ಯೋಹಾನ 4:42 - ಕೊಡವ ಬೈಬಲ್

⁴² ಅಯಿಂಗ ಆ ಪೊಣ್ಣಾಳ್‌ಕ್, ಇಕ್ಕ ನಂಗ ನೀಡ ತಕ್ಕ್‌ನ ಕ್‍ೕಟಿತ್ ಇಂವೊನ ನಂಬಿತ್‌ಲ್ಲೆ, ನಂಗಳೇ ಅಂವೊಂಡ ತಕ್ಕ್‌ನ ಕ್‍ೕಟಿತ್, ನೇರಾಯಿತು ಇಂವೊನೇ ಈ ಲೋಕತ್‍ನ ಕಾಪಾಡ್‌ವ ರಕ್ಷಕನಾನ ಕ್ರಿಸ್ತಾಂದ್ ಗೊತ್ತಾನಗುಂಡ್ ನಂಬುವಾಂದ್ ಎಣ್ಣ್‌ಚಿ.

ಯೋಹಾನ 4:42 ပူးပေါင်းရင်းမြစ်များ

ಮತ್ತಾಯ 1:21

ಅವ ಒರ್ ಕ್‍ಣ್ಣ ಕುಂಞಿನ ಪೆರ್‌ವ. ಅಂವೊಂಗ್ ಯೇಸೂಂದ್ ಪೆದ ಇಡಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊ ತಾಂಡ ಜನಳ ಪಾಪತ್ಂಜ ಕಾಪಾಡ್‌ವಾಂದ್ ದೇವದೂತ ಎಣ್ಣ್‌ಚಿ.

ಯೋಹಾನ 1:29

ಪಿತ್ಯಾಂದ್ ಯೇಸು ಅಂವೊಂಡ ಪಕ್ಕ ಬಪ್ಪದ್‍ನ ಯೋಹಾನ ಕಾಂಬಕ: ನೋಟಿ, ಈ ಲೋಕತ್‍ರ ಪಾಪತ್‍ನ ಪೊರ್‌ತ್ ತ್‍ೕಪ ದೇವಡ ಕೊರಿಕುಟ್ಟಿ.

ಯೋಹಾನ 11:17

ಯೇಸು ಬೇಥಾನ್ಯ ಊರ್‌ಕ್ ಬಪ್ಪಕ: ಲಾಜರಂಡ ಚಾವ್ ತಡೀನ ಗೋರಿಲ್ ಇಟ್ಟಿತ್ ನಾಲ್ ದಿವಸ ಆಯಿತ್ಂಜತ್‍ೕಂದ್ ಯೇಸುಕ್ ಗೊತ್ತಾಚಿ.

ಯೋಹಾನ 17:8

ನೀನ್ ನಾಕ್ ಕೊಡ್‍ತಿತುಳ್ಳ ಸತ್ಯತ್‍ನ ನಾನ್ ಅಯಿಂಗಕ್ ಕೊಡ್‌ತಿಯೆ; ಅಯಿಂಗ ಅದ್‍ನ ಸ್ವೀಕಾರ ಮಾಡಿತ್, ನಾನ್ ನೀಡಯಿಂಜ ಪೊರಟಿತ್ ಬಾತ್‍ೕಂದ್ ದೃಡವಾಯಿತ್ ಗೊತ್ತಾಯಿತ್, ನೀನೇ ನನ್ನ ಲೋಕಕ್ ಅಯಿಚತ್‍ೕಂದ್ ನಂಬಿಯಂಡುಂಡ್.

ಯೋಹಾನ 4:29

ಬಾರಿ, ಇಲ್ಲಿಕತ್ತನೆ ನಾನ್ ಮಾಡ್‌ನದ್‍ನೆಲ್ಲಾ ಒಬ್ಬ ನಾಕ್ ಎಣ್ಣ್‌ಚಿ. ನಿಂಗೆಲ್ಲಾರು ಬಂದಿತ್ ನೋಟಿ. ಇಂವೊ ಕ್ರಿಸ್ತನಾಯೀತಿಕ್ಕುವೋಂದ್ ಎಣ್ಣ್‌ಚಿ.

ಯೋಹಾನ 4:41

ಅಲ್ಲಿ ಅಂವೊ ಇಪ್ಪಕ, ಅಂವೊ ಮಾಡ್‍ನ ಬೋದನೆರ ಮೂಲಕ ಇಂಞು ದುಂಬ ಜನ ನಂಬಿಕೆ ಬೆಚ್ಚತ್.

