30 ಅಕ್ಕ ಉರ್‍ೕಂಜ ಜನ ಎಲ್ಲಾರು ಯೇಸುನ ನೋಟ್‍ವಕ್ ಬಾತ್.
ಅನ್ನನೆ, ದಾರ್ ಮಿಂಞತ್‍ಲ್ ಉಂಡೋ ಅಯಿಂಗ ಬಯ್ಯತ್ ಆಯಿಪೋಪ. ಬಯ್ಯತ್ ಉಳ್ಳಯಿಂಗ ಮಿಂಞಕ್ ಇಪ್ಪಾಂದ್ ಯೇಸು ಎಣ್ಣ್‌ಚಿ.
ಬಾರಿ, ಇಲ್ಲಿಕತ್ತನೆ ನಾನ್ ಮಾಡ್‌ನದ್‍ನೆಲ್ಲಾ ಒಬ್ಬ ನಾಕ್ ಎಣ್ಣ್‌ಚಿ. ನಿಂಗೆಲ್ಲಾರು ಬಂದಿತ್ ನೋಟಿ. ಇಂವೊ ಕ್ರಿಸ್ತನಾಯೀತಿಕ್ಕುವೋಂದ್ ಎಣ್ಣ್‌ಚಿ.
ಇದ್ಂಡ ಮದ್ಯತ್‍ಲ್, ಅಂವೊಂಡ ಶಿಷ್ಯಂಗ: ಉಪಾದ್ಯನೇ, ನೀನ್ ಉಣ್ಣ್‌ಂದ್ ಅಂವೊನ ಬೋಡಿಯಂಡತ್.
ನಾನ್ ಇಲ್ಲಿಕತ್ತನೆ ಮಾಡ್‌ನದ್‍ನೆಲ್ಲಾ ಅಂವೊ ಎಣ್ಣ್‌ಚೀಂದ್ ಆ ಪೊಣ್ಣಾಳ್ ಎಣ್ಣ್‌ನಗುಂಡ್ ಸಮಾರ್ಯ ಪಟ್ಟಣತ್‍ರ ದುಂಬ ಜನ ಯೇಸುನ ನಂಬ್‍ಚಿ.
ಅನ್ನನೆ ತಡೆಮಾಡತೆ ನಾನ್ ನೀಡ ಪಕ್ಕ ಅಯಿಚಿಯೆ. ನೀನ್ ಬಪ್ಪಕ್ ಮನಸ್ಸ್ ಮಾಡ್‍ನದ್ ನಲ್ಲದಾಚಿ. ಇನ್ನನೆ ಇಪ್ಪಕ, ನಂಗಕ್ ಎಂತ ಎಣ್ಣಂಡೂಂದ್ ಒಡೆಯ ನೀಕ್ ಅಪ್ಪಣೆ ತಂದತೋ ಅದ್‍ನೆಲ್ಲಾನ ಕ್‍ೕಪಕಾಯಿತ್ ಇಲ್ಲಿ ದೇವಡ ಪ್ರಸನ್ನತ್‌ಲ್ ನಂಗೆಲ್ಲಾ ಕೂಡಿತುಂಡ್‍ೕಂದ್ ಎಣ್ಣ್‌ಚಿ.
ಪೌಲ ಪಿಂಞ ಬಾರ್ನಬ ಸಬಾಮಂದಿರತ್‌ನ ಬುಟ್ಟಿತ್ ಪೋಯಂಡಿಪ್ಪಕ, ಬಪ್ಪ ಸಬ್ಬತ್ ದಿವಸತ್‍ಲ್ ಪುನಃ ಈ ವಿಷಯತ್‍ನ ಅಯಿಂಗಕ್ ಎಣ್ಣಿತರಂಡೂಂದ್ ಕ್‍ೕಟಂಡತ್.
ಆನಗುಂಡ್ ದೇವಡ ರಕ್ಷಣೆರ ವಿಷಯತ್ ದೇವಡ ವಾಕ್ಯ ಯೆಹೂದ್ಯಂಗ ಅಲ್ಲತ ಬೋರೆ ಜಾತಿ ಜನಕ್ ಪೋಯಂಡುಂಡ್‍ೕಂದ್ ನಿಂಗಕ್ ಚಾಯಿತೆ ಗೊತ್ತಿರಡ್; ಅಯಿಂಗ ಇದ್‍ನ ಕ್‍ೕಟಿತ್ ಅದ್ಂಗ್ ಕೆಮಿ ಕೊಡ್‍ಪಾಂದ್ ಎಣ್ಣ್‌ಚಿ.
ಅದಲ್ಲತೆ, ಅಪರಾದ ಜಾಸ್ತಿ ಆಂಡೂಂದ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಆಚೇಂಗಿ, ಎಲ್ಲಿ ಪಾಪ ಜಾಸ್ತಿ ಆಚೋ, ಅಲ್ಲಿ ಕೃಪೆಯು ಇಂಞು ಜಾಸ್ತಿಯಾಚಿ.
