ಯೋಹಾನ 3:7 - ಕೊಡವ ಬೈಬಲ್

⁷ ಆನಗುಂಡ್, ನೀನ್ ಪುನಃ ಪುಟ್ಟಂಡೂಂದ್ ನಾನ್ ನೀಕ್ ಎಣ್ಣ್‌ನ ವಿಷಯತ್‍ಲ್ ಆಶ್ಚರ್ಯ ಪಡತೆ.

ಯೋಹಾನ 3:7 ပူးပေါင်းရင်းမြစ်များ

ಯೋಹಾನ 3:12

ಈ ಲೋಕತ್‍ರ ವಿಷಯತ್‍ನ ಎಣ್ಣುವಕ ನಿಂಗ ನನ್ನ ನಂಬತೆ ಪೋಚೇಂಗಿ, ಪರಲೋಕತ್‍ರ ವಿಷಯತ್‍ನ ಎಣ್ಣ್‌ಚೇಂಗಿ ಎನ್ನನೆ ನಂಬುವಿರ?

ಯೋಹಾನ 3:3

ಅಂವೊಂಗ್ ಯೇಸು: ಒಬ್ಬ ಪುನಃ ಪುಟ್ಟತೆ ಪೋನಕ ಅಂವೊ ದೇವಡ ರಾಜ್ಯತ್‍ನ ಕಾಂಬಕ್ ಕಯ್ಯುಲೇಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಉತ್ತರ ಕೊಡ್‍ತತ್.

ಯೋಹಾನ 3:6

ತಡೀರ ಮೂಲಕ ಪುಟ್ಟ್‌ವದ್ ತಡೀರ ಜೀವವಾಯಿತ್‌ಪ್ಪ, ಆಚೇಂಗಿ, ಪವಿತ್ರಾತ್ಮತ್‍ರ ಮೂಲಕ ಪುಟ್ಟ್‌ವದ್ ದೇವಡ ಆತ್ಮವಾಯಿತಿಪ್ಪ.

ಯೋಹಾನ 3:8

ಗಾಳಿ, ಅದ್ಂಡ ಇಷ್ಟ ಪ್ರಕಾರ ಎಲ್ಲಿ ಬೋಂಡ್‍ಚೇಂಗಿಯು ಬೀಜುವ; ಅದ್ಂಡ ಸದ್ದ್‌ನ ನಿಂಗ ಕ್‍ೕಪಿರ, ಆಚೇಂಗಿ ಅದ್ ಎಲ್ಲಿಂಜ ಬಾತ್‍ೕಂದು, ಎಲ್ಲಿಕ್ ಪೋಪಾಂದು ನಿಂಗಕ್ ಗೊತ್ತಿಪ್ಪುಲೆ; ಅನ್ನನೆ ಪವಿತ್ರಾತ್ಮತ್‍ರ ಮೂಲಕ ಪುಟ್ಟ್‌ನ ಒಬ್ಬೊಬ್ಬನು ಇಪ್ಪಾಂದ್ ಎಣ್ಣ್‌ಚಿ.

ಯೋಹಾನ 5:28

ಇದ್ಂಗ್ ಆಶ್ಚರ್ಯ ಪಡಂಡ; ಎನ್ನಂಗೆಣ್ಣ್‌ಚೇಂಗಿ, ಚತ್ತಿತ್ ತೂಟ್‌ಂಗಳತ್‌ಲ್ ಉಳ್ಳಯಿಂಗ ಎಲ್ಲಾರು ಮೋಂವೊಂಡ ಸ್ವರತ್‍ನ ಕ್‍ೕಪ ಕಾಲ ಬಪ್ಪ.

ಕೊಲೊಸ್ಸೆ 1:12

ಬೊಳಿಲ್ ಉಳ್ಳ ದೇವಡ ಮಕ್ಕಡ ಬಾದ್ಯತೆಲ್, ನಂಗಕ್ ಪಾಲ್ ಕ್‍ಟ್ಟುವಕ್ ಯೋಗ್ಯವಾಯಿತ್ ಮಾಡ್‍ನಂವೊಂಗ್,

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

ಪ್ರಕಟನೆ 21:27

ಕೊರಿಕುಟ್ಟಿಯಾನವೊಂಡ ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತುಳ್ಳಯಿಂಗ ಅಲ್ಲತೆ ಬೋರೆ ದಾರೂ ಅದ್ಂಡ ಒಳ್‍ಕ್ ಪೋಪಕ್ ಕಯ್ಯುಲೆ; ಅಶುದ್ದವಾನದ್ ಒಂದು ಅಲ್ಲಿಕ್ ಪೋಪುಲೆ, ಹೇಸಿಗೆಯಾನದ್‌ನ ಅಥವ ಕಳ್ಳತನ ಮಾಡ್‌ವ ದಾರೂ ಅಲ್ಲಿಕ್ ಎತ್ತುಲೆ.