ಯೋಹಾನ 4:18 - ಕೊಡವ ಬೈಬಲ್

¹⁸ ಎನ್ನಂಗೆಣ್ಣ್‌ಚೇಂಗಿ, ನೀಕ್ ಅಂಜ್ ವಡಿಯಂಗ ಇಂಜತ್, ಆಚೇಂಗಿ ಇಕ್ಕ ನೀಡ ಕೂಡೆ ಉಳ್ಳಂವೊ ನೀಡ ವಡಿಯನಲ್ಲ, ನೀನ್ ಇಕ್ಕ ಸರಿಯಾಯಿತ್ ಎಣ್ಣಿಯಾಂದ್ ಎಣ್ಣ್‌ಚಿ.

ಯೋಹಾನ 4:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 20:3

ಆಚೇಂಗಿ ಬಯಿಟ್ ದೇವ ಅಬೀಮೆಲೆಕಂಡ ಸ್ವಪ್ನತ್‌ಲ್‌ ಬಂದಿತ್: ಆ ಪೊಣ್ಣಾಳ್‌ನಗುಂಡ್‌ ನೀನ್‌ ಚಾವಿಯ. ಅವ ಬೋರೆ ಒಬ್ಬಂಡ ಪೊಣ್ಣಾಯಿತ್‌ ಉಂಡಲ್ಲಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 34:2

ಆಚೇಂಗಿ, ಅಲ್ಲಿಯತ್‌ರ ಪ್ರಭುವಾಯಿತಿಂಜ ಹಿವ್ವಿಯನಾನ ಹಮೋರಂಡ ಮೋಂವೊನಾನ ಶೆಕೆಮ ಅವಳ ಕಂಡಿತ್, ಅವಳ ಕಾಕಿಯಂಡ್‌ ಪೋಯಿತ್‌ ಅವಡ ಕೂಡ ಬುದ್ದಿತ್, ಅವಳ ಅವಮಾನ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 34:31

ಅದ್‌ಂಗ್‌ ಅಯಿಂಗ: ನಂಗಡ ತಂಗೆನ ಒರ್‌ ಚೂಳೆರನೆಕೆ ನಡ್‌ತ್‌ಚಿ ಅಲ್ಲಾಂದ್‌ ಕ್‍ೕಟತ್.

ಮಾರ್ಕ 10:12

ಅನ್ನನೆ ಏದ್ ಒರ್ ಪೊಣ್ಣಾಳ್ ತಾಂಡ ವಡಿಯನ ಬುಟ್ಟಿತ್ ಬೋರೆ ಒಬ್ಬನ ಮಂಗಲ ಕಯಿಚತೇಂಗಿ, ಅದ್ ವ್ಯಬಿಚಾರ ಮಾಡ್‌ನನೆಕೇಂದ್ ಎಣ್ಣ್‌ಚಿ.

ಯೋಹಾನ 4:16

ಅಕ್ಕ ಯೇಸು: ನೀಡ ವಡಿಯನ ಇಲ್ಲಿಕ್ ಕಾಕಿಯಂಡ್ ಬಾಂದ್ ಎಣ್ಣ್‌ಚಿ.

ಯೋಹಾನ 4:17

ಅದ್ಂಗ್ ಅವ: ನಾಕ್ ವಡಿಯ ಇಲ್ಲೇಂದ್ ಎಣ್ಣ್‌ಚಿ. ಅಕ್ಕ ಯೇಸು: ನೀಕ್ ವಡಿಯ ಇಲ್ಲೇಂದ್ ನಾಡ ಪಕ್ಕ ಎಣ್ಣ್‌ನದ್ ನೇರೇ.

ಯೋಹಾನ 4:19

ಒಡೆಯನೇ, ನೀನ್ ಒರ್ ಪ್ರವಾದೀಂದ್ ನಾಕ್ ಗೊತ್ತಾಯಂಡುಂಡ್‍ೕಂದ್ ಆ ಪೊಣ್ಣಾಳ್ ಎಣ್ಣ್‌ಚಿ.

ರೋಮ್ 7:3

ಆನಗುಂಡ್, ಅವಡ ವಡಿಯ ಬದ್‍ಕಿಯಂಡಿಪ್ಪಕ, ಅವ ಬೋರೆ ಒಬ್ಬನ ಮಂಗಲ ಕಯಿಚತೇಂಗಿ, ಅವಳ ವ್ಯಬಿಚಾರೀಂದ್ ಕಾಕುವ; ವಡಿಯ ಚತ್ತ ಪಿಂಞ ಮಂಗಲತ್‍ರ ಪ್ರಮಾಣತ್ಂಜ ಬುಡುಗಡೆ ಆನಗುಂಡ್, ಅವ ಬೋರೆ ಒಬ್ಬನ ಮಂಗಲ ಕುಯಿಚತೇಂಗಿ ಅವಳ ವ್ಯಬಿಚಾರೀಂದ್ ಕಾಕುಲೆ.

ಇಬ್ರಿಯ 13:4

ಮಂಗಲತ್‍ನ ಎಲ್ಲಾರು ಗನಪಡ್‌ತಂಡು, ಮಂಗಲ ಕಯಿಚಯಿಂಗ ಅಯಿಂಗಯಿಂಗಡ ವಡಿಯ ಪೊಣ್ಣ್‌ಕ್ ನಂಬಿಕಸ್ತಯಿಂಗಳಾಯಿತ್ ಇಕ್ಕಂಡು; ವೇಶಿಯಳ ಪಿಂಞ ವ್ಯಬಿಚಾರ ಮಾಡ್‌ವಯಿಂಗಳ ದೇವ ನ್ಯಾಯತೀರ್ಪ.