ಯೋಹಾನ 4:12 - ಕೊಡವ ಬೈಬಲ್

¹² ಈ ಕಣತರೆನ ನಂಗಕ್ ದಾನಮಾಡ್‍ನ ನಂಗಡ ಮುತ್ತಜ್ಜನಾನ ಯಾಕೋಬಕಿಂಜ ನೀನ್ ಬಲ್ಯಂವೊನಾ? ಅಂವೊ, ಅಂವೊಂಡ ಮಕ್ಕ, ಅಂವೊ ಚಾಕಿಯಂಡ್ ಇಂಜ ಪ್ರಾಣಿಯ ಎಲ್ಲಾ ಇದೇ ಕಣತರೆರ ನೀರ್‌ನ ಕುಡಿಚತ್‍ೕಂದ್ ಎಣ್ಣ್‌ಚಿ.

ಯೋಹಾನ 4:12 ပူးပေါင်းရင်းမြစ်များ

ಮತ್ತಾಯ 12:42

ತೆಕ್ಕ್ ದಿಕ್ಕ್‌ಂಜ ಬಂದ ಶೀಬ ರಾಜ್ಯತ್‍ರ ರಾಣಿ, ಸೊಲೊಮೋನ ರಾಜಂಡ ಜ್ಞಾನತ್‍ನ ಕ್‍ೕಪಕಾಯಿತ್ ಈ ಲೋಕತ್‍ರ ಕಡೇಯಿಂಜ ಪ್ರಯಾಣ ಮಾಡಿತ್ ಬಾತ್. ಇಕ್ಕ ಸೊಲೊಮೋನ ರಾಜಕಿಂಜ ಬಲ್ಯಂವೊ ಇಲ್ಲಿ ಉಂಡ್. ಆಚೇಂಗಿ ನಿಂಗ ಅಂವೊಂಡ ಬೋದನೆನ ಕ್‍ೕಟಿತ್ತ್‌ಲ್ಲೆ. ಆನಗುಂಡ್, ನ್ಯಾಯತೀರ್ಪ್ ದಿನತ್‌ಲ್ ಶೀಬ ರಾಜ್ಯತ್‍ರ ರಾಣಿ ಈ ಸಂತಾನಕಾರಡ ಕೂಡೆ ನಿಂದಿತ್ ಈಂಗಳ ಕುತ್ತ ಪರಿಯುವ.

ಯೋಹಾನ 4:13

ಅಕ್ಕ ಯೇಸು: ಈ ನೀರ್‌ನ ಕುಡಿಪಯಿಂಗಕ್ ಪುನಃ ಬಾಯರಿಕೆ ಆಪ.

ಯೋಹಾನ 4:20

ನಂಗಡ ಮುತ್ತಜ್ಜಂಗ ಇಲ್ಲಿ ಈ ಕುಂದ್‍ಲ್ ದೇವನ ಆರಾದನೆ ಮಾಡಿಯಂಡಿಂಜತ್. ಆಚೇಂಗಿ, ಯೆಹೂದ್ಯಂಗಳಾನ ನಿಂಗ ದೇವನ ಆರಾದನೆ ಮಾಡ್‌ವಕ್ ಯೆರೂಸಲೇಮ್ ಮಾತ್ರ ಸರಿಯಾನ ಜಾಗಾಂದ್ ಎಣ್ಣ್‌ವಿರಲ್ಲಾಂದ್ ಎಣ್ಣ್‌ಚಿ.

ಯೋಹಾನ 4:5

ಅನ್ನನೆ, ಸಮಾರ್ಯತ್‍ಲ್ ಸುಖರ್ ಎಣ್ಣುವ ಪಟ್ಟಣಕ್ ಬಾತ್. ಆ ಜಾಗ, ಯಾಕೋಬ ಅಂವೊಂಡ ಮೋಂವೊ ಯೋಸೇಫಂಗ್ ಕೊಡ್‍ತ ನೆಲವಾಯಿತ್ಂಜತ್.

ಯೋಹಾನ 4:6

ಯಾಕೋಬಂಡ ಕಣತರೆ ಅಲ್ಲಿ ಇಂಜತ್; ಯೇಸು ಪ್ರಯಾಣತ್‍ರಗುಂಡ್ ದುಂಬ ತಳ್ಂದ್ ಪೋಯಿತ್ಂಜತ್, ಆನಗುಂಡ್, ಆ ಕಣತರೆರ ಪಕ್ಕ ಅಂವೊ ಅಳ್‌ತತ್. ಅಕ್ಕ ಮಜ್ಜಣ ಪನ್ನೆರಂಡ್ ಗಂಟೆ ಆಯಿತ್ಂಜತ್.

ಯೋಹಾನ 8:53

ನಂಗಡ ಮುತ್ತಜ್ಜನಾನ ಅಬ್ರಹಾಮಕಿಂಜ ನೀನ್ ಬಲ್ಯಂವೊನಾ? ಅಂವೊ ಚತ್ತ್ ಪೋಚಿ, ಪ್ರವಾದಿಯಂಗಳು ಚತ್ತ್ ಪೋಚಿ; ಅಕ್ಕ ನೀನ್ ನಿನ್ನ ಏದ್ ತರ ಮನುಷ್ಯನಾಯಿತ್ ಮಾಡಿಯೋವಿಯಾಂದ್ ತರ್ಕ ಮಾಡ್‍ಚಿ.

ಇಬ್ರಿಯ 3:3

ಮನೇಕಿಂಜ, ಮನೆ ಕೆಟ್ಟ್‌ವಂವೊ ಬಲ್ಯ ಗೌರವಕ್ ಯೋಗ್ಯನಾಯಿತ್‌ಪ್ಪ; ಅನ್ನನೆ ಮೋಶೇಕಿಂಜ ಇಂವೊ ದುಂಬ ಗೌರವಕ್ ಯೋಗ್ಯನಾಯಿತುಂಡ್.