನ ಇಂಜಗುಂಡ್, ಜನ ಅಂವೊನ ನೆರ್‌ಕ್‌ಚಿ.

ಯೋಹಾನ 11:21

ಮಾರ್ಥ ಯೇಸುಕ್: ಒಡೆಯನೇ, ನೀನ್ ಇಲ್ಲಿಯೇ ಇಂಜಿತ್ಂಜತೇಂಗಿ ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ.

ಯೋಹಾನ 11:32

ಯೇಸು ಇಂಜ ಜಾಗಕ್ ಮರಿಯ ಬಪ್ಪಂಜಿ, ಅಂವೊನ ಕಾಂಬಕ, ಅಂವೊಂಡ ಕಾಲ್‌ಕ್ ಬೂವಂಜಿ, ಒಡೆಯನೇ, ನೀನ್ ಇಲ್ಲಿ ಇಂಜಿತ್ಂಜತೇಂಗಿ, ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ.

ಯೋಹಾನ 4:3

ಆನಗುಂಡ್, ಯೇಸು ಯೂದಾಯ ಪ್ರಾಂತ್ಯತ್‍ನ ಬುಟ್ಟಿತ್ ಗಲಿಲಾಯ ಪ್ರಾಂತ್ಯಕ್ ಪುನಃ ಪೋಚಿ.

ಯೋಹಾನ 4:54

ಯೂದಾಯತ್ಂಜ ಗಲಿಲಾಯಕ್ ಬಂದ ಪಿಂಞ ಇದ್ ಯೇಸು ಮಾಡ್‍ನ ದಂಡನೆ ಅದ್ಬುತ ಕಾರ್ಯವಾಯಿತ್ಂಜತ್.

ಅಪೊಸ್ತಲ 9:38

ಯೊಪ್ಪ ಪಟ್ಟಣ, ಲುದ್ದ ಊರ್‌ಕ್ ದುಂಬ ಪಕ್ಕತ್‍ಲ್ ಇಂಜತ್. ಆನಗುಂಡ್ ಯೊಪ್ಪ ಪಟ್ಟಣತ್‍ಲ್ ಇಂಜ ಯೇಸುನ ನಂಬ್‍ನಯಿಂಗಕ್, ಪೇತ್ರ ಲುದ್ದ ಊರ್‌ಲ್ ಉಂಡ್‍ೕಂದ್ ಗೊತ್ತಾನ ಪಿಂಞ, ತಡೆಮಾಡತೆ ಇಲ್ಲಿ ಬಾಂದ್ ದಂಡಾಳ್‌ರ ಪಕ್ಕ ಸುದ್ದಿ ಅಯಿಚಿತ್.