ಯೋಹಾನ 4:3 - ಕೊಡವ ಬೈಬಲ್

³ ಆನಗುಂಡ್, ಯೇಸು ಯೂದಾಯ ಪ್ರಾಂತ್ಯತ್‍ನ ಬುಟ್ಟಿತ್ ಗಲಿಲಾಯ ಪ್ರಾಂತ್ಯಕ್ ಪುನಃ ಪೋಚಿ.

ಯೋಹಾನ 4:3 ပူးပေါင်းရင်းမြစ်များ

ಮತ್ತಾಯ 10:23

ಒರ್ ಊರ್‌ಲ್ ನಿಂಗಕ್ ಹಿಂಸೆ ತಂದಕ ಬೋರೆ ಊರ್‌ಕ್ ಓಡಿ ಪೋಯಿ. ಎನ್ನಂಗೆಣ್ಣ್‌ಚೇಂಗಿ ಮನುಷ್ಯಕುಮಾರ ಬಪ್ಪಕ್ ಮಿಂಞ ಇಸ್ರಾಯೇಲ್‌ಲ್ ಉಳ್ಳ ಪಟ್ಟಣಕೆಲ್ಲ ನಿಂಗಕ್ ಪೋಪಕ್ ಕಯ್ಯುಲೇಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮಾರ್ಕ 3:7

ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಆ ಜಾಗತ್‍ನ ಬುಟ್ಟಿತ್ ಗಲಿಲಾಯ ಕೆರೆರ ಕರೆಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:11

ಯೇಸು ಯೆರೂಸಲೇಮ್‌ಕ್ ಪೋಯಂಡಿಪ್ಪಕ, ಸಮಾರಿಯ ಪ್ರಾಂತ್ಯ ಪಿಂಞ ಗಲಿಲಾಯ ಪ್ರಾಂತ್ಯತ್‍ರ ಗಡಿಕ್ ಬಾತ್.

ಯೋಹಾನ 1:43

ಪಿತ್ಯಾಂದ್ ಗಲಿಲಾಯಕ್ ಪೋಪಕ್ ಯೇಸು ತೀರ್ಮಾನ ಮಾಡ್‍ಚಿ. ಅಲ್ಲಿ ಎತ್ತ್‌ವಕ, ಫಿಲಿಪ್ಪಾಂದ್ ಒಬ್ಬನ ಕಂಡಿತ್, ನಾಡ ಬಯ್ಯಕ್ ಬಾಂದ್ ಎಣ್ಣ್‌ಚಿ.

ಯೋಹಾನ 10:40

ಪುನಃ ಯೇಸು ಯೊರ್ದನ್ ಕೆರೆರ ಆಬರಿಕ್ ಪೋಯಿತ್, ಅಲ್ಲಿ ಇಂಜತ್. ಈ ಜಾಗತ್‍ಲ್ ಯೋಹಾನ ಜನಕ್, ದೀಕ್ಷಾಸ್ನಾನ ಕೊಡ್‍ತಂಡಿಂಜತ್.

ಯೋಹಾನ 11:54

ಆನಗುಂಡ್, ಅಲ್ಲಿಯಿಂಜ ಯೇಸು, ಯೆಹೂದ್ಯಂಗಡ ಮದ್ಯತ್‍ಲ್ ಪ್ರಯಾಣ ಮಾಡತೆ, ಅಲ್ಲಿ ಬುಟ್ಟಿತ್, ಮಣಬೂಮಿರ ಪಕ್ಕತ್‍ಲ್ ಇಂಜ ಎಫ್ರಾಯಿಮ್ ಎಣ್ಣುವ ಊರ್‌ಕ್ ಪೋಯಿತ್, ಅಲ್ಲಿ ಅಂವೊಂಡ ಶಿಷ್ಯಂಗಡ ಕೂಡೆ ಇಂಜತ್.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 3:22

ಚೆನ್ನ ಸಮಯ ಕಯಿಂಜ ಪಿಂಞ, ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಯೆರೂಸಲೇಮ್ ಪಟ್ಟಣತ್‍ನ ಬುಟ್ಟಿತ್ ಯೂದಾಯ ನಾಡ್‍ರ ಪಕ್ಕ ಪೋಚಿ. ಅಲ್ಲಿ ಅಂವೊ ತಾಂಡ ಶಿಷ್ಯಂಗಡ ಕೂಡೆ ಚೆನ್ನ ಕಾಲ ಇಂಜಂಡ್ ಜನಕ್ ದೀಕ್ಷಾಸ್ನಾನ ಕೊಡ್‍ತಂಡಿಂಜತ್.

ಯೋಹಾನ 3:32

ಅಂವೊ ಎಂತದ್‍ನ ಕಂಡತೋ, ಎಂತದ್‍ನ ಕ್‍ೕಟತೋ ಅದ್ಂಡ ವಿಷಯತ್ ಸಾಕ್ಷಿ ಕೊಡ್‍ಪ. ಆಚೇಂಗಿಯು, ಅಂವೊಂಡ ಸಾಕ್ಷಿನ ದಾರೂ ಸ್ವೀಕಾರ ಮಾಡುಲೆ.

ಯೋಹಾನ 4:47

ಯೇಸು ಯೂದಾಯ ಪ್ರಾಂತ್ಯತ್ಂಜ ಗಲಿಲಾಯಕ್ ಬಾತ್‍ೕಂದ್ ಕ್‍ೕಟಿತ್, ಅಂವೊ, ಯೇಸುರ ಪಕ್ಕ ಬಂದಿತ್, ಚಾವನೆಕೆ ಉಳ್ಳ ನಾಡ ಮೋಂವೊನ ನೀನ್ ಬಂದಿತ್ ವಾಸಿ ಮಾಡಂಡೂಂದ್ ಕ್‍ೕಟಂಡತ್.

ಯೋಹಾನ 7:1

ಇದೆಲ್ಲಾ ಆನ ಪಿಂಞ, ಯೆಹೂದ್ಯಂಗ ಯೇಸುನ ಕೊಲ್ಲ್‌ವಕ್ ಬಟ್ಟೆ ನೋಟಿಯಂಡ್ ಇಂಜಗುಂಡ್, ಅಂವೊ ಯೆಹೂದ್ಯ ಪ್ರಾಂತ್ಯತ್‍ಲ್ ಇಕ್ಕತೆ ಗಲಿಲಾಯ ಪ್ರಾಂತ್ಯಾತ್‍ಲ್ ಒಳಿಂಜತ್.