ಯೋಹಾನ 4:19 - ಕೊಡವ ಬೈಬಲ್

¹⁹ ಒಡೆಯನೇ, ನೀನ್ ಒರ್ ಪ್ರವಾದೀಂದ್ ನಾಕ್ ಗೊತ್ತಾಯಂಡುಂಡ್‍ೕಂದ್ ಆ ಪೊಣ್ಣಾಳ್ ಎಣ್ಣ್‌ಚಿ.

ಯೋಹಾನ 4:19 ပူးပေါင်းရင်းမြစ်များ

ಮತ್ತಾಯ 21:11

ಇಂವೊ ಗಲಿಲಾಯತ್‍ಲ್ ಉಳ್ಳ ನಜರೇತ್‍ರ ಪ್ರವಾದಿ ಯೇಸೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:19

ಅಕ್ಕ ಅಂವೊ: ಎಂತ ಸಂಗತಿ ನಡ್ಂದತ್ ಎಣ್ಣಿಯಂಡ್ ಕ್‍ೕಟತ್. ಅದ್ಂಗ್ ಅಯಿಂಗ: ನಜರೇತ್‍ರ ಯೇಸುರ ವಿಷಯಾಂದ್ ಎಣ್ಣ್‌ಚಿ. ಅಂವೊ ದೇವಡ ಪಿಂಞ ಮನುಷ್ಯಂಗಡ ಮಿಂಞತ್‍ಲ್ ಅಂವೊಂಡ ಕ್ರಿಯೇಲು ತಕ್ಕ್‌ಲು ಶಕ್ತಿಯುಳ್ಳ ಪ್ರವಾದೀಂದ್ ಕಾಟಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:16

ಅಲ್ಲಿ ಉಳ್ಳಯಿಂಗಕೆಲ್ಲಾ ಪೋಡಿ ಆಯಿತ್, ನಂಗಡ ಕೂಟ್‌ಲ್ ಒರ್ ಬಲ್ಯ ಪ್ರವಾದಿ ಎದ್ದಿತುಂಡ್; ದೇವ ತಾಂಡ ಜನಳ ಕಾಪಾಡ್‌ವಕ್ ಬಾತ್‍ೕಂದ್ ದೇವನ ತುದಿಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:39

ಯೇಸುನ ಮನೆಕ್ ಕಾಕ್‍ನ ಫರಿಸಾಯ, ಇದ‌ನ್ನೆಲ್ಲ ನೋಟಿತ್, ಈ ಮನುಷ್ಯ ಒರ್ ಪ್ರವಾದಿಯಾಯಿತ್ಂಜತೇಂಗಿ, ತಾಂಡ ಕಾಲ್‌ನ ಮುಟ್ಟುವ ಈ ಪೊಣ್ಣಾಳ್ ದಾರ್‍ೕಂದ್ ಗೊತ್ತಾಪಕಿಂಜತ್; ಎನ್ನಂಗೆಣ್ಣ್‌ಚೇಂಗಿ, ಇವ ಒರ್ ಪಾಪೀಂದ್ ಅಂವೊಂಡೊಳ್‌ಲೇ ಗೇನ ಮಾಡ್‍ಚಿ.

ಯೋಹಾನ 4:18

ಎನ್ನಂಗೆಣ್ಣ್‌ಚೇಂಗಿ, ನೀಕ್ ಅಂಜ್ ವಡಿಯಂಗ ಇಂಜತ್, ಆಚೇಂಗಿ ಇಕ್ಕ ನೀಡ ಕೂಡೆ ಉಳ್ಳಂವೊ ನೀಡ ವಡಿಯನಲ್ಲ, ನೀನ್ ಇಕ್ಕ ಸರಿಯಾಯಿತ್ ಎಣ್ಣಿಯಾಂದ್ ಎಣ್ಣ್‌ಚಿ.

ಯೋಹಾನ 4:29

ಬಾರಿ, ಇಲ್ಲಿಕತ್ತನೆ ನಾನ್ ಮಾಡ್‌ನದ್‍ನೆಲ್ಲಾ ಒಬ್ಬ ನಾಕ್ ಎಣ್ಣ್‌ಚಿ. ನಿಂಗೆಲ್ಲಾರು ಬಂದಿತ್ ನೋಟಿ. ಇಂವೊ ಕ್ರಿಸ್ತನಾಯೀತಿಕ್ಕುವೋಂದ್ ಎಣ್ಣ್‌ಚಿ.

ಯೋಹಾನ 6:14

ಯೇಸು ಮಾಡ್‍ನ ಈ ಅದ್ಬುತ ಕಾರ್ಯತ್‍ನ ಕಂಡ ಜನ ನೇರಾಯಿತು ಇಂವೊ ಈ ಲೋಕಕ್ ಬಪ್ಪಕಿಂಜ ಪ್ರವಾದೀಂದ್ ಎಣ್ಣ್‌ಚಿ.

ಯೋಹಾನ 7:40

ಅಲ್ಲಿ ಇಂಜ ಜನಡ ಗುಂಪ್‍ಯಿಂಜ ದುಂಬ ಜನ ಯೇಸು ಎಣ್ಣ್‌ನ ತಕ್ಕ್‌ನ ಕ್‍ೕಟಿತ್: ಇಂವೊ ನೇರಾಯಿತು ಒರ್ ಪ್ರವಾದೀಂದ್ ಎಣ್ಣ್‌ಚಿ.

ಯೋಹಾನ 9:17

ಇಂಞೊಮ್ಮ ಫರಿಸಾಯಂಗ ಅಂವೊನ ನೋಟಿತ್: ಅಂವೊ ನಿನ್ನ ವಾಸಿ ಮಾಡ್‍ಚೀಂದ್ ಎಣ್ಣುವಿಯ ಅಲ್ಲಾ, ಅಂವೊಂಡ ವಿಷಯತ್ ನೀನ್ ಎಂತ ಎಣ್ಣುವಿಯಾಂದ್ ಕ್‍ೕಟತ್. ಅದ್ಂಗ್ ಆ ಕುರ್‌ಡನಾಯಿತಿಂಜಂವೊ: ಅಂವೊ ಒರ್ ಪ್ರವಾದೀಂದ್ ಎಣ್ಣ್‌ಚಿ.