ಅಪೊಸ್ತಲ 13:23

ಇನ್ನನೆ ದಾವೀದಂಡ ಸಂತಾನತ್ಂಜ ದೇವ ತಾಂಡ ವಾಗ್ದಾನತ್‍ರನೆಕೆ ಇಸ್ರಾಯೇಲ್ ಜನತ್‍ರ ರಕ್ಷಣೆಕಾಯಿತ್ ಯೇಸು ಎಣ್ಣ್‌ವ ರಕ್ಷಕನ ಅಯಿಚತ್.

ಅಪೊಸ್ತಲ 4:12

ಅಂವೊನ ಬುಟ್ಟಿತ್ ಬೋರೆ ದಾರ್‌ಕು ನಂಗಳ ರಕ್ಷಣೆ ಮಾಡ್‌ವಕ್ ಕಯ್ಯುಲೆ. ಬಾನತ್‍ರ ಅಡಿಲ್, ಮನುಷ್ಯಂಗಡ ಮದ್ಯತ್‍ಲ್ ಯೇಸುರ ಪೆದತ್‍ನ ಬುಟ್ಟಿತ್ ಬೋರೆ ಒರ್ ಪೆದವು ನಂಗಡ ರಕ್ಷಣೆಕ್ ಕೊಡ್‍ತಿತ್‌ಲ್ಲೆ.

ಅಪೊಸ್ತಲ 5:31

ಇಸ್ರಾಯೇಲ್‍ರ ಜನ ಪಶ್ಚಾತಾಪ ಪಡ್‍ವಕಾಯಿತ್ ಪಿಂಞ ಅಯಿಂಗಡ ಪಾಪಕ್ ಪರಿಹಾರತ್‍ನ ಕೊಡ್‍ಪಕಾಯಿತ್ ಅಂವೊನ ಅದಿಪತಿಯಾಯಿತು ರಕ್ಷಕನಾಯಿತು ತಾಂಡ ಬಲ್‌ತೆ ಕೈಯಿರಗುಂಡ್ ಕೊಡಿಕ್ ಕೊಂಡ್ ಪೋಚಿ.

2 ಕೊರಿಂಥ 5:19

ಅದ್ ಎಂತ ಎಣ್ಣ್‌ಚೇಂಗಿ, ದೇವ ಈ ಲೋಕತ್‍ರ ಪಾಪತ್‍ನ ಅಯಿಂಗಕ್ ವಿರೋದವಾಯಿತ್ ಲೆಕ್ಕ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ಮೂಲಕ ಅಯಿಂಗಡ ಮೇಲೆ ಇಂಜ ವಿರೋದತ್‍ನ ಕಳೆಂದಿತ್, ಸಮಾದಾನ ಮಾಡ್‍ಚಿ. ಜನಡಮೇಲೆ ಇಂಜ ದೇವಡ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವ ಬೋದನೆನ ನಂಗಕ್ ಒಪ್ಪ್‌ಚಿಟ್ಟತ್.

1 ತಿಮೊಥೆಯ 4:10

ಇದ್ಂಗಾಯಿತ್ ನಂಗ ನಯಿಪ ಪಿಂಞ ನೊಂಬಲ ತಿಂಬ; ಎನ್ನಂಗೆಣ್ಣ್‌ಚೇಂಗಿ ಎಲ್ಲಾ ಜನಕ್, ಮುಕ್ಯವಾಯಿತ್ ಯೇಸುನ ನಂಬ್‍ನಯಿಂಗಕ್, ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಚ್ಚಿತುಂಡ್.

1 ಯೋಹಾನ 2:2

ಅಂವೊನೇ ನಂಗಡ ಪಾಪತ್‍ನ ಪರಿಹಾರ ಮಾಡ್‌ವ ಬಲಿ ಅರ್ಪಣೆ. ನಂಗಡ ಪಾಪಕಾಯಿತ್ ಮಾತ್ರ ಅಲ್ಲ, ಲೋಕತ್‍ಲ್ ಉಳ್ಳ ಎಲ್ಲಾ ಜನಡ ಪಾಪಕು ತ್ಯಾಗ ಅರ್ಪಣೆಯಾಯಿತುಂಡ್.

1 ಯೋಹಾನ 4:14

ದೇವ ತಾಂಡ ಮೋಂವೊನ ಲೋಕತ್‍ನ ಕಾಪಾಡ್‌ವಕಾಯಿತ್ ಅಯಿಚತ್. ಇದ್‍ನ ನಂಗ ನೋಟಿತ್ ಅದ್ಂಡ ವಿಷಯತ್ ನಿಂಗಕ್ ಇಕ್ಕ ಸಾಕ್ಷಿ ಕೊಡ್‍ಪ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.