ಯೋಹಾನ 4:39 - ಕೊಡವ ಬೈಬಲ್

³⁹ ನಾನ್ ಇಲ್ಲಿಕತ್ತನೆ ಮಾಡ್‌ನದ್‍ನೆಲ್ಲಾ ಅಂವೊ ಎಣ್ಣ್‌ಚೀಂದ್ ಆ ಪೊಣ್ಣಾಳ್ ಎಣ್ಣ್‌ನಗುಂಡ್ ಸಮಾರ್ಯ ಪಟ್ಟಣತ್‍ರ ದುಂಬ ಜನ ಯೇಸುನ ನಂಬ್‍ಚಿ.

ಯೋಹಾನ 4:39 ပူးပေါင်းရင်းမြစ်များ

ಮತ್ತಾಯ 10:5

ಈ ಪನ್ನೆರಂಡ್ ಶಿಷ್ಯಂಗಳ ಯೇಸು ಅಯಿಪಕ, ಇನ್ನನೆ ಎಚ್ಚರಿಕೆ ಮಾಡಿತ್ ಅಯಿಚತ್: ಯೆಹೂದ್ಯಂಗ ಇಲ್ಲತ ಜಾಗಕ್ ಪೋಕತಿ ಪಿಂಞ ಸಮಾರ್ಯ ಪಟ್ಟಣತ್‍ಲ್ ಕಾಲಿಡತಿ.

ಯೋಹಾನ 1:37

ಅಂವೊ ಅನ್ನನೆ ಎಣ್ಣ್‌ವಾನ ಕ್‍ೕಟಿತ್: ಆ ದಂಡ್ ಶಿಷ್ಯಂಗಳು ಯೇಸುರ ಬಯ್ಯಕ್ ಪೋಚಿ.

ಯೋಹಾನ 11:45

ಅಲ್ಲಿ ಮರಿಯಡ ಕೂಡೆ ಬಂದಿತ್ಂಜ ಜನ ಪಿಂಞ ಯೇಸು ಮಾಡ್‍ನದ್‍ನ ಕಂಡ ದುಂಬ ಯೆಹೂದ್ಯ ಜನ ಯೇಸುನ ನಂಬ್‍ಚಿ.

ಯೋಹಾನ 4:29

ಬಾರಿ, ಇಲ್ಲಿಕತ್ತನೆ ನಾನ್ ಮಾಡ್‌ನದ್‍ನೆಲ್ಲಾ ಒಬ್ಬ ನಾಕ್ ಎಣ್ಣ್‌ಚಿ. ನಿಂಗೆಲ್ಲಾರು ಬಂದಿತ್ ನೋಟಿ. ಇಂವೊ ಕ್ರಿಸ್ತನಾಯೀತಿಕ್ಕುವೋಂದ್ ಎಣ್ಣ್‌ಚಿ.

ಯೋಹಾನ 4:30

ಅಕ್ಕ ಉರ್‍ೕಂಜ ಜನ ಎಲ್ಲಾರು ಯೇಸುನ ನೋಟ್‍ವಕ್ ಬಾತ್.

ಯೋಹಾನ 4:38

ನಿಂಗ ಕಷ್ಟಪಟ್ಟಿತ್ ಕೆಲಸ ಮಾಡತೆ, ಬೊಳೆನ ಕೊಯ್ಯುವಕ್ ನಾನ್ ನಿಂಗಳ ಅಯಿಚಿಯೆ, ಬೋರೆಯಿಂಗ ಕೆಲಸ ಮಾಡ್‍ಚಿ, ಅಯಿಂಗಡ ಕೆಲಸತ್‌ರ ಫಲ ನಿಂಗಕ್ ಕ್‍ಟ್ಟ್‌ಚಿ.

ಯೋಹಾನ 4:40

ಆನಗುಂಡ್, ಸಮಾರ್ಯ ಪಟ್ಟಣತ್‍ರ ಜನ, ಯೇಸುರ ಪಕ್ಕ ಬಂದಿತ್, ನಂಗಡ ಕೂಡೆ ಇಕ್ಕಂಡೂಂದ್ ಬೋಡಿಯಂಡತ್, ಅಕ್ಕ ಯೇಸು ಅಲ್ಲಿ ದಂಡ್ ದಿನ ಒಳಿಂಜತ್.

ಯೋಹಾನ 4:42

ಅಯಿಂಗ ಆ ಪೊಣ್ಣಾಳ್‌ಕ್, ಇಕ್ಕ ನಂಗ ನೀಡ ತಕ್ಕ್‌ನ ಕ್‍ೕಟಿತ್ ಇಂವೊನ ನಂಬಿತ್‌ಲ್ಲೆ, ನಂಗಳೇ ಅಂವೊಂಡ ತಕ್ಕ್‌ನ ಕ್‍ೕಟಿತ್, ನೇರಾಯಿತು ಇಂವೊನೇ ಈ ಲೋಕತ್‍ನ ಕಾಪಾಡ್‌ವ ರಕ್ಷಕನಾನ ಕ್ರಿಸ್ತಾಂದ್ ಗೊತ್ತಾನಗುಂಡ್ ನಂಬುವಾಂದ್ ಎಣ್ಣ್‌ಚಿ.

ಯೋಹಾನ 4:5

ಅನ್ನನೆ, ಸಮಾರ್ಯತ್‍ಲ್ ಸುಖರ್ ಎಣ್ಣುವ ಪಟ್ಟಣಕ್ ಬಾತ್. ಆ ಜಾಗ, ಯಾಕೋಬ ಅಂವೊಂಡ ಮೋಂವೊ ಯೋಸೇಫಂಗ್ ಕೊಡ್‍ತ ನೆಲವಾಯಿತ್ಂಜತ್.

ಯೋಹಾನ 4:8

ಅಂವೊಂಡ ಶಿಷ್ಯಂಗ ಆ ಸಮಯತ್‍ಲ್ ಕೂಳ್ ಎಡ್‌ತ ಬಪ್ಪಕ್ ಊರ್‌ರ ಒಳ್‍ಲ್ ಪೋಯಿತ್ಂಜತ್.